San Juan 11:43 - Zapotec Cajonos: Dillꞌ wen dillꞌ   Kob C̱he   Jesucrístonaꞌ

⁴³ Na' ka biyoll wne' ka', na'ch wṉie' zillj, chi'e: ―¡Lázaro, bichej na'!

San Juan 11:43 Referans Kwoze

Los Hechos 9:40

Na' Pédrona' bibeje' yog'ḻoḻe' chyoolə, na' bc̱hek' xibe'na' be'ḻwille' Chioza'. Na'ch bwie' noola' ba wit na' golle'ne': ―Tabita, biyas. Na'ch lii bix̱a'te jalao Dorcaza' chwie' Pédrona'. Na'ch biyase' bibi'e.

Los Hechos 9:34

Na' Pédrona' golle'ne': ―Eneas, Jesucrístona' yiyone' li'. Biyas na' bitob daa c̱ho'na'. Na' lii biyaste Enéaza'.

Los Hechos 3:12

Na' ka ble'i Pédrona' beṉ'ka' chdop chllag na', golle' ḻegake': ―Le' beṉ' Israel, ¿berac̱he chibanzile daa biyaki beeni? ¿Na' berac̱he chwiazle neto'? ¿Achakile kon yeḻ' wak c̱hento'nan' biyaki beeni? ¿Awa chakile daa zoanto' chonnto' ka chiyoolallii Chiozan' biyakile'? Aga daan.

Los Hechos 3:6

Na' Pédrona' chi'ene': ―Bibi mech nap' goṉ' li', ḻete dii nap' goṉ' li'. Kon yeḻ' wak c̱he Jesucristo, beṉ' Nazareta', nia' li' bizolla' na' bigoo nez.

San Marcos 4:41

Na' ḻe bllebgake', na' che' ljwellgake': ―¿Nora beeni, lla?, ax̱t be'na' na'ch nisdo'ni chzoagakan xtillee.

San Juan 11:42

Ṉezid' toshiizi chzenago' c̱ha', per chṉia' li' kwenc̱he shajḻe' beṉ'ki lle' ni nan lin' bseḻoo nad'.

San Juan 11:44

Na' lii bichejte Lázarona' ndob ṉi'a neena' lech'ka', na' cho'alawe'na' ndoban to lech'. Na'ch che' Jesúza' ḻegake': ―Ḻi yizeshe' lechaa na' ḻi yisane' yiyaje'.

San Juan 12:1

Zi' x̱op lla gaḻ' lṉi Paskwa' wyaj Jesúza' yell Betániana', gana' zoa Lázarona', beena' bisbane' ladj beṉ' wetka'.

San Juan 12:9

Na' zan beṉ' Israelka' wṉezgakile' zoa Jesúza' yell Betániana' na' wyajgake' na'. Per aga wyajgake' yella' ni c̱he toz Jesúzan', san ḻekzka' kwenc̱he ile'gakile' Lázarona', beena' bisban Jesúza' ladj beṉ' wetka'.