San Juan 1:19 - Zapotec Cajonos: Dillꞌ wen dillꞌ   Kob C̱he   Jesucrístonaꞌ

¹⁹ Beṉ' wṉabia' c̱he beṉ' Israelka' lle' Jerusalénna' bseḻ'gake' to c̱hop bx̱oz na' sto c̱hop beṉ'ka' nak xiiṉ dia c̱he dii Levína' kwenc̱he jaṉabgakile' Juanna' non nake'.

San Juan 1:19 Referans Kwoze

San Juan 10:24

Na' beṉ'ka' chṉabia' beṉ' Israelka' wyec̱hjyobgake'ne', che'gake'ne': ―¿Ax̱t batrakzə yikwaso' yeḻ' chakc̱hoplall' c̱hento'ni? Shi li'kzan Crístona', beena' chbeznto' wseḻ' Chioza', lla wnatega neto' kwenc̱he iṉezinto'.

Los Hechos 19:4

Na'ch goll Páblona' ḻegake': ―Dii Juanna' bzajniile' beṉ' chiyaḻ' c̱hoagake' nisa' daa wli'n ba biyaj bilengakile' na' ḻekzka' golle' ḻegake' chiyaḻ' gonḻilall'gake' beena' zi' yid, na' ḻen' Jesúza', beena' wlej Chioza' iṉabi'e.

Los Hechos 13:25

Na' ka ba zoa yiyoll gon dii Juanna' daa nak lall' nee gone', na' ba zoate illin lla guete', na' wne': “Bi nak' beena' chakile nak'. Zi' za'lə beena' zak'ch ka nad'. Na' nad' ni bi zakaa gak' xmose' kwenc̱he wḻec̱hj' xele'na'.”

San Juan 2:18

Na'ch beṉ' Israelka' lle' na' che'gake' Jesúza': ―¿Bi yeḻ' wak gono' dii wli'n napo' yeḻ' wṉabia' kwenc̱he chono' diiki?

San Juan 5:10

Na' beṉ'ka' chṉabia' beṉ' Israelka' gollgake' beena' biyaki: ―Lla chombaaṉcho ṉaa. Aga bi lsens de woo daa c̱ho'na'.

San Juan 6:52

Na'ch beṉ' Israelka' wzolo chshesh chṉegake', che' ljwelle': ―¿Nakra gon beeni goṉe' beli chen c̱he'na' gaochon?

San Juan 6:41

Na'ch beṉ' wṉabia' c̱he beṉ' Israelka' wzologake' biz chon chnagake' c̱he Jesúza' daa wne': “Nad' nak' yeḻ' wao daa za' yabana'.”

San Juan 1:7

Juanna' bidyee dill' c̱he beena' nsa' beeni'na' kwenc̱he yog' beṉ' gonḻilall'gake'ne'.

San Juan 2:20

Na'ch che' beṉ' Israelka' ḻe': ―X̱opiyon yiz bengake' yoodo'ni, na' li' nazo' shoṉə llazə yiyono'n.

San Juan 5:15

Na'ch beena' biyaje' lao beṉ' wṉabia' c̱he beṉ' Israelka' jayelle' ḻegake' nan Jesúza' biyone'ne'.

San Juan 5:16

Na' daa ben Jesúza' yeḻ' waka' lla sabda', llana' chombaaṉgake', goklall'gake' witgake'ne'.

San Juan 5:18

Na'ch beṉ' wṉabia' c̱he beṉ' Israelka' goklall'gake' witgake'ne' aga toz daa wdishje' leya' daa cho'en dill' c̱he llana' chombaaṉgake', san ḻekzka' daa chon kwine' ka Chios daa chi'e Chioza' nake' X̱e'.

San Juan 7:1

Ka wde dga, Jesúza' wde' doxen gana' mbani Galileana'. Ḻa' bi goklallee shaje' gana' mbani Judeana' daa cheeni beṉ' wṉabia' c̱he beṉ' Israelka' witgake'ne'.

San Juan 7:11

Na' beṉ'ka' chṉabia' beṉ' Israelka' chiyiljgake'ne' lo lṉina', che' ljwellgake': ―¿Garaṉzi beena', lla?

San Juan 7:15

Na' chibani beṉ' Israelka', na' che' ljwelle': ―¿Nakra chak chli' chsedi beeni beṉ', len aga bi nsede'?

San Juan 8:22

Na'ch beṉ' wṉabia' c̱he beṉ' Israelka' che' ljwellgake': ―¿Acheenile' yiyit kwinen', lla? ¿Adaan naze': “Gana' yiyaa bi gak sa'le”?

San Juan 8:48

Na'ch beṉ' wṉabia' c̱he beṉ' Israelka' che'gake'ne': ―¡Aga naznto' nanto' nako' beṉ' Samaria na' yootio' to dii x̱iw'!

San Juan 8:52

Na'ch beṉ' wṉabia' c̱he beṉ' Israelka' che'gake'ne': ―Ṉaach ba wṉezinto' dii x̱iw'kzan yoo. Dii x̱ozxto'cho Abrahama' wite' na' ḻekzka' yog' beṉ'ka' wdix̱jee daa goll Chioza' ḻegake' kani'yi. Na' li' ṉaa, nazo': “Beena' chzenag c̱ha' ibane' zejḻi kaṉi.”

San Juan 8:57

Na'ch beṉ'ka' chṉabia' beṉ' Israelka' che'gake'ne': ―Ni shiyon yiz biṉ' gakilo' na' nazo' zle'ilo' dii Abrahama'.

San Juan 10:31

Na'ch beṉ' Israelka' bizgoyogake' yaja' kwenc̱he nan wtakwgake'n Jesúza'.

San Juan 11:19

Na' beṉ' zan beṉ' Israelka' lle' Jerusalénna' wyajgake' jenxenlall'gake' Mártana' len Maríana' daa wit beṉ' zane'ka'.

1 Juan 1:5

Diikin bli' bsedi Jesucrístona' neto', na' chyix̱je'into'n le': Chioza' nake' ka beeni' daa nake' ḻiizelozi beṉ' ḻi beṉ' shao', na' bibi dii mal ni de wxiye' nsee, diika' nak ka yel c̱hoḻ.