Zekariah 8:21 - Bible Ni Thothup

²¹ Girdi’en reb e nam e bayi lungurad ngak girdi’en e tin ba’aram e nam, ‘Nggu warod gu liyorgad ngak SOMOL ni Gubin ma Rayag Rok nggu ninged e fel’ wa’athan rok, ere mired ngdarod!’

Zekariah 8:21 Referans Kwoze

Zekariah 7:2

Girdi’ nu Bethel e ra l’oeged Sharezer nge Regemmelek nge pi pumo’on ni yad, ko fare Tempel rok SOMOL ni Gubin ma Rayag Rok ni ngar meybil niged e fal’eg wa’athan rok SOMOL

Hosea 6:3

Ngad guyed rogon ngad nanged SOMOL. Bay yib ngodad ni bod feni muduwgil nma puf e woch ara bod e n’uw nma aw u ngal’an e n’uw.”

Psalms 103:22

Gimed urngin e tin ni sunumiymed SOMOL, mu pininged e sorok ngak u gubin yang e yungi n’en ni be gagiyeg riy! Lanin’ug, mu pining e sorok ngak SOMOL!

Zekariah 8:22

Ba yo’or e girdi’ nge boch e nam nib ga’ lungrad ni bay rabad nga Jerusalem ni ngar liyorgad ngak SOMOL ni Gubin ma Rayag Rok miyad meybil ngak ni nge fal’eg wa’athrad.

2 Kronicles 11:16

Ma gubin e girdi’ nu lan fapi ganong nu Israel nriyul’ ni yad ba’adag ni ngu’ur liyorgad ngak SOMOL ni Got nu Israel, e go’ ra leked e pi Levite nga Jerusalem, ya nge yag ni ngar pi’ed e pi maligach ngak SOMOL ni Got rok e pi chitamngirad.

Isaiah 2:3

ma girdi’ ko pi nam nem e bayi lungurad, “Ngdarod ko fare burey rok SOMOL, ko Tempel rok fare Got nu Israel. Ya ngad filed e n’en ni ba’adag ni ngad rin’ed; mu u darod ko yu pa’ i kanawo’ nike turguy. Ya thin rok SOMOL e yib u Jerusalem; u Zion e non riy ko girdi’ rok.”

Jeremiah 31:6

Er rogon, bay ba ngiyal’ ni bayi taw ngay me pong e damit u daken e flang u Efraim ni be lungurad, ‘Mired! Ngdarod nga talang nga Zion, ngak SOMOL ni ir e Got rodad.’”

John 1:37

Me rung’ag fa gal i nem ni gachalpen e n’en ke yog miyow yan ngar unew ngak Jesus.