Zekariah 14:6 - Bible Ni Thothup

⁶ Rofen nem e bay dabki yib e garbeb nge ayis,

Zekariah 14:6 Referans Kwoze

Revelation 11:15

Me thoy fa bin medlip e engel e rappa rok, me yan lamay ni ba ga’ u lan e tharmiy ni be lunguy, “Ke yib gelngin Somol rodad nge Messiah rok ni ngar gagiyegnigew e girdi’ nu fayleng, ma bayi gagiyegnag ndariy n’umngin nap’an!”

2 Peter 1:19

Aram fan ni kari pagan’mad ko thin rok Got ni i weliy fapi profet. Bfel’ ni ngam tiyan’med ko pi thin nem, ya bod ba magal ni be par ram’en u fithik’ e lumor nge yani mada’ ko fare Rran ni nge puf e woch riy me gal ram’en fasiran, ni t’ufen e kadbul, nge tamilangnag lanin’med.

John 12:46

Ku gub nga fayleng ni gag e tamilang, ni urngin e girdi’ ni gu ra mich u wun’rad e dab kur pired u fithik’ e lumor.

Psalms 112:4

Ke yib e tamilang nga fithik’ lumor ni fan ko girdi’ ni bfel’, ni fan ko pi’in nib marnguy, ma ba gol, ma ba yol’uw.

Revelation 11:3

Bay gu l’oeg l’agruw ni’ ni ngar weregew murung’ageg ni ka ron’ew e mad ntutuw; ma bay ra weregew e thin rok Got u lan ragag nge l’agruw mir’ay nge nel’ i ragag e rran.”

Kolose 1:12

Mu um pinined e magaer u fithik’ e felfelan’ ngak e en ni Chitamangiy ni ir e ke ngongliymed kam pired nrayag ni nge yag e f’oth ngomed u urngin ban’en ko tin ke tay Got ni fan ngak e tirok’ e girdi’ ko gin nsuwon nrib tamilang.

John 1:5

Ma re tamilang nem e be gal’ fithik’ e lumor, ma lumor e dawori yag ni nge thang.

Hosea 6:3

Ngad guyed rogon ngad nanged SOMOL. Bay yib ngodad ni bod feni muduwgil nma puf e woch ara bod e n’uw nma aw u ngal’an e n’uw.”

Jeremiah 4:23

Gu sap ko fayleng ma dakriy woton u but’; lanelang e dakriy ban’en ni be mat’ riy.

Isaiah 50:10

Gimed gubin e pi’in gimed ma liyor ngak SOMOL ma gimed ma fol ko pi tapigpig rok, e kanawo’ ni gimed ma yan riy e gomange ba lumor, machane SOMOL e nge pagan’med ngak, mi gimed toer ko Got romed.

Isaiah 13:10

Gubin e t’uf nge pin’en nma mat ra’en e ra m’ay ra’en ndabki mat, ra lumor ra’en e yal’ ni nge yib ngalang, ma m’ay ra’en e pul.

Acts 2:16

Ireray fare n’en ni weliy Joel ni profet murung’agen ni ga’ar:

Acts 2:19

Bay gu ngongliy e maang’ang u lanelang, mu gu ngongliy bogi ban’en u but’ ni yira ngat ngay: Bay yib i m’ug e racha’ nge nifiy nge ath nib dib’ag;

Isaiah 24:23

Pul e bayi lumor ra’en, me math ra’en e yal’, ni bochan e SOMOL ni Gubin ma Rayag Rok e bayi pilung. Bayi gagiyeg u lan yu Jerusalem u daken e Burey ni Zion, ma pi tayugang’ ko girdi’ e bay ra guyed feni maluplup’.

Ezekiel 32:7

Nap’an ni gu ra kireb nagem, mu gu upnguy lanelang mu gu m’aynag ram’en e t’uf. Ma yal’ e bayi mith nga fon e manileng, me m’ay ra’en e pul.

Ezekiel 32:8

Bay gu thang gubin e magal u tharmiy mu gu rugoy e birom e fayleng nga fithik’ e lumor. I Gag SOMOL ni Th’abi Tolang e gu be non.

Joel 2:30

’Bay gu tay e pow nga lanelang nge nga daken e fayleng ni nge ginaeng e girdi’ ko re rran nem; ni pu’og e racha’, nge nifiy, nge manileng ni ath nib suwon ngalang.

Joel 2:31

Ma bayi lumor e yal’, ma bayi pig ra’en e pul nge row ni bod e racha’ u m’on ndawori taw e re rran rok SOMOL nem, ni reb e rran ni ba ga’ ma ba gel e gafgow nra fek i yib.

Joel 2:2

Ra yan i aw ni ba lumor ma ba lumolang e rofen nem, nde fel’ lanelang ma der m’ug ram’en e yal’ e re rran nem. Ma asmen’ing ni pire’ ni pire’ e yad be yan nga m’on ni bod e lumor nike upunguy e pi burey. Dariy ban’en ni ka’a ni guy ni aram rogon, ma dabki yodrom bi’id.