Zekariah 13:9 - Bible Ni Thothup

⁹ Bay gu sikengnag e tin kar mageygad, ma bay gu be’ech nagrad ni bod e silber ni yima be’ech nag ko nifiy. Bay gu sikeng nagrad ni bod ni yima sikengnag e gol. Ma aram e bay ra meybilgad ngog, mug fulweg taban e meybil rorad. Bay gog ngorad ni yad pi girdi’eg, ma bay roged ni Gag e Got rorad.”

Zekariah 13:9 Referans Kwoze

Psalms 50:15

Mu piningedgag ko ngiyal’ nra yib e oloboch; mu gu lufmed riy, ma bay mu pininged e sorok ngog.”

Acts 2:21

Ma aram e cha’ nra pining fithingan Somol ni nge ayuweg e ra fos.

Isaiah 48:10

Gu sikeng nagmed u fithik’ nifiyen e gafgow, ni bod e silber ni kan ranrannag ni nge macholbog u mit e nifiy. Machane kug pir’eg ni dariy ban’en ni gimed bfel’ ngay.

Psalms 91:15

Nap’an ni yad ra non ngog mu gu fulweg lungurad; mra yib e oloboch ngorad, ma gu bay rorad. Gu ra chuwegrad u fithik’ nggu tolang nagrad.

Revelation 21:7

En nra gel nde pag ir ko kireb e ba’aray e n’en gu ra pi’ ngak: gu ra mang Got rok, ma gu ra fakay.

1 Peter 4:12

Pi tafager rog ni gimed ba t’uf rog, dab mu gin gad ko gafgow nib gel ni yibe tay ngomed ni ba sikeng ngomed, ni gowa ban’en ni kam gin gad ngay.

Isaiah 43:2

Ga ra yan u fithik’ e ran nib to’ar ma gu bay rom; gafgow ni bay i yib ngom e dabiyag ni nge gel ngom. Ga ra yan u fithik’ e nifiy ma dab mu gak’; ma pin’en nib mo’maw’ ni bay i yib ngom e dariy ban’en nra rin’ ngom.

James 1:12

Ba felan’ e en nra par nib yul’yul’ ngak Got ko ngiyal’ ni be yib e tin nib mo’maw’ riy ngak, ni aram e yibe sikengnag; ya ra athamgil ni dabi mul ko re sikeng nem ma yira pi’ e yafos ngak, ni ireram fare puluwon nike yog Got nra pi’ ngak e pi’in nib t’uf Got rorad.

Zekariah 10:6

“Bay gu pi’ gelngin e girdi’ nu Judah; ma bay gu ayweg e girdi’ nu Israel ni dabi buch ban’en rorad; ma bay i kireban’ug ngorad nggu fulwegrad nga taferad. Ni gowa dag fek owcheg rorad. I Gag SOMOL ni Got rorad; bay ug fulweg taban e meybil rorad.

Hebrews 8:10

Be ga’ar Somol, Ba’aray e re m’ag ni bay gu ngongliy u thilig nge girdi’ nu Israel u tomuren e pi rran nem: Bay gu tay e pi motochiyel rog nga fithik’ i lanin’rad, ma bay gu yoloy nga gum’ircha’rad. Bay gu mang Got rorad, ma bay ra manged e girdi’ rog.

BABYOR NI JOB 23:10

Yug aram rogon ma Got e manang gubin yay ni gu be yif’ eg; ra sikeng nigeg, ma ra pir’eg ni gu ba machalbog.

Zekariah 8:8

bay gu fulwegrad u lan e ngek nge lan e ngal ngar pired u lan yu Jerusalem. Bay ra manged pi girdi’eg, ma bay gumang Got rorad, mug gagiyeg nagrad u fithik’ e yul’yul’ nge mat’aw.

Jeremiah 31:33

Ra taw ko ngiyal’nem, ma ba’aray e bin be’ech e m’ag ni bay gu ngongliy u thilmad e girdi’ nu Israel: bay gu tay e motochiyel rog nga lanin’rad mu gu yoloy ngalan ngorongorrad. Bay gu mang Got rorad, ma bay ra manged girdi’ rog.

Isaiah 58:9

Ma gimed ra meybil ngog, ma gu ra fulweg taban e meybil romed. Ma gimed ra piningeg mra lungug, ‘Gub aray.’ “Fa’an gimed ra taleg e gafgow ni gimed be tay ngak yugu boch e girdi’ nge moning nge urngin yu bugithin nib kireb ni be yib u l’ugunmed nga but’;

Levitikus 26:12

Bay gu par romed; nggu mang Got romed, ma bay mmanged girdi’eg.

Zekariah 12:10

“Bay gu suguy laniyan’ e pi’in owchen David, nge tin kabay e girdi’ u Jerusalem ko kan nthothup ko wurengan’ nge kan nthothup ko meybil. Bay ra changargad ngak fa en kar yip’ed ko sarey ke yim’, miyad yornag ni bod be’ ni yornag be’ ni fak ni kari ma’agrag rok. Bay ra yorgad nrib gel ni bod be’ ni yornag e bin nganni’ e pagel u fak.

Proverbs 17:3

Gol nge silber e yima sikengnag ko nifiy ma gumircha’en e girdi’ e SOMOL e ma sikengnag.

Psalms 144:15

Nge falan’ e re nam nib mich u wan’rad e ran’ey; nge falan’ e pi girdi’ ni Got rorad e SOMOL.

Joel 2:32

Machane urngin e pi’in yad ra wenig ngak SOMOL ni nge ayuwegrad e yad ra fos. Ni bod nike yog SOMOL ni ga’ar, ’Boch e girdi’ u daken e burey ni Zion nge yu yang u Jerusalem e bay ra thaygad. Pi’in kugu mel’egrad e yad ra fos.’ ’

Ezekiel 37:27

Bay ug par rorad u rom; nggu mang Got rorad miyad mang girdi’ rog.

Ezekiel 36:28

Ma aram e bay mpired ko fare nam ni gu pi’ ngak e pi chitamangimed ni kakrom. Bay mmanged girdi’ rog, mu gu mang Got romed.

Ezekiel 11:20

Ma aram e bay ra folgad ko motochiyel rog miyad tay u gil’ gubin e tin gog. Bay ra manged girdi’eg, mu gu mang Got rorad.

Jeremiah 32:38

Ma aram e bay ra manged girdi’ rog, ma bay gu mang Got rorad.

Revelation 8:7

Me thoy e bin som’on e engel e rappa rok. Me yib e ayis nike el nge nifiy u lang nga daken e fayleng nike ma’athuk e racha’ ngay. Me yik’ ta’ab guruy ko dalip guruy ko fayleng, ma ku ta’ab guruy ko dalip guruy ko gek’iy nu fayleng e yik’ nge m’ay, ma urngin gaf i yuwan e pan nib galunglung e yik’ nge m’ay.

Revelation 8:8

Me thoy e bin migid e engel e rappa rok. Mi nin’ ban’en ni bod bburey ni ba ga’ ni be yik’ ngalan e day. Ma ta’ab guruy ko dalip guruy ko day e ngal’ ni racha’,

Revelation 8:9

ma ta’ab guruy ko dalip guruy u urngin ban’en nib fos u fithik’ e day e yim’, ma ta’ab guruy ko dalip guruy u urngin e barkow e pil.

Revelation 8:10

Me thoy e bin dalip e engel e rappa rok. Me mul ba t’uf ni gathi ba’achig u lanelang ni be yik’ ni bod mmol’ me aw nga daken ta’ab guruy ko dalip guruy e lul’ nge alublub ko ran.

Revelation 8:11

(Fithingan e re t’uf nem e Mooy.) Me pig reb e guruy ko dalip guruy e ran nge mooy, ma pire’ e girdi’ nra m’ad ni bochan e ra unumed e re ran nem, ya ke piliyeg ke mooy.

Revelation 8:12

Me thoy e bin aningeg e engel e rappa rok. Ma ta’ab guruy ko dalip guruy i ram’en e yal’ nge pul nge t’uf e m’ay; ma ta’ab guruy ko dalip guruy ko rran e par nib talumor, ma ku errogon e neap’.

Jeremiah 24:5

“I Gag SOMOL, ni Got rok yu Israel, girdi’ nu Judah ni ka ni fekrad nga Babylon e yad bod fa tinef e fig ni bfel’, ma bay gu aywegrad ni bfel’ rogon.

Ezekiel 20:38

Bay gu chuweg e pi’in nib tatogopluw ma yad ba tadenen u fithik’med. Ma gu chuwegrad u daken fare gi but’ ni yad be par riy e chiney, machane dab kug pagrad ngar sulod ko fare nam nu Israel. Ma aram e bay mu nanged ni Gag SOMOL.”

Daniel 11:35

Ma boch fapi tayugang’ ni yad ba llowan’ e bay nthang e pogofan rorad. Machane girdi’ e bay ra machalboggad ni bochan e ran’ey. Arrogon ni bay i par i yan ngaram nge mada’ ko tomur, ni aram e ngiyal’ nike duwgiliy Got.

Daniel 12:10

Bo’or e girdi’ ni bay ni machalbog nagrad miyad par ni kar yal’uw gad. Girdi’ nib kireb e bay dab ra nanged fan, ngu’ur pired ni yad be ngongliy e kireb; ma pi’in yad ba gonop e bay ra nanged fan.

2 Samuel 7:24

Kam tay yu Israel ni ngar pired ni yad e girdi’ rom ndariy n’umngin nap’an, me gur, SOMOL, e kam mang Got rorad.

BABYOR NI JOB 28:1

Bay boch e yiy ni yima ker e silber riy; ma bay yu yang ni yima renrennag e gol riy ngan chuweg e chabung u fithik’.

Psalms 43:4

Ma aram mu gu wan nga altar rom, i gur Got, ya gur kenggin e felfelan’ rog, bay gu musik ko harp rog nggu tang nigem nib sorom, I gur Got, ni gur e Got rog!

Tang Ko Pitang 2:16

Adag rog e ba milfan ngog, ma bmilfag ngak. Ma durwi’iy e gamanman rok u fithik’ e floras ni giyab,

Ezekiel 14:11

Bay gu rin’ e ren’ey ni nge duwgiliy yu Israel ni dab ra paged gag ngar alit niged yad ko pi denen rorad. Ya ngar manged girdi’ rog, mu gu mang Got rorad.” I SOMOL ni Th’abi Tolang e keyog e pi thin ney.