Zekariah 12:5 - Bible Ni Thothup

⁵ Ma aram e fa yuke girdi’ nu Judah e bay ra ga’ar gad ngorad, ‘Fare SOMOL ni Got ni Gubin ma Rayag Rok e pi’ gelngin ngak e girdi’ rok nma par u lan yu Jerusalem.’

Zekariah 12:5 Referans Kwoze

Zekariah 10:12

Bay gu pi’ gelngin e girdi’ rog; ngu’ur liyorgad ngog ma yad be fol rog.” I SOMOL e keyog e pi thin ney.

Joel 3:16

SOMOL e bayi tolul u daken e Burey ni Zion; bay yan lungun u Jerusalem ni bod lingan e dirra’; me rur e but’ nge lanelang. Machane bayi n’uf SOMOL e girdi’ rok.

Psalms 18:32

Ir fare Got nma gel nigeg, nma yal’uweg kanawo’eg.

Psalms 144:1

Ke sorok SOMOL, ya ir e yoror rog! Ke fil ngog rogon e mael ma ke falfal’eg rogog ni ngu’un ko mael.

Psalms 18:39

Gur e ga ma pi’ gelngig ko mael nggu gel ngak e pi to’ogor rog.

Isaiah 28:6

Bayi pi’ e leam nib yal’uw ngak e pi’in bay ra pired ni yad e tapuf oloboch, me pi’ e athamgil nga laniyan’ e pi’in ngar sabthiyed e cham ko fapi garog ko binaw.

Zekariah 12:6

“Rofen nem e bay gu tay e fa yuke girdi’ nu Judah ni bod ba nifiy u loway fa lan bang i flang nike el wom’ngin e grain riy. Bay rthanged mit e girdi’ u gubin e pi nam nib liyegrad. Ma girdi’en yu Jerusalem e bay ur pired ni dabi buch ban’en rorad.

Zekariah 10:6

“Bay gu pi’ gelngin e girdi’ nu Judah; ma bay gu ayweg e girdi’ nu Israel ni dabi buch ban’en rorad; ma bay i kireban’ug ngorad nggu fulwegrad nga taferad. Ni gowa dag fek owcheg rorad. I Gag SOMOL ni Got rorad; bay ug fulweg taban e meybil rorad.

Jeremiah 33:26

Ni aray feni muduwgil ni kug rin’ e ran’ey, aram e bay kug ul’ul ko fare m’ag u thilmow e pi’in owchen Jakob nge tapigpig rog i David. Bay gu mel’eg reb i owchen David ni nge gagiyeg nga daken e pi’in owchen Abraham, Isaak, nge owchen Jakob. Bay gu par ni gu be runguy e girdi’ rog ma bay gu fal’eg rograd bayay.”

Jeremiah 30:21

Cha’ ni nge gagiyeg nagrad e be’ ko re nam rorad nem, ma fare mo’on ni fak e pilung rorad e kabagyad. Ra yib ngog ko ngiyal’ ni gu ra pining, ya bu uw rogon be’ ni nge yib ni dawor ni pining? Bay ra manged girdi’eg, ma bay gu mang Got rorad. I Gag SOMOL e kugog e pi thin ney.”

Isaiah 60:17

“Bay gu fek e gol i yib ngom ma gathi bronze, Ma silber nge bronze e nge yan luwan e wasey nge rean, Bay gu pi’ e wasey ngom ma gathi malang. Pi pilung rom e dab ku ra gafgow niged gur; Bay gu teg ngorad ngu’ur gagiyeggad u fithik’ e yal’uw nge gapas.

Isaiah 32:1

Bay reb e rran ni bay yib ba pilung nib mat’aw, nge pi’in ni bay u rogned e thin ko nam nib ba yal’uw e gagiyeg ni bay ur ted.

Isaiah 29:10

I SOMOL e ke k’ar chuchuw ngom, ni be n’en ni ngam mol ni dabki od oram. Fapi profet e ngar manged owchen e girdi’, machane Got e ke ning owchrad.

Isaiah 1:26

Bay gu pi’ ngomed e pi’in ngu’ur gagiyeg niged gimed nge pi tafanow ni bod pi’in urmed kakrom. Ma aram e bay nog fithingan yu Jerusalem nib binaw nib mat’aw ma ba yul’yul’.”

Isaiah 1:23

Pi’in yad be yog e thin rom e yad be togopluw ka ra manged tafager rok e pi moro’ro’; gubin ngiyal’ ni yad be fek e pi tow’ath nge puluwon e sasalap. Darir ayuweged e bitir ni kanim’ rorad u tafen e puf oloboch, ara rmotoyilgad ko oloboch rok e ppin nike yim’ figirngirad.

Isaiah 1:10

Jerusalem, pi’in yad be yog e thin rom nge girdi’ rom e yad bod e girdi’ nu Sodom ngu Gomorrah. Mu telim ko thin ni be yog SOMOL ngom. Mu tiyan’um ko n’en ni be fil e Got rodad ngom.

Psalms 46:1

I Got e ir e manaf rodad me ir gelngidad, gubin ngiyal’ nike fal’eg rogon ke par nra yib e oloboch ngodad me ayuwegdad.

Judges 5:9

Lanin’ug e bay rok e pi’in yad be tay murung’agen e salthaw nu Israel, ni bog ni’ nra og niged yad nib magan’rad ngay ni ngaru’ned ko mael. Ke sorok SOMOL!

Zekariah 12:4

Rofen nem e bay gu k’aring e morus ngak e pi os rorad, mu gu balyang nag girdi’en e yan u os. Bay gu matanagiy piyu Judah, ma pi os rok e pi to’ogor rorad e bay gu ma’ew nagrad.

Zekariah 14:14

Pumo’on nu Judah e bay rcham gad ni ngar yoror gad rok yu Jerusalem. Bay rfeked u fithik’ e yargal gubin e falel’ rok e pi nam ni gol, silber, nge mad ni yo’or.

Isaiah 28:5

Bay reb e rran ni be yib ni SOMOL ni Gubin ma Rayag Rok e ra yan i par ni bod ba kiy i floras ni te’eliyaw nrib fel’ ya’an ni fen e tin ni magey e girdi’ rok nde yim’.

Isaiah 45:24

“Bay rogned ni kemus nu dakenag e rayag ni nga ni mat’aw riy me yib gelngiy riy; machane urngin e girdi’ ni yad ra fanenikayeg e yad ra gafgow ko tamra’.