Zekariah 9:15 - Bible Ni Thothup

¹⁵ I SOMOL ni Gubin ma Rayag Rok e bayi yoror rok e girdi’ rok, ma bay ra thirifed e pi to’ogor rorad u but’. Bay ur tolulgad u fithik’ e mael ni gowa girdi’ nike balyang ko rrum, miyad pu’og racha’en e pi to’ogor rorad; ma bayi map’ nge yan ni gowa racha’en ba gamanman ni maligach nni kunuy ngalan baraba’ i ban’en min pu’og nga daken e altar.

Zekariah 9:15 Referans Kwoze

Zekariah 12:6

“Rofen nem e bay gu tay e fa yuke girdi’ nu Judah ni bod ba nifiy u loway fa lan bang i flang nike el wom’ngin e grain riy. Bay rthanged mit e girdi’ u gubin e pi nam nib liyegrad. Ma girdi’en yu Jerusalem e bay ur pired ni dabi buch ban’en rorad.

Zekariah 10:7

Girdi’ nu Israel e ra yib gelingrad ni bod e pi salthaw, ni yad ba felfelan’ ni bod e pi’in kar unumed e wayin. Pi’in owcharad e bay i par u wan’rad e re gel ney nra ted. miyad felan’ ni bochan e n’en nike rin’ SOMOL.

Zekariah 12:8

Rofen nem e bayi yoror SOMOL rok e pi’in yad ma par u Jerusalem, mus ko pi’in ntha’bi me’waer u fithik’rad ma bay ra gelgad ni bod David ni immoy. Pi’in owchen David e bay ra gafaliyed yad ni bod ba engel rok Got, ma bod Got.

Zekariah 10:5

Piyu Judah e bay ur gelgad ni bod e pi salthaw ni yad ma yotyot e pi to’ogor rorad u fithik’ e rungdu’ u lan e yupa’ i kanawo’. Bay ra chamgad ni bochan SOMOL ni bay rorad, bay ur gelgad ni mus ngak fa raba’ i salthaw ni yad ba falu’ ni girdi’en e yan u os ma yad ra gel ngorad.

Exodus 27:2

Ma aningeg i tabthung riy e ngam ngongliyed ya’an e gagey ko gamanman u daken. Pi gagey ney e ba peth ko fare altar, mi gimed ing e re altar ney ni ga’ngin ko wasey ni bronze.

Psalms 78:65

Me tomur, me od SOMOL ni gowe ki i mol; bod be’ nib mo’on nib gel nike taf daken ni bochan e wayin.

Levitikus 4:25

Me lithag fare prist buguli pa’ nga fithik’ e racha’ ko fare gamanman, nge tay nga daken fapi gagey ni bay u tabthungen fare altar, me pu’og e tin ke aw ko fapi racha’ nga enggin fare altar.

Levitikus 4:18

Me tay boch fapi racha’ ko fapi gagey u tabthungen fare altar ko incense ni bay u langgin fare Tent me pu’og e tin ke aw ko fapi racha’ nga enggin fare altar ko maligach ni mo’oruf, nib migid nga langan e mab ko fare Tent.

Efesus 5:18

Dab mu balyanggad ko wayin, ya ra kireb nagmed; machane nge sug nagmed fare Kan Nthothup.

1 Korinth 1:18

Ya murung’agen e yam’ ni tay Kristus u daken e kuruth e thin ko balyang u wan’ e pi’in kar maloggad; machane rogon u lanin’dad e pi’in kad thapgad ngak Got e ireram gelngin Got.

Zekariah 14:20

Rofen nem e mus ko beal nikan m’ag nga tan l’ugun e os ma kani ker e yu bug i thin ni ba’aray nga daken “Kan og nag ngak SOMOL.” Pi th’ib ni yima lum riy u Tempel e ta’reb feni tabgul ko fa yu raba’ i dabiy u mit e altar.

Zekariah 9:17

Uw feni fel’ nge feni fel’usun e re but’ nem ni bayi par! Pi’in ni bfel’ yangren e yad ra gel mar ilalgad ko grain nge grape ni yad be kay.

Mikah 5:8

Ma ku yad ra bod ba layon ni be gay e ggan ni nge kay u fithik’ e gerger ara gin bay e pan riy nma kay e gamanman. Bay i yan nga fithik’ e saf ngi i og ngorad nge popofrad, ma dariy be’ nra ayuwegrad rok.

Isaiah 55:1

Be ga’ar SOMOL, “Mired, ni gimed gubin e pi’in ke yib e belel ngomed, ba’aray e ran! Mired e pi’in ndariy e salpiy romed, mu chuw’iyed e grain ngam koyed! Mired, mu chuw’iyed e wayin nge milik, dariy puluwon ni ngam pi’ed!

Isaiah 37:35

Bay gu yororiy e re binaw ney mu gu ayuweg, ni nggu rin’ ni bochan e nge gilbugwag minta’ fag nge bochan e thin ni gu micheg ngak e tapigpig rog i David.”

Tang Ko Pitang 7:9

ma langam e bod e bin th’abi fel’ e wayin. Ere mu pag e wayin nge map’ nib puluw ko en gamareg, nge map’ nga daken dap’ilugun nge nguwalen.

Tang Ko Pitang 5:1

Kagub ngalan e milay’ rog, male’ rog, ma athibon an’ug. Gu be kunuy e pi spices rog nge myrrh; gu be kay e honeycomb nge honey rog; ma gu be unum e wayin rog nge milik. Gal fager mu abichgow migimew be garbod nge mada’ ko ngiyal’ ni ka mu chinggow ko adag romew.

Tang Ko Pitang 1:4

Mu fekeg nggu un ngom, ngad milgow nga darow; ngam mmang pilung rog ma ga fekeg nga senggil rom. Gadow ra felfelan’ u ta’bang, ngad unumew ngad talubgow nga aer, ngad li’ew gadow ko adag. Arfan ngay ni urngin e ppin ma ba adagem!

1 Samuel 17:45

Me fulweg David ni ga’ar, “Kam fek e saydon ni yima rugoy nge sarey ni yima yin’, machane gag e ku gub ngom u fithingan SOMOL ni Gubin ma Rayag Rok, ni ir e Got rok e salthaw nu Israel ni ga be darifan nagrad.

Levitikus 4:7

Ma aram me tay boch fapi racha’ ko pi gagey ni bay ko tabthung ko fare altar ko incense u lan fare Tent. Me pu’og e tin ke aw ko fapi racha’ nga enggin fare altar ni yima urfiy e maligach riy, ni bay nga langan e mab ko fare Tent.

BABYOR NI JOB 41:28

Dariy ba gan e gat’ing nra k’aring nge mil; malang ni yira pag ngak e bod chobngen e uchel ni be aw ngak.

Zekariah 14:3

Ma aram e bay yan SOMOL nge cham ko fapi nam ni bod niki i cham ngorad kakrom.

Zekariah 2:9

“I SOMOL e ir e bayi cham nib togopluw ngomed, ma pi girdi’ ni urmed bangiyal’ ni ur pigpig gad romed e bay i mangyad e ra giliw niged gimed.” Nap’an nra buch e ren’ey, ma gubin e girdi’ nra nang ni SOMOL ni Gubin ma Rayag Rok e ke l’ogeg.