Zekariah 8:19 - Bible Ni Thothup

¹⁹ “Fare pag abich ni yima tay ko bin ni aningeg, lal, medlip, nge bin ragag e pul e nge par ni bogi madnom ko felfelan’ nge paslagan’ rok e girdi’ nu Judah. Thangri t’uf romed e tin rriyul’ nge gapas.”

Zekariah 8:19 Referans Kwoze

Jeremiah 39:2

Bin mereb e rran ko bin aningeg e pul ko re duw ni ragag nge ta’reb nap’an nike pilung Zedekiah, min buthug e yoror ko re binaw nem nga barba’. (

Zekariah 8:16

Ba’aray e tin ngu’um rin’ed: Ngu’um weliyed e tin riyul’ ngomed. Mu lan tafen e puf oloboch e tin nib mat’aw e ngam rin’ed — ni ir e ra pi’ e gapas.

Zekariah 7:5

Ni be ga’ar, “Mog ko girdi’ ko fare nam nge pi prist ni nap’an ni urpaged e abich ma yad be mawaw u lan e pi pul ni lal nge medlip u nap’an re medlip i ragag e duw ney, ma gathi gag e ur tedfag riy.

Zekariah 7:3

ma ngar fithed ngak e pi prist nge pi profet e re de’er ni ba’aray: “Thingar udpired ni be kireban’dad ni bochan fare Tempel nike mogothgoth, ni ngu’ud paged e abich u lan e bin lal e pul ni bod ni kadrin’ed nike yo’or e duw ke mada’ ko chiney?”

Jeremiah 52:4

ma aram me yib Nebukadnezzar nge fa raba’ i salthaw rok ngar cham gad nga Jerusalem ko rofen ni ragag ko pul ni ragag ko bin mereb e duw nap’an nike gagiyeg Zedekiah. Miyad n’uf e pi tent rorad u wuru’ e re binaw nem, miyad ngongliy e yoror ni nge aywegrad ko mael nge liyeg fare binaw.

2 Kings 25:25

Machane u lan e bin medlip e pul ko re duw nem me yan Ishmael ni fak Nethaniah me Elisama e tutuw rok, ni be’ ko tabinaw ko pilung nu Judah nga Mizpah nike chag ragag e pumo’on ngak, miyad cham ngak Gedaliah ngar li’ed ngem’. Ma ku yad thang e pogofan rok e girdi’ nu Israel nge girdi’ nu Babylonia ni yad bay rok Gedaliah u rom.

Psalms 30:11

Ka mu pilyeg e kirban’ rog kemang ba churu’ ni felfelan; ka mu chuweg e gafgow’an rog, ma ka mu longbiyeg ko felfelan’.

Isaiah 35:10

Ma bay ra tawgad nga Jerusalem nike felan’rad, ni yad be tang ma yad be tolulnag e felfelan’. Ma bay ur pired ni yad be felfelan’ ndariy n’umngin nap’an, ndabki yib e kireban’ nge gafowan’ ngorad.

Isaiah 12:1

Bayib reb e rran ni bayi tang e girdi’ ni yad be ga’ar, “Gu be pining e sorok ngom, SOMOL! Um damumuw ngog, ma chiney e kam fal’eg lanin’ug ma ke chuw e damumuw rom.

Ester 9:22

Irera’ e pi rran ni thang pi Jew owchen e pi to’ogor rorad; irera’ e re pul ni meyor nge marus ni un tay e thil nge yib e felfelan’ nge fel’ laniyan’ nga luwan. Minog ngorad ni ngu’ur madnom niged e gali rran ney ni yad be mur u fithik’ e felfelan’, ma yad be pi’ rorad e ggan ni tow’ath ma ngkur pi’ed boch ko pi’in gafgow.

Revelation 22:15

Machane pi’in ni bay ra pired u wuru’ e re binaw nem e pi’in yad ma puwlag nge pi’in yad ma pig, nge pi’in yad ma ngongliy e ngongol ko darngal, nge pi’in ni kar thanged e pogofan ko girdi’, nge pi’in yad be tayfan ma yad be meybil ngak e liyos nma meybil boch e girdi’ ngay, nge pi’in yad be lifith l’ugunrad ko thin ni yad be yog nge ngongol ni yad be rin’.

Isaiah 51:11

Pi’in mu lagrad ko gafgow e bay ra tawgad nga Jerusalem u fithik’ e felfelan’, yad be tang ma yad be garusnag e felfelan’. Bay ra pired ni yad ba felfelan’ ndariy n’umngin nap’an, ni ka ra pufgad ni urun ko kirban’ nge gafgowan’.

Ester 8:17

Mu lan urngin e pi binaw nge pi yungi nug nnap’an ni yira be’eg fare thin nike yib rok e en pilung, me tabab e pi Jew ko madnom nge mur ni kar felan’gad. Ma aram me yo’or e girdi’ ko taliw rok e pi Jew e ngiyal’nem ni bochan e kar rusgad ngorad.

Jeremiah 36:6

Machane gu ba’adag ni ngam man ngaram e yay ni migid ni ngan pag e abich. Ma ngam be’eg nib ga’ lungum, ya nge yag ni ngar rung’aged gubin tin keyog SOMOL ngog kugog ngom kam yoloy. Ngam be’eg ko gin nra rung’ag gubin e girdi’ riy, miki rung’ag e girdi’ nu Judah ni karbad ko fayochi binaw.

Zekariah 8:3

Bay gu sul nga Jerusalem, ni fare binaw rog nib thothup, nggu par u rom. Re binaw nem e go’ bay nnang ni aram fare binaw nib yul’yul’, nge fare burey rok SOMOL ni Gubin ma Rayag Rok ni bay u nog ni fare burey nib thothup.

Zekariah 8:18

I SOMOL ni Gubin ma Rayag Rok e pi’ e re thin ney ngak Zekariah:

2 Kings 25:1

Zedekiah ni Pilung nu Judah e togopluw ngak Nebukadnezzar ni Pilung nu Babylonia. Me yib Nebukadnezzar nike fek urngin e salthaw rok miyad m’ag e mael nga Jerusalem ko bin ragag e rran ko bin ragag e pul ko bin mereb e duw nike pilung Zedekiah. Miyad n’uf e tent rorad u wuru’ e binaw, miyad ubung e malang nge but’ nge liyeg e binaw nu Jerusalem ni ngar mithgad nga fon ko mael,

Psalms 34:15

I SOMOL e ma yaliy e pi’in yad bmat’aw, mma rung’ag e meyor rorad;

Ezekiel 18:8

Ma dar ma pi’ e salpiy ngak e girdi’ ni nga ni maruwel ngay ni ba’ nap’an mi ni fulweg ngak ni bay e win ni ka nin’ ngay. Ma siyeg ni nge rin’ e tin kireb, ma ba riyul’ e tin ma yog ko malu’ag thin u thilin e girdi’.

Ezekiel 24:1

U lan e bin ni ragag e rran ko bin ni ragag e pul ko bin ni mereb e duw ni gamad ba kalbus, me non SOMOL ngog,