Raq'ambı 11:12 - Yiqsum

¹² Nya'a, zakene in millet g'adı? Nya'a, zıne manbı vuxu? Ğu k'ın g'assır yişde dekkaaşis hevlesva uvhuyne cigabışeeqa, nya'a manbı zasqa uşax gyoqa'ane xhunaşşe uşax aqqıyn xhinne, avqu quvkees ulyookka?

Raq'ambı 11:12 Referans Kwoze

Qığeepç'iy 13:5

Rəbbee vuşde dekkaaşis k'ınniy g'assır, Kana'anbışin, Q'etbışin, Emorbışin, Q'ivbışin, Yevusbışin nyakiy itv gyodatstsen cigabı şos helesva. Rəbbee şu maqa qabıyng'a, mane vuza man ədat he'e:

Ts'etta 50:24

Sabara gah ılğevç'uyle qiyğa Yusufee çocaaşik'le eyhen: – Yizda qik'asda gah k'ane quvxheeyib, Allahee şu yik'el hivxanaa'as deş. Allahee şu ine ölkeençe qığaa'asınbı. Mang'vee k'ın g'assır İbrıhımıs, I'saq'ıs, Yaaq'ubıs hevlesva uvhiyne cigeeqa şu quvkees.

Ts'etta 26:3

İne ölkee menne cigayna xhinnee axve. Zı vaka ixhes, vas xayir-düə hevles. Yiğne dekkıs İbrıhımıs k'ın g'aysır ha'asva uvhuyn karbı ha'asınbı: in gırgın cigabı vasiy vake g'abıynbışis heles.

Yəhye 10:11

Yugna çoban Zı vorna. Yugne çobanee vəq'əbışil-alla cun can q'urbanna hele.

Ts'etta 13:15

Vak'le g'ecen cigabı gırgıne gahbışis vasiy vake g'abıynbışis heles.

Ts'etta 24:7

Rəbbee, xəybışde Allahee, zı dekkıne xaançeyiy yedike ıxhayne cigabışeençe qığavhu. Mana zaka yuşan hı'ı, Mang'vee zas k'ın g'aysır in cigabı yizde nasıles helesva. Mang'vee Cun malaaik g'axıles, ğunar mançe yizde dixes xhunaşşe hey'ı qiyeeles.

Qığeepç'iy 13:11

Rəbbee şosiy vuşde dekkaaşis k'ın g'assır helesva uvhuyne Kana'anaaşine ölkeeqa qabı hipxhırne yiğıle,

Qığeepç'iy 33:1

Rəbbee Mısayk'le eyhen: – Ğunar, ğu Misirğançe qığavhuyn milletıd ine cigeençe qığeepç'e. İbrıhımıs, I'saq'ıs, Yaaq'ubıs Zı k'ın g'assır «Zı şoke g'abıynbışis hevlesva» uvhuynne cigabışeeqa hudoora.

Qığeepç'iy 6:8

Zı şu İbrıhımıs, I'saq'ı's, Yaaq'ubıs k'ın g'assır helesva uvhuyne cigabışeeqa quvkees. Man cıgabı vuşunbı ixhes. Zı Rəbb vorna».