41 Na' gaozə gana' bda'gake' Jesúza' ḻee yag cruza' de to latj ga nazgake' yag dii chbia dii zix̱, na' na' zoa to blej kob dii biṉ' koogake' ni tlish' beṉ' wet.
Na' biḻetje'ne' ḻee yag cruza', na'ch bitobe'ne' to lech' xen na' jḻo'ene' to ḻoo blej daa benshawee, ga biṉ' wkash'gake' ni tlish' beṉ' wet.
Na' jḻo'ene' to ḻoo ba kob dii zi' benshawee to ḻee yaj. Na'tech bdee to yaj xen cho'ayinna'. Na'ch bizee.
Na'ch che' Jesúza'ne': ―¿Berac̱he chbellzo', noolə? ¿Nodaa chiyiljo'? Na' Maríana' chakile' beena' chap yag zix̱kan', na' chi'ene': ―Beṉ'do', shi ba bibejo'ne', wnagach nad' galə jadix̱jo'ne' kwenc̱he yic̱hi'ane'.
Na' daa chakbyengakile' wsini'agake' c̱he llana' chombaaṉgake', lii wlootegake' kwerp c̱he Jesúza' ḻoo bleja' zoa gaozə na'.