Zekariah 9:2 - Bible Ni Thothup

² Yu Hamath ni yow bmathil yu Hadrak e kub milfan ngak, ma ku erita’ fapi binaw nu Tyre ngu Sidon, ni bay urngin e pi salap rorad.

Zekariah 9:2 Referans Kwoze

Ezekiel 28:12

Ni ga’ar, “Fak e girdi’, nge kireban’um ko n’en ni nge buch ni be sonnag e pilung nu Tyre. Mog ngak ni gag SOMOL ni Th’abi Tolang e gu be ga’ar: Immoy bingyal’ ni gur e un guy rom e tin bfel’ ban’en. Ni rogon fanam picho’ay nge fanam gonop!

Jeremiah 49:23

Irera’ e n’en ni yog SOMOL u murung’agen yu Damascus: “Girdi’ u lan e pi binaw nu Hamath ngu Arpad e kar rus gad ma ke wagagay lanin’rad ko tin kar rung’aged. Gafgowan’ e be lobeb u dakanrad ni bod e n’ew, ni dakir paslag lanin’rad.

Obadiah 1:20

Fa raba’ i salthaw nib kalbus u wuru’ e nam ni girdi’en e lay ni lel’och yu Israel e bay ra sulod ngar koled yu Foenicia nge yan i mada’ ko lel’och u Zarefath. Fapi kalbus nu Jerusalem ni yad bay u Sardis e bay ra koled e yochi binaw ko yimuch u Judah.

Amos 6:14

I SOMOL ni Got ni Gubin ma Rayag Rok e be ga’ar, “Girdi’ nu Israel, aram e nggu l’oeg e salthaw u reb e nam ngar pired ko nam romed. Ni ra gafgow nagmed ni tabab u Hamath Pass ko lel’och nge mada’ ko fachipa’ i lul’ nu Arabah u lan e yimuch.”

2 Kings 25:21

Mu rom u Riblah ko nug nu Hammath e yog e pilung riy ni ngan gafgow nagrad nge mu’ min thang e pogofan rorad. Aray rogon nchuweg e girdi’ nu Judah ko nam rorad min fekrad nga Babylonia ngar kalbusgad.

2 Kings 23:33

Gagiyeg rok Joahaz e tal u nap’an ni yib Neko ni Pilung nu Egypt i fek nge kalbusnag u Riblah, u lan fare nam nu Hamath, me yog ngak yu Judah ni ngar pi’ed 7,500 e pawn e silber nge medlip i ragag nge lal e pawn e gol ni wolbuw rok ni ngu’ur pi’ed.

1 Kings 17:9

“Mman ko binaw nu Zarefath nib chugur nga Sidon ngam par u rom. Kugog ngak be’ ni bpin u rom nike yim’ figirngin ni ngi i pi’ ganam.”

Numbers 13:21

Ere me yan fapi pumo’on u rom ngalan e lel’och ngar lekeged fare nam nra tababgad u daken e ted nu Zin ni bay u lan e yimuch ko fare nam ngar tawgad nga Rehob, nib chugur ko Hamath Pass u lan e lel’och ko fare nam.

Jeremiah 47:4

Ke taw ko ngiyal’ ni nge mogothgoth yu Filistia, min thirifrad ngar chuwgad u Tyre ngu Sidon ni dariy bagyad nra magay ni ngki pi’ e ayuw. I Gag SOMOL, e bay gu thang owchen piyu Filistia ni aram gubin e pi’in rabad u dap’el’ay u Krete.

Ezekiel 47:16

me yan u rom ko binaw nu Berothah ngu Sibraim (ni bay u thilin e gin nib mil nga tan pa’ e tagagiyeg nu Damascus nge tagagiyeg nu Hamath), me yan u rom ko binaw nu Tokon (ni bay ko mathil ko nug nu Hauran).

Ezekiel 27:1

I ga’ar SOMOL ngog,

Ezekiel 28:1

I SOMOL e non ngog.

Amos 1:3

Be ga’ar SOMOL, “Girdi’ nu Damaskus e kar denen gad bayay nge bayay. Ri bay gu gechig nagrad, ya rib kireb e n’en ni kar ngongliyed ngak e girdi’ nu Gilead.