Apocalipsis 4:11 - Zapotec Cajonos: Dillꞌ wen dillꞌ   Kob C̱he   Jesucrístonaꞌ

¹¹ Chios, li' nako' X̱annto', na' chidoḻoo koonto' li' balaaṉ na' we'nto' xtilloo nako' beṉ' zakii nlleb, na' beṉ' yeḻ' wak choo yeḻ' wak xen. Lin' bx̱e bsilo' yog'ḻoḻte dii de, na' daa goklalloo soagakan, bx̱e bsilgako'n.

Apocalipsis 4:11 Referans Kwoze

Apocalipsis 5:12

Na' wnagake' zillj nlleb: Beena' nak ka xil'do', beena' betgake', chidoḻee we'nto' xtillee nape' yeḻ' wṉabia' xen, na' naki c̱he' yog'ḻoḻ yeḻ' wni'a dii de, nape' yeḻ' sin' xen na' yeḻ' wak choo yeḻ' wak xen, nake' beṉ' zakii nlleb, na' chidoḻee we'la'onto'ne' na' koonto'ne' balaaṉ.

Apocalipsis 10:6

na' bzoe' de tasc̱hiw beena' zoa zejḻi kaṉi, beena' bx̱e bsil yabana' na' yog'ḻoḻ daa llia xaninna', na' yell-lioni na' yog'ḻoḻ daa de lawinna', na' nisdo'na' na' yog'ḻoḻ daa lle' ḻo'inna', na' wne': ―Aga chllach gak daa llia bia' gak.

Apocalipsis 14:7

Na' wṉie' zillj inlleb, chi'e: ―Ḻi illeb Chioza' na' ḻi kwee balaaṉ, ḻa' ba bllin lla gone' yeḻ' josc̱his c̱he to to beṉ'. Ḻi we'la'o beena' ben yabana' len yell-liona', na' nisdo'na', na' gana' chal niska'.

Apocalipsis 5:9

Na' beḻgake' to dii kob dii chgoon ḻe' balaaṉ, na' ki nan: Lin' chidoḻoo gox̱oo yishi ndobə na' wxoxjo' seyka', daa betgake' li', na' daa blalj xc̱heno'na' biya'o bizi'o beṉ' za' yog' dia, yog' yell na' yog' nación, na' beṉ' chṉe wde wdeli dill', kwenc̱he nakgake' lo na' Chioza'.

Hebreos 1:10

Na' ḻekzka' nan: Lin' nako' Chios, na' lin' bx̱e bsilo' yell-lioni ka wzolon, na' li'kzan bx̱e bsilo' yabana'.

Romanos 11:36

Ḻa' ḻen' bx̱e bsile' yog'ḻoḻte dii de na' bllie' bia' chongakan ka chaklallee, na' yog'ḻoḻ dii de nakan c̱he'. ¡Ḻe' chidoḻee koochone' balaaṉ zejḻi kaṉi! Kan' nakan.

Efesios 3:9

Chioza', beena' bx̱e bsil yog'ḻoḻte dii de, kani'yi wlo'e xṉezin gone' to dii gone', na' ni to kono golle' ka nak daa gone'. Na' ṉaa ba bene'n lall' na' wzajniida'n beṉ'

Los Hechos 14:15

―Le' beṉ'do', ¿berac̱he chonzle ka'? Ḻekzka' beṉ' yell-lioz neto', ka le', na' ba bidnto' kwenc̱he wzajniinto' le' chiyaḻ' kwejyic̱hjle diiki bibi zak' na' gonḻilall'le Chios, beṉ' yaa beṉ' banna', beena' ben yabana', yell-lioni, na' nisdo'na', na' yog' dii de xan yabana', lo yell-lioni, na' ḻoo nisdo'na'.

Los Hechos 17:24

’Chios, beena' ben yell-lioni na' yog' dii de lawinna' nake' X̱an yabana' na' yell-lioni. Aga zoe' ḻoo yoodo' dii choni ṉi'a na' beṉ'.

Apocalipsis 5:2

Na' ble'id' to anjl, beṉ' nap yeḻ' wak xen, na' wṉie' zillj inlleb, chṉabe': ―¿Notg zakii wxoxje' seyka' na' wselle' yisha'?

Hebreos 1:2

Na' ṉaa ba zoa te c̱he yell-lioni, Chioza' bseḻee Xiiṉe'na' be'lene' cho' cho'a xtilleena', na' ḻen' nzoe' gak lall' nee yog'te dii de, na' ḻekzen' bene' yabana' len yell-lioni, diika' bllia Chioza' bia' gak.

Apocalipsis 1:6

na' ba beṉe' cho' yeḻ' wṉabia'na', na' ba none' cho' bx̱oz c̱he X̱e' Chioza'. Ḻen' chidoḻee sho'e balaaṉ na' iṉabi'e zejḻi kaṉi. Kan' nakan.

Apocalipsis 19:1

Ka biyoll ble'id' diiki, benid' chosyaa beṉ' zan yabana', nagake': ¡We'la'ocho Chioza'! X̱ancho Chioza', beena' chisla beṉ'ka' nonḻilall'gake'ne', chidoḻee sho'e balaaṉ na' iṉabi'e toshiizi,