Zekariah 12:12 - Bible Ni Thothup

^12-14 Ra reb e tabnaw ko re nam nem ma bay ur mowawgad; fapi tabnaw ni owchen David, nge Nathan, nge Levi, nge Shimei, nge urngin e pi tabnaw ni kabay. Ra reb e tabnaw ma yad be mowaw rorad, ni ppin ngabang, ma pumo’on ngabang ni yad be mowaw.

Zekariah 12:12 Referans Kwoze

Revelation 1:7

Mu sapgad, bay yib ngodad u daken e manileng! Ma gubin e girdi’ ni bay ra guyed, nib mu’un e pi’in nra kurfed p’eyon ngay. Ma urngin girdi’en e pi nam nu roy u fayleng e bay ra yorgad ni ba ga’ lamrad ni bochan. Rib muduwgil ni aray rogon! Amen.

Luke 3:31

mi Melea e chitamngin Eliakim, mi Menna e chitamngin Melea, mi Mattatha e chitamngin Menna, mi Nathan e chitamngin Mattatha, mi David e chitamngin Nathan,

Matthew 24:30

Ma aram e bayi m’ug e pow ko en ni Fak e Girdi’ u lanelang; ma aram e urngin e ganong nu fayleng ni bay ra yorgad, ma bay ra guyed e en ni Fak e Girdi’ ni be yib nga but’ u daken e manileng ni bay gelngin ma rib galgal ram’en.

Zekariah 7:3

ma ngar fithed ngak e pi prist nge pi profet e re de’er ni ba’aray: “Thingar udpired ni be kireban’dad ni bochan fare Tempel nike mogothgoth, ni ngu’ud paged e abich u lan e bin lal e pul ni bod ni kadrin’ed nike yo’or e duw ke mada’ ko chiney?”

2 Samuel 5:14

Bitir nni gargeleg ni fak u Jerusalem e Shammua, nge Shobab, nge Nathan, nge Solomon,

1 Korinth 7:5

Ra ba wu’ e mabgol ma dabi tel bagayow ir rok bagayow, kemus ni fa’anra ke ta’reban’row ngay ni ngar talgow u rogon n’umngin nap’an ni yow ba’adag, ni fan e nge yag nra tiyan’gow ko meybil; me mu’ miyow sul ngkur rin’ew e n’en nma rin’ e mabgol, ya ri fek Satan ban’en i yib ngak bagayow, ni ban’en nrayag ni nge pingeg fa’anem nge denen, ni bochan e dakiyag rok fa’anem ni nge k’adan’.

Joel 2:16

Mu kunuyed e girdi’ nga ta’bang; mu fal’eged rogorad ni fan nga reb e muulung nib thothup; mu kunuyed e pilibthir; mu kunuyed e pi’in bitir, ma ku er rogon e bitir ni kabran. Mus ngak e pi’in kafini mabgol ni thingar ra chuwgad u lan e pi senggil rorad ngar uned ko wub.

Jeremiah 31:18

“Ku gu rung’ag laman e girdi’ nu Israel ni be lungurad u fithik’ e kireban’, ‘SOMOL, ug moyed ni gamad bod ba gamanman ni dawor i mangmor, machane ka mu fil rogon ngomad ni nggu folgad. Mu fulwegmad; ku gu fal’egged rogomad ni nggu sulod ngom, I gur SOMOL, ni gur e Got romad.

Jeremiah 13:18

Me ga’ar SOMOL ngog, “Mog ngak fare pilung nge chitiningin ni ngar luwgow nga but’ u tagil’row nib pilung, ya te’elyaw ko pilung ni bfel’ ya’an e ke mul u lolugen row.

Jeremiah 4:28

Bayi yor e fayleng; ma lanelang e bayi lumor. I SOMOL e be non ni dabi thilyeg lanyan’. Ke turguy e tin nge rin’ ni dabi sulsul riy nga tomur.

Jeremiah 3:21

Ba lam ni yibe rung’ag nga daken p’ebugul e burey: ni laman e girdi’ nu Israel ni yad be yor ma yad be wenig ni bochan e ku’ur pired u fithik’ e denen ni ka ra paged talin SOMOL ni Got rorad.

2 Samuel 12:1

Me l’oeg SOMOL Nathan ni profet nge yan ngak David. I yan Nathan i ga’ar ngak, “Immoy l’agruw i pumo’on ni yow girdi’en ta’ab binaw; bagayow e be’ nri pire’ ban’en rok ma bagayow e rib gafgow.

Exodus 12:30

Farao nge pi tolang ni bay u tan pa’ nge urngin piyu Egypt nra odgad e re nep’ i n’em, ma yibe yor ni ba ga’ lamey u Egypt, ya dariy reb e tabinaw ndawori yim’ reb e pagel riy.

Zekariah 12:11

Rofen nem e yira yor u Jerusalem nrib gel ni bod nni yornag Hadad Rimmon u daken fagi tafelfel’ nu Megiddo.