Zekariah 9:6 - Bible Ni Thothup

⁶ Yugub ma’thuk e girdi’ nra par u Ashdod; me ga’ar SOMOL, “Bay gu sobut’ nag gubin e pi Filistine ni tolngan’ ney.

Zekariah 9:6 Referans Kwoze

Amos 1:8

Bay gu chuweg e pi’in yad be gagiyeg ko pi binaw nu Ashdod ngu Ashkelon. Bay gu gechignag e binaw nu Ekron, ma urngin piyu Filistia ni kar mageygad e bay ram’ad.”

1 Peter 5:5

Ma ku er rogomed e pi’in pagel nthingar mu folgad rok e pi’in pumo’on ni pi’ilal. Ma gimed gubin nthingar mon’ed madan e sobut’ laniyan’ nge bigimed me pigpig ngak bigimed; ya babyor nib thothup e be ga’ar, “I Got e ma togopluw ngak e pi’in nib tolangan’rad, mma ayuweg e pi’in nib sobut’an’rad.”

Zefaniah 2:10

Ireram rogon e girdi’ nu Moab ngu Ammon ni bay ni gechig nagrad ko tolngan’ rorad nge ferad taf nge fan e ur yab’iyed e girdi’ rok SOMOL ni Gubin ma Rayag Rok.

Daniel 4:37

“I gag Nebukadnezzar e chiney e gu be pining e sorok ngak e en ni Pilung nu Tharmiy, ma gu be tay fan, ma gu be yog ni ir e ba gilbuguwan. Urngin ban’en nma rin’ e bmat’aw. Gubin ngiyal’ nib yal’uw e ngongol rok, mrayag rok ni nge sobut’nag e en nma ngongol u fithik’ e tolngan’ nge ufanthin.”

Isaiah 28:1

Nam nu Israel e kan turguy e gechig ni nge aw ngak! Fla’ab rok e be chuw ni bod yu kiy i te’eliyaw ni floras ni bay u lolugen e pi’in yad be yog e thin riy ni karm’ad ko rrum. Lolugrad nib uf e ka ni floridanag ni bfel’ rogon, machane kar thiggad nga but’ ni kar balyanggad ko rrum.

Isaiah 23:9

I SOMOL ni Gubin ma Rayag Rok e tanomnag. I tanomnag ni fan e nge museg e tolngan’ rorad ko n’en ni kar rin’ed me sobut’nag e pi’in yad ma tayfan.

Eklesiastes 6:2

I Got e ra pi’ ngak be’ e fla’ab, nge liw, nge binaw, nge urngin e tin ba’adag, machane dabi pag nge felfelan’ ngay. Yug be’ nde nang e ra felfelan’ riy. Bm’ayfan ma de mat’aw.

Jeremiah 47:1

U m’on ni nge cham fare pilung nu Egypt ko yochi binaw nu Gaza, me yog SOMOL ngog ni ngugog ngak piyu Filistia:

Zefaniah 2:4

Dariy be’ nra magey u lan fare binaw nu Gaza. Ma fare binaw nu Ashkelon e bay ni pag ndabki par be’ riy. Girdi’ nu Ashdod e bay ni tulufrad nga wuru’ fare binaw u ta’ab ngiyal’. Ma fare binaw nu Ekron e bay kun tuluf e girdi’ riy.

Zekariah 9:5

Fare binaw nu Ashkelon e ra guy e ran’ey me rus ngay. Fare binaw nu Gaza e ra guy me gafgow ko amith nib gel. Ma ku arrogon yu Ekron, ni dabki pagan’ ko pin’en ni i lagan’ ngay. Gaza e bayi par ni dakriy e pilung riy, mu Ashkelon e bay ni pag ni dakriy e wulgo’ riy.

Zekariah 9:7

Bay dab kurked e ufin ni kabay e racha’ u fithik’, fa reb e ggan nib ta’ay. Gubin e pi’in ra magachgad ni yad ba fos ni bay ra manged barba’ e girdi’ rog ngar boded fare ke girdi’ u lan e ganong rok Judah. Ekron e bayi mang barba’ e girdi’ rog, ni bod ni rin’ yu Jebus.