Zekariah 2:9 - Bible Ni Thothup

⁹ “I SOMOL e ir e bayi cham nib togopluw ngomed, ma pi girdi’ ni urmed bangiyal’ ni ur pigpig gad romed e bay i mangyad e ra giliw niged gimed.” Nap’an nra buch e ren’ey, ma gubin e girdi’ nra nang ni SOMOL ni Gubin ma Rayag Rok e ke l’ogeg.

Zekariah 2:9 Referans Kwoze

Isaiah 19:16

Bayi taw nga bangiyal’ ni girdi’ nu Egypt e bay ra dugowgad ni bod e ppin. Bay ra durru’gad ko marus u nap’an ni yad ra guy SOMOL ni Gubin ma Rayag Rok nike k’iyag pa’ ni nge gechig nagrad.

Zekariah 6:15

Pumo’on ni yad ma par nib palog e bay rabad ngar ayuwgad i toy bayay fare Tempel rok SOMOL. Ma nap’an e ra lebug e maruwel riy, migmed nang ni fare SOMOL ni Gubin ma Rayag Rok e ke l’oegeg ngomed. Yira mu’nag gubin e pin’ey ni fa’anra gimed ra yul’yul’ ngam folgad ko tin keyog SOMOL ni Got romed ni ngan rin’.

Zekariah 4:9

Ni be ga’ar, “I Zerubbabel e yin’ e def ko fare Tempel, ma ra mu’nag fare naun. Nap’an nra yodroy e pin’ey, ma girdi’ rog e bay ra nanged ni rriyul’ ni gag e kug l’oegem ngorad.

Ezekiel 39:10

Dakriy fan ni ngkur kunyed e l’ud u lan e yungi flang fa ku ra th’abed e gek’iy u lan e loway, ni bochan e bay fapi talin e cham ni kann’ag ni yad ra fanay ni l’ud. Bay ra giliw niged e pi’in u ra giliw niged yad.” Fare SOMOL ni Th’abi Tolang e be non.

Isaiah 14:2

Pire’ e nam ni bayi ayweg e girdi’ nu Israel ngar sulod ko fare nam ni pi’ SOMOL ngorad, mu rom e bayi pigpig e pi nam riy ngak piyu Israel ni bod e sib. Pi’in nra koled piyu Israel e bayi mang yu Israel e kolrad e chiney, ni girdi’ nu Israel e bay ur gagiyeg niged e pi’in ur gafgow niged yad.

Isaiah 11:15

Bayi mliknag SOMOL lan fare Nguy ni Suez, ma ra pi’ e nifeng nib guwal nge mliknag e lul’ ni Eufrates, kemus ni medlip pa’ e lul’ nib achig e pag nrayag ni nge yan be’ u barba’ nga barba’.

John 16:4

Machane kugog ngomed e re bugithin ney, ya nge yan i taw nga nap’an ni ngar rin’ed e pin’ey me yib ngan’med ni kugog ngomed.” “Da ka’a gog e pin’ey ngomed ko som’on, ya gu bay romed.

John 13:19

Gu be yog e re bugithin ney ngomed e chiney u m’on riy ndawori m’ug ni bochan e nge yib i m’ug me mich u wun’med ni Gag E En Ni Gag.

Zekariah 2:8

En nra bat nag bigmed e ke bat nag e n’en th’abi fel’ u wun’ug.” Ere SOMOL ni Gubin ma Rayag Rok e ke l’ogeg ni nggog e thin rok ko pi nam ni ur giliw niged e girdi’ rok:

Zefaniah 2:9

Rogon ni gu be par ni Gag SOMOL ni gub fos ni Got rok yu Israel, e gu be micheg nu Moab ngu Ammon e ngan thirif u but’ ni bod yu Sodom ngu Gomorrah. Bayi par nike sug nag e low ni go’ sol ni dabki fel’ bi’id, nike polo’ i pan. Ma tin ni magay ko girdi’ rog e bay ra giliw nigedrad ngar feked e binaw u pa’rad.”

Habakkuk 2:17

Kam th’abed fa yu chuwo’ i gek’iy nu Lebanon, ma chiney e bay ni th’abmed u but’. Kam li’ed e gamanman ni immoy riy, ma chiney e gamanman e bayi k’ar marus ngomed. Ra buch e ran’ey ni bochan e pogofan ni um thanged nge gafgow ni kam ted ngak e girdi’ nu fayleng nge pi binaw riy.

Habakkuk 2:8

Pire’ e nam ni kam giliw niged e girdi’ riy, ma chiney e pi’in kar mageygad e bay ra giliw niged gimed, ni bochan e pogofan ni um thanged nge gafgow nrib gel ni ka’um ted ngak e girdi’ nu fayleng nge pi binaw riy.

Jeremiah 28:9

Machane re profet nma yi’iynag e gapas e yira poy nib profet ni SOMOL e l’oeg ko ngiyal’ nra m’ug nib riyul’ e tin ka ni yi’iynag.”

Jeremiah 27:7

Urngin e nam ni bay ra pigpiggad ngak, ma bay ku ra pigpiggad ngak be’ nib mo’on ni fak nge be’ nib pagel ni fak e re mo’on ni fak nem nge taw ko ngiyal’ nike waer fare nam rok. Ma aram e nam rok e bay i pigpig ko pi nam nib gel gelngin nge pi pilung nib ga’ lungun.

Isaiah 33:1

Pi to’ogor rodad e kar riya’ gad! Kar moro’ro’gad u fithik’ e yargel ma yad be yagnag e girdi’, ni yug aram rogon ni dariy be’ nike mororo’ ngorad ara yag nagrad nga pa’ e pi to’ogor. Machane re ngiyal’ ni yad be rin’ e pin’em riy e bayi mus, ma aram yad e bay un rin’ e pin’em ngorad.

Isaiah 13:2

U p’ebgul e burey nib tamilang mag girengiy e flak ko mael ngalang! Ma ga tolul ko pi salthaw ni kam tining pa’am ngalang ni pow ni ngar oggad ko garog ko fare binaw nib tolngan’ e girdi’ riy.

Isaiah 10:32

Ma daba’ e pi to’ogor e yad bay u lan fachi binaw nu Nob, nu rom e yad be furuy e tug rorad ko Burey ni Zion ni bay ko binaw nu Jerusalem.

Isaiah 48:16

“Mu chugurgad ngog ngam rung’aged e n’en ni gu be yog. Aram ko tobolngin e ug non nib tamilang ma gubin ngiyal’ ni ug gagiyegnag nge yib i m’ug e thin rog nib rriyul’.” (I SOMOL Ni Th’abi Tolang e ke pi’ gelngin ngog e chiney ma ke l’oegneg.)

Zekariah 2:11

Re ngiyal’ i n’em e ba yo’or e nam nra yib ngak SOMOL ngar manged girdi’en. Bayi par u fithik’med, mi gimed nang ni ir e ke l’oegeg kugub ngomed.

Isaiah 4:5

Ma aram u daken fare Burey ni Zion nge daken urngin e pi’in ka ra mu’ulunggad ngaram, e ra pi’ SOMOL bang i manilang ngeb ngay ni rran’ ma nep’ ma ba daromrom nib ga’ nge ath. Muluplup’en Got e ra upnguy me yoror ko fare binaw ni polo’.

Isaiah 12:6

Urngin e girdi’ nma par u Zion e nge tolul ngalang me tang! Got nib thothup rok piyu Israel e ba sorok, mma par u fithik’ e girdi’ rok.”

Isaiah 26:1

Bayi taw nga reb e rran nra yin’ e girdi’ e re tang ni ba’aray u lan yu Judah: Binaw romad e ba gel! Got e ir e ma n’uf e pi rungrung riy.

Isaiah 33:21

I SOMOL e bayi dag ngodad e fla’ab rok. Bay ud pired u to’oben bogi lul’ nge yu pa’ i lul’ ni ba ga’ radan, ma dariy e barkow ko to’ogor nra yan u langgin.

Isaiah 60:18

Lingan e cham e gathi bay kun rung’ag; Ma dabki mogoth e nam rom bayay. Bay gu matanagiyem mu gu ayuwegnem ni gu bod ba yoror ngom; Bay mu pining e magaer nge sorok ngog ya kug ayuwegnem.

Isaiah 60:19

“Ma gathi ku yal’ e bay i yib ram’en ngom ni rran Ara yib ram’en e pul ngom ni nep’; I Gag SOMOL e bay gu mang tamilang ngom ni manemus; Ram’en e fla’ab rog e bayi gal nga dakenam.

Jeremiah 8:19

Mmotoyil! Gu be rung’ag laman e girdi’ rog ni be yor u ga’ngin yang, “Gur dakimoy SOMOL u lan yu Zion? Gur pilung nu Zion e dekimo’ u rom?” I SOMOL ni pilung rorad e fulweg ni ga’ar, “Mangfan ni gimed be k’aring e damumuw ngog ko pi liyos romed ni gimed be tay fan nge siro’ ni gimed be tay ko pi got romed nu bang ni dariy fan?”

Joel 2:27

Ma gimed piyu Israel e bay mu nanged ni gu ba’ u fithik’med, me Gag SOMOL, e Gag e Got romed, ma dakuriy yugu reb e Got ngabang. Girdi’ rog e gathi bay kun darifannagrad bayay.

Zefaniah 3:15

I SOMOL e ke taleg e gechig romed; ir e ke chuweg e pi to’ogor romed ni gubin. I SOMOL, ni fare pilung nu Israel e be par romed; ere dakuriy tapgin ni ngam rusgad e chiney.

Zekariah 9:15

I SOMOL ni Gubin ma Rayag Rok e bayi yoror rok e girdi’ rok, ma bay ra thirifed e pi to’ogor rorad u but’. Bay ur tolulgad u fithik’ e mael ni gowa girdi’ nike balyang ko rrum, miyad pu’og racha’en e pi to’ogor rorad; ma bayi map’ nge yan ni gowa racha’en ba gamanman ni maligach nni kunuy ngalan baraba’ i ban’en min pu’og nga daken e altar.