Zekariah 6:6 - Bible Ni Thothup

⁶ Fare chariot ni be girengiy fapi os nib talmor e ra sorgad ko lel’och nga Babylon, ma fa tinem e os nib wech e ra sorgad ko ngal, ma fa tinem e os nib wupwupnun’ e ra sorgad ko fare nam ni bay ko yimuch.

Zekariah 6:6 Referans Kwoze

Ezekiel 1:4

Mu gu sap ngalang, mu gguy bangi lang ni ba ga’ nike yib ko lel’och ni bay e nifeng u fithik’ nib gel. Ma be matmat e uluch u fithik’, ma lanelang u to’oben e be gal ram’en. Me galgal ram’en ban’en ni bod ram’en e bronze ko gin’en ni ba’aram ni be matmat e uluch riy.

Jeremiah 51:48

Gubin e ban’en u daken e fayleng ngu lanelang e bay ra tolul niged e felfelan’ ko ngiyal nra aw yu Babylon nga pa’ e girdi’ ko lel’och ni karbad ni ngar kireb niged.

Jeremiah 6:1

Gimed girdi’en e Benjamin, mmil naged e pogofan romed! Mmilgad ngam chuwgad u Jerusalem! Mu thoyed e rappa’ u lan yu Tekoa mi gimed k’eg ba nifiy ni pow u lan yu Beth-Haccherem. Riya’ nge gafgow e nge yib ko lel’och.

Jeremiah 4:6

Mu daged e wo’ nga Zion! Mmilgad ni fan e nge dabi buch ban’en romed! Dab mu sowathgad! I SOMOL e ke fek e riya’ nge ba gafgow nib ga’ ko lel’och i yib.

Daniel 11:40

“Nap’an nra ganowrug u puluwon fare pilung nu Syria, me cham e pilung nu Egypt ngak, ma fare pilung nu Syria bayi cham ngak nike musmus gelngin, ni bayi maruwel ko chariot rok, nge pi os, nge barkow ni pire’. Bayi mael nga bo’or e nam ni gowa’ lul’ ni sugbur.

Jeremiah 25:9

‘Chiney e bay gu l’oeg urngin e girdi’ ko lel’och nge tapigpig rog i Nebukadnezzar ni Pilung nu Babylon. Bay gu pagrad ngarbad ko cham nga Judah ngak gubin e girdi’ riy nge ngak gubin e binaw u to’oben i yan. Bay gu thirif e re nam ney u but’ nge pi binaw ni bay u to’oben i yan nggu pag ndariy tulwen ni manemus, ni ka ri kireb ni nge gin owchey ngay. I Gag SOMOL e gu be non.

Daniel 11:9

me yib e pilung nu Syria i m’ag e mael ngak yu Egypt, machane bay ni gel nigey ngak nge sul ko nam rok.

Jeremiah 46:10

Irera’ e rran rok SOMOL ni Th’abi Tolang ma Gubin ma Rayag Rok: daba’ e nge fulweg taban e kireb; daba’ e nge gechignag e pi to’ogor rok. Saydon rok e nge longuyrad nge taw ko ngiyal’ nike fos, me unum e racha’ rorad nge taw ko ngiyal’ nike chum’er. Daba’ e En Gubin ma Rayag Rok e nge pi’ ni maligach gubin e pi’in ke gel ngorad u lan e lel’och u charen e lul’ ni Eufrates.

Revelation 6:5

Me th’ab fare Fak e Saf e bin dalip e hang; mu gu rung’ag fa bin dalip fa pin’em nib fos ni ga’ar, “Moy!” Mu gu sap mu gguy ba os nib talumor, ni en ni bay u daken e ke kol ba thabthabel nga pa’.

Isaiah 43:6

Bay gog ko lel’och ni nge pagrad, mu gog ngak e yimuch ni nge dabi telrad. Ya pi nam nib orel e nge sul e girdi’ rog riy, ni gubin yang u fayleng ni ngar sulod riy.

Isaiah 30:6

Ba’aray e thin nike yog Got ni murung’agen e pi gamanman nma par ko fa gi ted ni desert ni bay ko yimuch ni be ga’ar: “Pi’in owchen e nam nga reb nam e yad be milekag u daken e ted ni yad be yan u thathren e riya’, ya bay e gamanman ni layon riy, nge porchoyog ni bay e yub u l’ugun, nge dragon nma changeg. Ka ra sug niged daken keru’ e gamanman rorad ni dongki nge kamel ko tow’ath nib tolang puluwon ni tow’ath rorad ngak ba nam ndabiyag ni nge pi’ e ayuw ngorad.