Zekariah 7:14 - Bible Ni Thothup

¹⁴ Bod bang i yiko’ ni aw, gu tharbograd ngranod ra pired nga yug boch e nam. Re but’ ney ni bfel’ e ni pag ni dakuriy ban’en riy, ma dakuriy be’ ni par riy.”

Zekariah 7:14 Referans Kwoze

Deuteronomy 28:64

“Bayi weregmed SOMOL ko pi nam u baley e fayleng nge mada’ nga baley. Mu rom e bay um pigpiggad riy ngak e pi got nni ngongliy ko gek’iy nge malang, pi got ndawor mu meybilgad ngorad bi’id ma ku eritay e pi chitamangimed kakrom.

Deuteronomy 28:33

Yug reb e nam ndam nanged e bayi fek urngin e woldug ni kam yunged nrib gel e maruwel nim ted riy, ma dariy ban’en nra yib ngomed, ya kemus ni gafgow e bay i yib ngomed ni gubin ngiyal’ ma tin ba kireb e bay un rin’ ngomed.

Jeremiah 23:19

Damumuw rok e ba nanyoer, ba nifeng nib gel ni bayi aw nga daken lolugen e girdi’ ni kireb.

Deuteronomy 4:27

I SOMOL e ra weregmed ko pi nam i yan, ri’in i gimed e ra magach nib fos.

Zekariah 2:6

I ga’ar SOMOL ko girdi’ rok, “Gu werweregmed u gubin yang. Machane chiney e gimed e pi kalbus e kam thay gad u Babylon kam sulod nga Jerusalem.

Zefaniah 3:6

Be ga’ar SOMOL, “Kug thirif e pi nam ni polo’ u but’; ma kug gathay e pi binaw rorad ke par e pi yoror nge pi tafen e damit riy ni dakriy woton u but’. Fapi binaw e dakriy be’ riy; ma yupa’ i kanawo’ e dakriy be’ ni be yan riy, ya dariy be’ ni magach.

Zekariah 9:14

I SOMOL e bay yib i m’ug u puluwon e girdi’ rok ngalang; me yin’ gan e gat’ing rok ni bod e uluch ni mat. I SOMOL ni Th’abi Tolang e bayi thoy e rappa; bayi yib u lan e yimuch u fithik’ e yoko’.

Habakkuk 3:14

Pi gan e gat’ing rom e aw ngak e en tagafaliy e salthaw rok ko fa ngiyal’nem nrabad ni bod ba yoko’ ni ngar wereged gamad, ni yad be migrig ni bod e pi’in yad ma chuchuy nga but’ e pi’in gafgow ni yad be rin’ nib mith.

Nahum 1:3

I SOMOL e ba sowath nma damumuw, machane ir e ba gel gelngin ma der ma pag e pi’in kireb ndabi gechig nagrad. Yungin ma yan SOMOL riy e ma sum yungi yoko riy; pi manileng e aram e fiyath ni be tar u rifrifen ay.

Amos 1:14

Ere bay gu tay e nifiy ko pi yoror nu Rabbah nge mo’oruf e pi naun ni bay riy ni ka ni ngongliy rogon ni fan ko mael. Bay un tolul ko rofen ni yibe mael, me achangiy fare cham ni gowa bang i yoko’.

Daniel 8:9

Me yib buchi reb e gagey u reb fa aningeg i gagey. Me taw gelngin ko yimuch nge mada’ ngalan e ngek, nge taw ko fare nam ni micheg Got nra pi’ ko girdi’ rok.

Jeremiah 52:30

me taw ko rliw’ nge dalip e duw nike pilung me fek Nebuzaradan 745 e girdi’. Oren u gubin e 4,600 e girdi’ ni chuwegrad ko nam rorad.

Jeremiah 44:6

Aram mu gu pu’og e damumuw rog nib gel nga daken e yochi binaw nu Judah nge nga daken e yupa’ i kanawo u Jerusalem, mu gup’ e nifiy ngay. I par e pi binaw nem nge kanawo’ ni dakriy woton u but’ nike tamdag ya’an, aram rogon ke mada’ ko bin daba’ e rran.

Jeremiah 36:19

Me lungurad ngak, “I gur nge Jeremiah e thingar mmarow ngam mithgow. Ngam guyew rogon ndabi nang be’ e gin gimew bay riy.”

Jeremiah 30:23

Damumuw rok SOMOL e ba yoko’, ni ba nifeng nib gel ni bay i cham u daken lolgen e pi’in kireb. Dabi tal nge taw ko ngiyal’ nike mu’nag e tin be finey. U langgin e pi rran ni bay finiyib e bayi nang e girdi’ rok riy fan e ran’ey ni bfel’ rogon.

Jeremiah 5:15

Gimed e girdi’ nu Israel, I SOMOL e be pining ba nam nib orel ni nge cham ngomed. Ba nam nib gel ma ba kakrom, ni ba nam ni da mananged lungun.

Isaiah 21:1

Irera’ e thin ni murung’agen yu Babylonia. Ba yib e riya’ u ba nam ni bay madgun ni bod ba nanyor ni wolguy daken e ted.

Isaiah 17:13

Fapi nam e kar gurgad i yib ni bod payngin e n’ew, machane Got e puwan’ ngorad miyad sul nga tomur, rchuwgad ni bod e fiyath ni un ko nifeng u barba’ e burey ara pan ni mlik’ u fithik’ e nanyor.

Psalms 58:9

U m’on ni dawor ra na’abgad, mi ni th’abrad nga but’ ni bod e pan; u fithik’ e damumuw rok Got e ra thirifrad u but’ ni ku yad bfos.

2 Kronicles 36:21

Ma aram e n’en keyog SOMOL u daken Jeremiah ni profet nra buch e yib i m’ug nib riyul’: “Fare binaw e ngan n’ag ni dakriy be’ riy ni medlip i ragag e duw, ni fan ko toffan ko Sabbath nda ku ni fol riy.”

Deuteronomy 28:49

Bayi pag SOMOL ba nam nrib palog nga taban e fayleng nge togopluw ngomed, ba nam ndam nanged fan lungurad. Bay rab ra garpowgad nga dakenmed ni bod e manuw.

Levitikus 26:33

Bay gu pag e mael nge yib ngomed mu gu weregmed i yan u boch e nam ni gathi tafenmed. Nam romed e bay n’ag, ma pi binaw romed e bay ni pag nike mogothgoth.

Levitikus 26:22

Bay gu pi’ e gamanman ni tak’ad nge yib nga fithik’med, ma bay ra li’ed pifakmed ngarm’ad, ma ku yad ra li’ e gamanman ni gimed be chugliy, ma ri’in i gimed e yad ra magach ma yupa’ i kanawo’ romed e bay nn’ag.

Isaiah 66:15

I SOMOL e bayib ni yow e nifiy. Bayib u daken pon e yako’ ni nge gechignag e pi’in be damumuw ngorad.

Isaiah 60:15

“Ma gathi bay kum par ni kan n’agem ma yibe fanenikayem, Nib binaw ni kan n’ag ma dakuriy e girdi’ riy. Bay gu gagiyeg nigem nge gilbuguwam me fel’ ya’am, Nib binaw ni bay un felfelan’ riy ndariy n’umngin nap’an.

Jeremiah 12:10

Ba yo’or e tayugang’ nu bang ni ka ra kireb niged e woldug rog ni grape; ka ra yotyoted nga but’ e yung i milay’ rog; yung i flang rog nib manigil e ka ra ted ni gawa bang i ted ni der tugul ban’en riy.

Ezekiel 5:10

Ma wenegan nra yib riy e pi galibthir nu Jerusalem e bay ur longyed pifakrad, ma bitir e bay ur longyed e galibthir rorad. Bay gu werwereg u gubin yang e pi’in ni magach ni kub fos.

Ezekiel 12:19

Mog ngak fare nam ni ga’ngin ni irera’ e thin rok SOMOL ni Th’abi Tolang ngak e girdi’ nu Jerusalem ni ku yad be par u daken e re binaw rorad nem: Bay ra t’on gad ko ngiyal ni yad be abich ma yad be dada’ ko marus ko ngiyal’ ni yad be garbad. Re but’ rorad nem e bay gu fathiy e upong u daken, ya gubin e girdi’ ni be par riy e dakriy yarmen ko wodmang.

Ezekiel 22:15

Bay gu wereg e girdi’ romed u gubin e binaw nge nam ma bay gu museg ngongolmed ni kireb.

Joel 2:3

Kar longuyed e woldug ni bod rogon e nifiy ni aw ko woldug. U pulworad nga m’on e but’ riy e bod e milay’ nu Eden, ma nga keru’rad e kar paged ni bod bangi ted ni desert. Dariy ban’en nrayag ni nge mil rorad.

Zekariah 8:1

I SOMOL ni Gubin ma Rayag Rok e pi’ e re thin ni ba’aray ngak Zekariah:

Hosea 9:17

Fare Got ni gu ma pigpig ngak e bayi n’ag girdi’en, ya darir motoyilgad ngak. Bay ur malethaygad ko pi nam i yan.