Zekariah 9:13 - Bible Ni Thothup

¹³ Bay gu maruwel ngak yu Judah ni bod e gat’ing rok ba salthaw, mu gu maruwel ngak yu Israel ni bod bogi gan e gat’ing. Bay gu maruwel ngak e pumo’on nu Zion ni bod ba saydon, ngar maelgad ngak e pumo’on nu Greece.”

Zekariah 9:13 Referans Kwoze

Revelation 17:14

Bay ra chamgad ngak fare Fak e Saf; machane fare Fak e Saf nge pi’in ke piningrad nike mel’egrad, ni pi’in yad ba yul’yul’ ma yad be un ngak e bay ra gelgad ngorad, ya ir e Somol ko pi somol nge Pilung ko pi pilung.”

Isaiah 49:2

Me gagiyegnag e thin rog nge bod feni m’uth ba saydon; me yororiyeg nga pa’. Me ngongliyeg ni gu bod ba gan e gat’ing nib m’uth nrayag ni ngan maruwel ngay.

Zekariah 1:21

Mug fith bayay fare engel ni lungug, “Mang e karbad ni ngar rin’ed?” Me fulweg ni ga’ar, “Karbad ni ngar k’aringed e marus miyad m’aynag gelngin fapi nam ni fa’anra bilged yu Judah ngar wereged girdi’en.”

Psalms 45:3

Pilung ni madangdang, mm’ag e saydon rom nga lukngum; gur e bgilbugwam ma ba sorom.

Revelation 19:21

Ma salthaw rorow e li’rad fare saydon ni fa’ani yib u lan l’ugun fa’anem nike af nga daken fare os; ma urngin e arche’ nra longuyed urngin e tin nrayag ni ngar longuyed ko ufin u dowrad.

Revelation 19:15

Me yib ba saydon u lan l’ugun nib m’uth, ni ir e nge maruwel ngay nge gel ngak e pi nam. Bay mang ir e i gagiyeg nagrad nga ba ley i wasey, ma bayi uduy e grape u lan fare n’en nma uduy e grape u lan, ni aram e damumuw rok Got ni Gubin ma Rayag Rok.

Revelation 2:12

“Mu yol ngak fare engel ko galesiya nu Pergamum ni nge lungum: “Ba’aray e thin nike pi’ fa’anem ni ir e bay fare saydon rok ni ruw raba’ ma mm’uth.

Revelation 1:16

Ma bay medlip i t’uf u lan e ba’ ni mat’aw i pa’, me m’ug ba saydon u l’ugun ni l’agruw raba’ ma mm’uth. Ma owchen e bod owchen e yal’ ni misiw’.

Hebrews 4:12

Ya thin rok Got e ba fos ma bay gelngin nma maruwel. Ya kab m’uth ngabangi saydon ni ruw raba’ ma bm’uth. Ya ma yan nge yan i taw nga fithik’ i lanin’dad ko n’en ni gadad be leamnag, nge fithik’ e ul ul nge yil, ma ma pufthinnag e n’en ni yima yim’ ni bochan nge tin ni yima leamnag.

2 Timothy 4:7

Ya kug athamgiliy e tin nrayag rog ko sagreng, ma kug mil u n’umngin yang ni ngan mil riy, ya par e michan’ rog u gil’.

Efesus 6:17

Mi gimed fek kanawo’en nma thap e girdi’ ngak Got nge mang helmet romed, ma thin rok Got e nge mang saydon nike pi’ fare Kan Nthothup ngomed.

Obadiah 1:21

Pumo’on ni falu’ nu Jerusalem e bay ra cham gad nga Edom ngar gagiyeg niged. Ma SOMOL e ir e bayi pilung.”

Amos 2:11

Gu turguy boch e pumo’on ni pifakmed ni ngar manged profet, nge boch e pagel romed ni ngar manged e pi nazirite. Gimed piyu Israel, gur de riyul’ e pi thin ney? I Gag SOMOL e kugog e pi thin ney.

Lamentations 4:2

Pi fel’yangren nu Zion e ba t’uf rodad ni bod e gol, machane chiney e ngongol ni yibe rin’ ngorad e kar boded e th’ib ni but’.

Jeremiah 51:20

Be ga’ar SOMOL, “Gimed yu Babylon, e gimed e ama ni fanag, ni talin e cham rog ko mael. Gu ma maruwel ngomed nggu pirdi’iy e pi nam nge pi gil’ilungun e pi pilung,

Psalms 149:6

Ngar tolulgad ngalang ni yad be pining e sorok ngak Got, ni bay e saydon rorad u pa’rad nib m’uth

Psalms 144:1

Ke sorok SOMOL, ya ir e yoror rog! Ke fil ngog rogon e mael ma ke falfal’eg rogog ni ngu’un ko mael.