Zekariah 9:8 - Bible Ni Thothup

⁸ Bay gu matanagiy e nam rog nge dabki th’um e salthaw u daken nga barba’. Dab kugpag e girdi’ ni kireb nge gafgownag e girdi’ rog bi’id. Kug guy rogon nike gafgow e girdi’ rog.”

Zekariah 9:8 Referans Kwoze

Isaiah 54:14

Ngongol nib yal’uw ma bmat’aw e bayi gel nigem; ma dakuriy e gafgow nge marus ni nge yib ngom.

Isaiah 60:18

Lingan e cham e gathi bay kun rung’ag; Ma dabki mogoth e nam rom bayay. Bay gu matanagiyem mu gu ayuwegnem ni gu bod ba yoror ngom; Bay mu pining e magaer nge sorok ngog ya kug ayuwegnem.

Isaiah 52:1

Jerusalem, mu gel me gilbuguwam bayay! Binaw rok Got ni gab thothup, mon’ nga dakenam e mad rom nib gamog! Pi’in gathi yad e girdi’ rog e dab kurbad ngalan e yoror rom bayay.

Jeremiah 31:12

Bay rabad ngar tang niged e felfelan’ u daken e burey ni Zion, miyad felfelan’ ko pi tow’ath rog ngorad, ni grain nge wayin nge gapgep ni olive, nge saf nge garbaw. Bay ra pired ni yad bod bangi milay’ ni bfel’ rogon ni yibe tarannag, ma aram e bayi yag ngorad gubin e tin ba t’uf rorad.

Amos 9:15

Bay gu yung e girdi’ rog nga daken e re nam ni kug pi’ ngorad, ma dab kun pugrad ngalang bayay.” I SOMOL ni Got romed e keyog e pi thin ney.

Ezekiel 39:29

Bay gu pu’og e kan nthothup rog nga daken e girdi’ nu Israel ma dakriy bingyal’ ni gu ra pi’ keru’ug ngorad. I Gag fare SOMOL ni Th’abi Tolang e kugog e pi thin ney.”

Isaiah 52:12

Yaney e dab kum chuwgad ni gimed ba gur; ma gathi bay mu guyed rogon ni ngam thaygad! I SOMOL ni Got romed e bayi pow’iymed me yoror romed u gubin yang.

Isaiah 31:5

Rogon ba arche’ nike gapopow nga daken tafen ni be yoror rok pifak, e aram rogog I Gag fare SOMOL ni Gubin ma Rayag Rok ni bay gu yoror rok yu Jerusalem nggu n’ufeg.”

Psalms 72:4

Mang e yigi turguy e en pilung e tin ba manigil ni fan ko pi’in gafgow; mang e yigi ayuweg e pi’in ke t’uf e ayuw rorad, me gechignag e pi’in yad be gafgow nagrad!

Psalms 34:7

Engel rok e ma matanagiy e pi’in bay madgun SOMOL u wun’rad, me chuwegrad ko riya’.

2 Samuel 16:12

Ya sana ra guy SOMOL e gafgow ni kug tay me pi’ e tin ni bfel’ ngog nge yan nga luwan e thin nib kireb ni be yog ngog.”

Exodus 3:9

Kug rung’ag laman e girdi’ rog ni yad be man ayuw ngog, ma kug guy gelngin e gafgow ni be tay piyu Egypt ngorad.

Revelation 20:9

Miyad wear u daken e fayleng ngar longobiyed e gin ke par girdi’en Got riy nge fare binaw nib t’uf rok Got. Machane me yib e nifiy u lanelang nga but’ nge li’rad ngarm’ad.

Acts 7:34

Kug guy e kireb nge gafgow ni yibe tay ngak e girdi’ rog u Egypt. Ya kug rung’ag lamrad ni yad be gel’gel’, ere ku gub nga but’ ni nggu chuwegrad u tan pa’ yu Egypt. Ere nggu l’oegem ngam man nga Egypt.’

Zekariah 14:11

Bayi par e girdi’ u rom u fithik’ e gapas, dakuriy be’ nra yib nag e cham ngorad.

Zekariah 12:8

Rofen nem e bayi yoror SOMOL rok e pi’in yad ma par u Jerusalem, mus ko pi’in ntha’bi me’waer u fithik’rad ma bay ra gelgad ni bod David ni immoy. Pi’in owchen David e bay ra gafaliyed yad ni bod ba engel rok Got, ma bod Got.

Jeremiah 46:13

Nap’an ni yib pilung Nebukadnezzar nu Babylon ni nge cham nga Egypt, me non SOMOL ngog ni ga’ar,

Jeremiah 46:2

ni tabab u Egypt. Irera’ e n’en ni yog ni murung’agen e salthaw rok Neko ni Pilung nu Egypt, ni ba’aram ni gel Nebukadnezzar ni Pilung nu Babylon ngorad u Karkemish u che ren fare lul’ ni Eufrates u lan e bin aninged e duw nike pilung Jehoyakim u Judah:

Isaiah 26:1

Bayi taw nga reb e rran nra yin’ e girdi’ e re tang ni ba’aray u lan yu Judah: Binaw romad e ba gel! Got e ir e ma n’uf e pi rungrung riy.

Isaiah 4:5

Ma aram u daken fare Burey ni Zion nge daken urngin e pi’in ka ra mu’ulunggad ngaram, e ra pi’ SOMOL bang i manilang ngeb ngay ni rran’ ma nep’ ma ba daromrom nib ga’ nge ath. Muluplup’en Got e ra upnguy me yoror ko fare binaw ni polo’.

2 Kings 24:1

Nap’an nib pilung Jehoyakim me yib Nebukadnezzar ni Pilung nu Babylonia i kol yu Judah, ma dalip e duw ni par Jehoyakim u tan pa’; ma aram me cheal Jehoyakim nge togopluw.

2 Kings 23:29

Nap’an ni kab pilung Josiah, me yib Neko ni Pilung nu Egypt nike fek e salthaw rok ngarbad ko lul’ ni Eufrates ni ngar ayuweged fare pilung nu Assyria. Me guy Josiah ni Pilung rogon ni nge taleg e salthaw nu Egypt u Meggido, min li’ u fithik’ e mael.

Exodus 3:7

Ma aram me ga’ar SOMOL, “Kug guy rogon ni yibe gafgownag e girdi’ rog u Egypt; kug rung’ag lamrad ni yad be wenig ni nga ni ayuwegrad u pa’ e pi’in yad be sib nagrad. Go’ gu manang murung’agen e gafgow ni yad be tay.

Zekariah 9:7

Bay dab kurked e ufin ni kabay e racha’ u fithik’, fa reb e ggan nib ta’ay. Gubin e pi’in ra magachgad ni yad ba fos ni bay ra manged barba’ e girdi’ rog ngar boded fare ke girdi’ u lan e ganong rok Judah. Ekron e bayi mang barba’ e girdi’ rog, ni bod ni rin’ yu Jebus.

2 Kings 19:34

Bay gu yororiy e re binaw ney mu gu ayuweg u pa’ fare pilung nu Assyria, ni nggu rin’ ni bochan bugwag nge bochan e thin ni kug micheg ngak e tapigpig rog i David.’”

Proverbs 3:25

Ma dabi magfan’um ko riya’ nra yib nib tomgin, ni bod e tin ma yib ko pi’in kireb ni bod bang i lang.

Zekariah 12:4

Rofen nem e bay gu k’aring e morus ngak e pi os rorad, mu gu balyang nag girdi’en e yan u os. Bay gu matanagiy piyu Judah, ma pi os rok e pi to’ogor rorad e bay gu ma’ew nagrad.