Zekariah 8:10 - Bible Ni Thothup

¹⁰ Ma nga m’on ko ngiyal’nem e dariy be’ ni yag rok ni nge pi’ puluwon be’ ara ba gamanman nge maruwel rok, ma dariy be’ nrayag ni ayweg ir u pa’ e pi to’ogor rok. Ya gu pingegrad ngar togopluwgad ngorad.

Zekariah 8:10 Referans Kwoze

Amos 9:4

Ma fa’anra kolrad e pi to’ogor rorad, ma bay gog ngan thang e pogofan rorad. Kug turguy u wunug ni nggu thang owcharad, ma dab kug ayuwegrad.”

Amos 3:6

Gur rayag ni yan lingan e yabul ko mael u lan binaw ni dabi rus e girdi’? Gur rayag ni nge aw e riya’ ngab binaw ni gathi SOMOL e pag nge yib?

Isaiah 19:2

Be ga’ar SOMOL, “Bay gu k’aring e mael u lan yu Egypt me cheal e walag ko walag ngu’ur togopluw gow ngorow me togopluw e buguliyoror ko buguliyoror. Pi binaw e bay ur chamgad ngorad, nge pi pilung ni yab ba to’ogor e bay u ra lu’aged e en nge sorok.

Jeremiah 16:16

SOMOL e ga’ar, “Ku gu mol’og ni nge yib e pi tafita’ ni yad ba yo’or ni ngar koled e pi girdi’ ney. Ma bay gu l’oeg girdi’en e mun gamanman ni yad ba yo’or ngar gawegedyad ngan kolrad u daken gubin e pi burey nge yochi burey nge lan e yiy ngu fithik’ e war.

Judges 5:11

Mu telmed! Girdi’ ni pire’ nike mada’ lamrad ngalang u to’oben e pi luwed ni yad be weliy murung’agen e gel ni tay SOMOL ko pi mael, ni pi mael ni gel piyu Israel riy! Me thelep e girdi’ rok SOMOL ko pi binaw rorad nga pe’ning.

Haggai 2:15

Me ga’ar SOMOL, “Damur guyed e n’en ni be buch romed? U m’on nim tabab gad i toy bayay fare Tempel,