Zekariah 6:15 - Bible Ni Thothup

¹⁵ Pumo’on ni yad ma par nib palog e bay rabad ngar ayuwgad i toy bayay fare Tempel rok SOMOL. Ma nap’an e ra lebug e maruwel riy, migmed nang ni fare SOMOL ni Gubin ma Rayag Rok e ke l’oegeg ngomed. Yira mu’nag gubin e pin’ey ni fa’anra gimed ra yul’yul’ ngam folgad ko tin keyog SOMOL ni Got romed ni ngan rin’.

Zekariah 6:15 Referans Kwoze

Isaiah 60:10

Be ga’ar SOMOL ngak yu Jerusalem, “Girdi’en yugu boch e nam e bay ra ubunged bayay e yoror rom, Ma pi pilung rorad e bay ur pigpiggad ngom. Gu damumuw ngom mu gu gechig nigem, Ma chiney e bay gu dag ngom ni gab t’uf rog ma gu be runguyem.

Zekariah 3:7

fare SOMOL ni Gubin ma Rayag Rok e ke ga’ar: “Fa’an ga ra fol ko pi motochiyel rog mag rin’ e pi maruwel ni kug pag gafalngin ngom, ma aram e bay ku’um pigpig u lan e Tempel rog ngu lan e pi yoror riy, ma bay ug rung’ag e pi meybil rom, nri bod rogon ni gu ma rung’ag e pi meybil rok e pi engel ni yad bay rog.

Roma 16:26

Machane chiney e kan dag e tin riyul’ u daken e tin ni yoloy e pi profet; mi Got ni bay i par ndariy n’umngin nap’an e ir e yog ni ngan wereg e re thin nem ngak urngin e nam, ni fan e nge urngin e girdi’ me mich u wun’rad e re thin nem ngar folgad riy.

Acts 2:39

Ya tow’ath ni micheg Got ni bayi pi’, e gimed e nge yag ngomed nge pifakmed, nge ngak urngin e pi’in yad ba mal’af, ni yad urngin e pi’in be piningrad Somol ni Got rodad ngak.”

Isaiah 57:19

Ma bay gu pi’ e gapas ngak gubin e girdi’, ni tin yad ba chugur nge tin yad bpalog! Bay gu golnag e girdi’ rog.

Zekariah 6:12

Mog ngak ni be yog fare SOMOL ni Gubin ma Rayag Rok ni be ga’ar, ‘Fare mo’on ni yima pining Fare Pa’ngin ngak e bayi dammal ko gin bay riy me toy bayay fare Tempel rok SOMOL.

Jeremiah 7:23

Machane gu ning chiylen ngorad ni ngu’ur folgad rog, ni fan e ngu’ug par ni gag e Got rorad ma yad e girdi’ rog. Mu gog ngorad ni ngu’ur ngongol gad ni bad rogon ni ku gu ning chiylen ngorad, ma aram e ur pired ni bfel’ rogorad.

Isaiah 3:10

Pi’in mat’aw e yad ra felfelan’ mra fel’ e urngin rorad. Ma yad e bay ra felan’gad ko tin ur marwuliyed.

Deuteronomy 30:10

machane dabisiy ni ngu’um folgad rok mu um folgad u urngin fapi motochiyel rok ni ka ni yoloy ngalan e re ke babyor ney ni bay riy urngin e tin be fil ngomed. Dabisiy ni ngam chelgad ngak u polo’ i gum’ircha’med ngu polo’ i lanin’med.

Isaiah 49:12

Girdi’ rog e bay rabad u orel, ko lel’och nge ngal nge binaw nu Aswan ni bay ko yimuch.”

Zekariah 2:13

Mu th’abed gulungmed gimed gubin e girdi u p’eowchen SOMOL, ya arme ke yib u tagil’ nib thothup.