Zekariah 9:9 - Bible Ni Thothup

⁹ Gimed e girdi’ nu Zion, mfelfelan’gad, mfelfelan’gad! Gimed e girdi’ nu Jerusalem, mu garus niged e felfelan’! Mu sapgad, pilung romed e be yib ngomed! Be yib nib felfelan’ ya ma gel ko pi to’ogor rok, machane ba sobut’an’, ma ke yib nike af nga daken ba dongki, ke af nga daken ba fak e dongki.

Zekariah 9:9 Referans Kwoze

Zekariah 2:10

Ke ga’ar SOMOL, “Mu tang niged e felfelan’ gimed piyu Jerusalem! Arme kugub ni nggu par u fithik’med!”

Mark 11:7

Miyow fek fare pifak e dongki i yan ngak Jesus, miyow yin’ wuru’ e mad rorow nga daken fare gamanman, me af Jesus nga daken.

Isaiah 43:11

“Kemus ni Gag e SOMOL, kemus ni gag e rayag rog ni nggu ayuwegmed u pa’ e to’ogor romed.

Matthew 11:29

Mfeked e mat’ rog ngam ted nga pomed, mi gimed folwok rog, ya gub munguy ma gub sobut’an’; mi gimed pir’eg e toffan.

Isaiah 40:9

Jerusalem, mman nga daken e burey nib tolang; mu weliy e re thin ney ni bfel’! Zion, mu tolul ni ba ga’ lamam; mu weliy e re thin ney ni bfel’! Mu non ni ba ga’ lamam, ma dab mu rus. Mog ngak e pi binaw nu Judah ni fare Got rorad e be yib!

Isaiah 62:11

I SOMOL e be weliy ko fayleng ni ga’ngin ni ngan rung’ag: “Mogned ngak e girdi’ nu Jerusalem ni Fare SOMOL e bayib ni nge thapegmed, Me fek e girdi’ nike lagrad ngar uned ngak.”

Isaiah 43:3

Ya Gag e SOMOL ni Got rom, ni fare Got nib thothup nu Israel ni ir e ma chuwegem u pa’ e to’ogor rom. Bay gu tay yu Egypt nga luwam ni fan e ngan pagem; bay gu tay yu Ethiopia nge yu Seba nga luwam.

Isaiah 12:6

Urngin e girdi’ nma par u Zion e nge tolul ngalang me tang! Got nib thothup rok piyu Israel e ba sorok, mma par u fithik’ e girdi’ rok.”

Psalms 2:6

Ke ga’ar, “Kug tay e pilung rog nga daken yu Zion, ni aram fare burey rog nib thothup.”

John 1:49

Me fulweg Nathanael ni ga’ar, “Tamchib, i gur fa’anem ni Fak Got gur! I gur fare Pilung nu Israel!”

Matthew 1:21

Ya bayi gargeleg bochi pagel ma ngam tunguy fithingan ni Jesus — ya bayi ayuweg girdi’en nge chuwegrad ko denen ni yad be ngongliy nge thapegrad ngak Got.”

Jeremiah 30:9

Ma bayi mang gag SOMOL, ni Got rorad e bay ur pigpig gad ngog, nge be’ ni owchen David ni ir e bay gu pilungnag.

Isaiah 45:21

Mu feked e oloboch romed i yib nga tafen e puf oloboch, me puruy’ e pi’in ta ayuw u tafen e puf oloboch. I mini’ kakrom e i yi’iynag e n’en ni nge taw ngay? Gathi Gag fare SOMOL, ni fare Got ni ayuweg e girdi’ rok? Dakuriy yugu reb e got ngabang.

Psalms 45:1

Yu bugithin nib manigil e ke suguy lanin’ug, nnap’an ni gu be tunguy e re tang ney ni fen fare pilung. Ba’aray ba tang u daken balowtheg ni bod e pen u pa’ be’ nib salap ko yol.

John 19:15

Miyad fulweg u fithik’ e tolul ngak ni be lungurad, “Mu li’ ngem’! Mu li’ ngem’! Mu richibiy ko kuruth!” Me fith Pilate ngorad ni ga’ar, “Gimed ba’adag ni nggu richibiy e pilung romed ko kuruth?” Me fulweg fapi tolang ko prist ni lungurad, “Kemus ni Emperor nu Roma e ir e pilung romad!”

Matthew 2:2

“Bu uw fare tir ni kan gargeleg ni ir e nge mang pilung rok piyu Israel? Ya kug guyed t’ufan ko ngiyal’ ni m’ug u lan e ngek, me ere kugbad ni nggu siro’gad ngak.”

Luke 24:27

Me weliy Jesus ngorow e tin ni murung’agen ni kan weliy u lan urngin kaen e babyor nib thothup, ni tabab ko yu ke rok Moses e babyor nge urngin e tin ni yoloy e pi profet.

Judges 10:4

Immoy guyey i pumo’on ni fak ni uranod u daken guyey i dongki. Ma guyey e binaw rorad u lan fare nam nu Gilead, ni mus ko da’ir ma ki ma yog fithingan ni pi binaw rok Jair.

Psalms 149:2

Israel, nge felan’um, ni bochan e En ni Sunumiyem; girdi’ nu Zion, nge felfelan’med ni bochan e pilung romed!

Isaiah 30:6

Ba’aray e thin nike yog Got ni murung’agen e pi gamanman nma par ko fa gi ted ni desert ni bay ko yimuch ni be ga’ar: “Pi’in owchen e nam nga reb nam e yad be milekag u daken e ted ni yad be yan u thathren e riya’, ya bay e gamanman ni layon riy, nge porchoyog ni bay e yub u l’ugun, nge dragon nma changeg. Ka ra sug niged daken keru’ e gamanman rorad ni dongki nge kamel ko tow’ath nib tolang puluwon ni tow’ath rorad ngak ba nam ndabiyag ni nge pi’ e ayuw ngorad.

Isaiah 33:22

Urngin e rigin ni bay u daken e pi barkow nem e ra par nib m’ay fan; ma lay riy e dabiyag ni ngan pithig! Bay da feked gubin fel’ rogon rok e pi to’ogor rodad, ni kaygi pire’ ni mus ko girdi’ ni mugutgut ma yira pi’ e f’oth rorad riy. I SOMOL e ra mang pilung rodad; Ir e bay i gagiyeg nagdad mi i yoror rodad.

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Hosea 1:7

Machane bay gu dag e t’ufeg ko girdi’ nu Judah. I Gag SOMOL, ni Got rorad e bay gu ayuwegrad u pa’ e to’ogor rorad, machane gathi bay gu rin’ u daken e mael, — ni kan fek e saydon ara gat’ing, ara os ara salthaw ni be yan u os.”

Mikah 5:2

Be ga’ar SOMOL, “Bethlehem Efrathah, i gur reb fapi binaw nth’abi achig u lan yu Judah. Machane be’ u wur e bay gu fek nggu tay ni nge gagiyegnag yu Israel, ni be’ ni bay e tha’ ko tabnaw rok i yan nga tomur ko tin kakrom e rran.”

1 Kings 1:38

Ma aram me tay Zadok, nge Nathan, Benayah nge pi salthaw ni matanagen e Pilung Solomon nga daken fare gamanman ni mule rok David ni Pilung, miyad un ngak ngranod ko fare alublub nu Gihon.

Isaiah 52:7

Rib falan’uy ni ngan guy ba tamal’og ni be yib u daken e pi burey i yib, nike fek e thin ni bfel’ i yib, ni murung’agen e gapas! Nge yib i yog nib ga’ laman ni kan gel me ga’ar ngak Zion, “Got rom e ir e pilung!”

Ezekiel 21:32

Bay ni thang owchemed ko nifiy. Ma racha’enmed e bay ni pu’og u lan tafenmed, ni dariy be’ ni kigimed ra yib ngan’.’” I SOMOL e be non.

Mikah 4:8

Me gur, Jerusalem, ni gur tagil’ Got ni mapar riy, ni bod ba tagafaliy e saf u lan tafen e damit rok, ngi i changar nga daken e girdi’ rok, e bay kum mang bayay lolgen fare lung ni immoy ni fanam.