Zekariah 14:7 - Bible Ni Thothup

⁷ ma ku dabki nep’. Yug bay i par nib rran, ni mus ko ngiyal’ nma nep’ riy. Re ngiyal’ nra yodrom e pin’ey e kemus ni go’ SOMOL e manang.

Zekariah 14:7 Referans Kwoze

Revelation 22:5

Ma dakuriy e neap’, ma bayi par ndakuriy fan e magal ngorad ara ra’en e yal’, ni bochan e Somol ni Got e bayi mang tamilang ngorad, ma aram e bay ra pired ni kar manged pilung ngu’ur gagiyeggad ndariy n’umngin nap’an.

Revelation 21:23

Ma re binaw nem e dariyfan e yal’ ara pul ni nge gal’ daken, ya ram’en Got e be gal’ daken, ma fare Fak e Saf e ir e magal riy.

1 Thessalonika 5:2

Ya gimed ma ri gimed manang ni chirofen ni ir e re Rran rok Somol nem e bay taw ni bod be’ nib moro’ro’ ni yib nneap’.

Daniel 12:4

Me ga’ar ngog, “Daniel, chiney e ngam uchumiy fare ke babyor ma ga pag e hang ngay nge par nge yan i mada’ nga tomuren e fayleng. Ma bo’or e girdi’ ni bay ur milgad iyan nge sul, ma bay i ga’ e llowan’ i yan.”

Isaiah 30:26

Pul e ra ga’ ra’en nge bod e yal’, ma ra’en e yal’ e ra ga’ ni medlip yay nga ra’en ni immoy, ni bod ga’ngin e tamilang u medlip e rran ni kan puthuy nga ta’reb e rran. Ran’ey e ra yodroy ko ngiyal’ nra taflay nge golnag SOMOL e maad’ad ni tay ko girdi’ rok.

Acts 17:31

Ya ke turguy reb e rran ni ir e nge pufthinnag riy e fayleng ni polo’ nrogon nib mat’aw, ni nge rin’ u daken be’ nib mo’on ni ir e ke duwgiliy; nike dag e mich ko re bugithin ney ngak urngin e girdi’, ni fan e ke faseg e re mo’on nem ko yam’!”

Acts 15:18

Ireray rogon nike yog Somol, ni ir e ke gagiyegnag e re bugithin ney kan nang ni kakrom.’

Acts 1:7

Me ga’ar Jesus ngorad, “Ngal’an nge pi rran e ke duwgiliy e Chitamag u daken mat’wun, ma dariy rogon ni ngam nanged.

Mark 13:32

“Machane re rran nem ara re awa nem e dariy be’ ni manang e ngiyal’ nra taw riy ni mus ko pi engel ni yad bay u tharmiy ara en ni Fak Got, ya kemus ni en ni Chitamangiy e manang.

Matthew 24:36

“Machane re rran nem nge re awa nem e dariy be’ ni manang e ngiyal’ nra taw riy — ni mus ko pi engel ni yad bay u tharmiy, ara en ni Fak Got; ya kemus ni en ni Chitamangiy e manang.

Jeremiah 30:7

Yaran e gafgow e nge anog; ni dariy reb e rran nrayag i ta’reb nag ngay — ni aram e ngiyal’ ni nge ngochngochan’ e girdi’ rog, machane yad ra fos.”

Psalms 37:18

I SOMOL e ma ayuweg e pi’in yad be fol rok, ma binaw e bayi par ni taferad ndariy n’umngin nap’an.

Revelation 21:25

Ma fapi garog ko fare binaw e bay i par nib mab ni polo’ e rran; ndab kun ning bi’id, ya gathi bay ki neap’ u rom.

Revelation 21:3

Mu gu rung’ag ba lam ni ba ga’ ni be non u tagil’ Got ni be ga’ar, “Chiney e keb i par tafen Got nga fithik’ e girdi’! Bayi par rorad, ma bay ra manged girdi’en. Mi Got e bay i par rorad, mi ir e bayi mang Got rorad.

Revelation 14:6

Mu gguy yugu reb e engel ni be changeg nib tolang u fithik’ e nifeng, ni bay rok e thin ni dabi math bi’id, ni Thin Ni Bfel’ ni nge weliy ngak e girdi’ nu fayleng, ni urngin e pi nam, nge ganong nge thin nge gubin mit e girdi’.

Revelation 11:15

Me thoy fa bin medlip e engel e rappa rok, me yan lamay ni ba ga’ u lan e tharmiy ni be lunguy, “Ke yib gelngin Somol rodad nge Messiah rok ni ngar gagiyegnigew e girdi’ nu fayleng, ma bayi gagiyegnag ndariy n’umngin nap’an!”

Acts 17:26

Ri ta’reb e pumo’on ni sunumiy, me sum rok e re mo’on nem girdi’en urngin e nam, me tayrad ni ngar pired u daken e re fayleng ney ni polo’. I ir e turguy ko tabolngin e re ngiyal’ i n’en nge yungi n’en ni ngar pired riy!

Hosea 3:5

Ma bayi tomur me cheal piyu Israel bayay ngar sulod ngak SOMOL ni Got rorad, nge ngak be’ ni owchen David ni ir e pilung rorad. Ma aram e bay yib madgun SOMOL u wun’rad me yag ngorad e pi tow’ath rok ni bfel.

Isaiah 11:9

Zion, burey nib thothup rok Got e ra par ndariy e kireb riy ara ban’en nra maad’ad ngak be’. Ma girdi’ ko nam e ri bayi tamilangan’rad u murung’agen SOMOL ni bod rogon lan e yungi day nib sug ko day.

Isaiah 9:7

Gelngin lungun nib pilung e bay i ga’ i yan; gin bay i gagiyeg riy e yugu bay i par u fithik’ e gapas. Bayi gagiyeg ni ir e ke yan nga luwan David ni Pilung, ma gagiyeg ni bay i tay e mmat’aw ma ba yal’uw, e chiney nge yan i mada’ ko tungun. I SOMOL ni Gubin ma Rayag Rok e ke turguy ni nge rin’ urngin e pin’ey.

Isaiah 24:23

Pul e bayi lumor ra’en, me math ra’en e yal’, ni bochan e SOMOL ni Gubin ma Rayag Rok e bayi pilung. Bayi gagiyeg u lan yu Jerusalem u daken e Burey ni Zion, ma pi tayugang’ ko girdi’ e bay ra guyed feni maluplup’.

Isaiah 45:21

Mu feked e oloboch romed i yib nga tafen e puf oloboch, me puruy’ e pi’in ta ayuw u tafen e puf oloboch. I mini’ kakrom e i yi’iynag e n’en ni nge taw ngay? Gathi Gag fare SOMOL, ni fare Got ni ayuweg e girdi’ rok? Dakuriy yugu reb e got ngabang.

Isaiah 58:10

fa’an gimed ra pi’ e ggan ngak e pi’in ndariy ban’en ni ngar ked, mi gimed ayuweg e pi’in ni dabisiy ni ngan ayuwegrad, ma aram e lumor ni kam pired nga fithik’ e ra ngal’ ni tamilang ni bod lukngun e misiw’.

Amos 8:9

Rofen nem e bay gu gagiyegnag nge ling e yal’ ni misiw’, me nep’ ni kab rran u fayleng. I Gag SOMOL ni Th’abi Tolang e kugog e pi thin ney.