Zekariah 2:5 - Bible Ni Thothup

⁵ Ya SOMOL e ke micheg ni ir e bayi mang rungrung nib nifiy u wuru’ fare binaw ni nge yororiy ni dabi buch ban’en riy mu rom e bay i par riy nike sug nag felngin.”

Zekariah 2:5 Referans Kwoze

Isaiah 4:5

Ma aram u daken fare Burey ni Zion nge daken urngin e pi’in ka ra mu’ulunggad ngaram, e ra pi’ SOMOL bang i manilang ngeb ngay ni rran’ ma nep’ ma ba daromrom nib ga’ nge ath. Muluplup’en Got e ra upnguy me yoror ko fare binaw ni polo’.

Psalms 3:3

Machane gur SOMOL, e rungrung rog ko riya’ ni gubin ngiyal’; ga ma gel nigeg ma ga ma fulweg e athamgil nga lanin’ug.

Zekariah 9:8

Bay gu matanagiy e nam rog nge dabki th’um e salthaw u daken nga barba’. Dab kugpag e girdi’ ni kireb nge gafgownag e girdi’ rog bi’id. Kug guy rogon nike gafgow e girdi’ rog.”

Revelation 21:23

Ma re binaw nem e dariyfan e yal’ ara pul ni nge gal’ daken, ya ram’en Got e be gal’ daken, ma fare Fak e Saf e ir e magal riy.

Isaiah 12:6

Urngin e girdi’ nma par u Zion e nge tolul ngalang me tang! Got nib thothup rok piyu Israel e ba sorok, mma par u fithik’ e girdi’ rok.”

Psalms 48:3

I Got e ke dag ni ir e matnag u lan fare binaw ni kan yororiy ni fan ko mael.

Isaiah 33:21

I SOMOL e bayi dag ngodad e fla’ab rok. Bay ud pired u to’oben bogi lul’ nge yu pa’ i lul’ ni ba ga’ radan, ma dariy e barkow ko to’ogor nra yan u langgin.

Luke 2:32

ni ir e tamilang ni nge dag e kanawo’ rom ngak e pi’in gathi yad piyu Israel, me gilnag buguwan e girdi’ rom ni piyu Israel.”

Psalms 48:12

Girdi’en Got, mmarod ngam liyeged yu Zion ngam the’eged e pi wulyang;

Psalms 46:5

Got e be par u lan e re binaw nem, ndabiyag ni ngan kirebnag; ra yib i ayuweg e re binaw nem nnap’an ni fini be puf e woch.

Psalms 85:9

Riyul’ nra mat’awnag ngak e pi’in ni bay madgun u wan’rad, nge par e muluplup’ rog u lan e nam rodad.

Psalms 125:2

Bod e pi burey nib liyeg yu Jerusalem, e aram rogon SOMOL nike longbiy e girdi’ rok, e chiney i yane ngaram ndariy n’umngin nap’an.

Isaiah 31:9

Emperor rorad e bayi mil nike rus, ma pi tolang ko salthaw e bayi gel e marus ngorad ngar n’iged e yungi flak ni yad ma fek ko mael.” I SOMOL e be non, fare SOMOL ni yima liyor ngak u Jerusalem, ma nifiy rok e be gak’ u rom ni fan ko maligach.

Isaiah 32:18

Pi naun rok e girdi’ rok Got e bay un par riy u fithik’ e gapas ma dabi buch ban’en rorad, ma kem’ay e magafan’ rorad.

Ezekiel 38:14

Ere SOMOL ni Th’abi Tolang e ke l’ogeg ni nggog ngak Gog e n’en nike yog nib sor ngak: “Chiney ni be par e girdi’ rog nu Israel ndariy ban’en ni be buch rorad, e bay mu fal’eg rogom

Ezekiel 42:20

ma gi rungrung nem e ba liyeg bang i ban’en ni 840 e fit u gubin raba’. Ma rungrung nib liyeg e gin’ey e ke ki’eg e tin nib tabgul ko tin ni de tabgul.

Zekariah 2:10

Ke ga’ar SOMOL, “Mu tang niged e felfelan’ gimed piyu Jerusalem! Arme kugub ni nggu par u fithik’med!”

Zekariah 2:11

Re ngiyal’ i n’em e ba yo’or e nam nra yib ngak SOMOL ngar manged girdi’en. Bayi par u fithik’med, mi gimed nang ni ir e ke l’oegeg kugub ngomed.

Zekariah 9:14

I SOMOL e bay yib i m’ug u puluwon e girdi’ rok ngalang; me yin’ gan e gat’ing rok ni bod e uluch ni mat. I SOMOL ni Th’abi Tolang e bayi thoy e rappa; bayi yib u lan e yimuch u fithik’ e yoko’.

Jeremiah 31:39

Ma mathil e bay yan u rom u ba’ ni ngal nge yan ko burey nu Gareb, me cheal u rom nga Goah.

Ezekiel 47:3

Me foleg fare mo’on fare ran i yan ko ngek nga p’ening ma 560 e yard me yog ngog ni nggu log nga fithik’ fare ran. Ma fare ran e yib i taw ko richib u eg.

Zekariah 1:16

Ere nggu sul nga Jerusalem ni nggu dag e runguy rog ko fare binaw. Tempel rog e bay ntoy bayay, ma fare binaw nu Jerusalem e bay kun ubung.”