Ts'etta 4:17 - Yiqsum

¹⁷ Gaabil xhunaşşeyka g'alirxhu. Mana vuxhne ayxu, Xanok uxu. Mane gahıl mang'vee şaharniy alyaa'a. Şaharılqa, Xanokun, dixen do giyxhe.

Ts'etta 4:17 Referans Kwoze

Daniyal 4:30

Navuxodonosorne hək'ee uvhiyn karbı mankecad vuk'lelqa qadaylenbı. Mana insanaaşine yı'q'neençe g'e'eşşena, mang'veeyib yatsan xhinne ok' ooxhan giyğal. Mang'un ç'ərbı q'aacirna vusun xhinne xıliy qıxhesmee, xhınt'arıd şit'yaaşin xhınt'ar xhinne xıliy qıxhesmee xəybışde çiyın mana əyxər ha'a ıxha.

2-Samuelin 18:18

Avşalomee üç'ürnang'a sa xəbna g'aye alyapt'ı, mana Paççahaaşine Q'adaalil cus aabida xhinne ulyoozar haa'a. Mang'vee mane g'ayel «Zas yizın do havacesda dix ıxha deşva» uvhu, mane g'ayeys cun do hele. G'iyniyne yiğılid mançik'le Avşalomna haykalva eyhe.

Ts'etta 11:4

Qiyğad «Şas, sa şahariy q'om xəybışeeqa hiviyxharna gulle alyav'u, do qığahas, deşxhee mançeb ehevkasınbıva» uvhu.

Ts'etta 5:22

Metuşelax ıxhayle qiyğa, Xanok xhebıd vəş (300) senna Allahne yəqqı'n ark'ın. Mang'us mebın dixbıyiy yişbıb vooxhenbı.

Ts'etta 5:18

Yeredıqa vəşşe yixhts'ale q'ölle (162) sennang'a, mang'us dix Xanok ıxha.

Ts'etta 4:16

Gaabil Rəbbike ark'ın Eden bağne şargıl – Nod eyhene cigee axva.

Ts'etta 4:18

Xanokike İrad g'arayle. İradıker Mehuyael g'arayle. Mehuyaeliker Metuşael g'arayle. Metuşaeliker Lemek g'arayle.