Zekariah 11:10 - Bible Ni Thothup

¹⁰ Ma aram mug fek fare ler i lek’ ni “Fel’uwun’uy” fithingan nggu t’ar, ni aram e kug thang fare m’ag ni ngongliy SOMOL ngak gubin e nam.

Zekariah 11:10 Referans Kwoze

Zekariah 11:7

Pi’in yad ma chuw’iy ma yad be pi’ e saf nchuway’ e ra fekedgag ni ngug maruwel, ma aram mu gu mang ba tagafaliy e saf ko fa ran’ i saf ni ngan li’rad ngarm’ad. Mug fek l’agruw ler i lek’: ni balay e gu tunguy fithingan “Fel’uwun’uy” ma balay e “Dachug.” Ma aram mu’ug chothowliy fa ran’ i saf.

Psalms 89:39

Kam thang e m’ag ni mu ngongliy u thilmew fare tapigpig rom, ma ka m’on e te’eliyaw ko pilung rok nga marungdu’.

Jeremiah 14:21

Mu leamnag e tin mmicheg ma dab mu dabuymad; dab mu pag yu Jerusalem ngan m’aynag farad, ya ireram e gin tagil’im nib gilbuguwan. Dab mu th’ab fare m’ag ni mu ngongliy u thildad.

Luke 21:32

“Mu ted fanmediyan ko re bugithin ney! Bay yib urngin e pin’ey u m’on ko ngiyal’ ndawori yim’ urngin e girdi’ ni yad bay e chiney ni yad ba fos.

Hosea 1:9

Me ga’ar SOMOL ngak Hosea, “Mu tunguy fithingan ni ‘Gathi-girdi’-rog’, ya girdi’ nu Israel e gathi girdi’ rog, ma gathigag e Got rorad.”

Psalms 90:17

SOMOL ni Got romad, mang yigi par fal’egwa’ath rom romad. Ma ga man’og nagmad ko urngin e tin bay u gu rin’ed!

1 Samuel 2:30

I gag, fare SOMOL ni Got rok piyu Israel, e gu micheg kakrom ni girdi’ nu tabinaw rom nge kerom e girdi’ e bay ur pigpiggad ngog ni prist ni gubin ngiyal’. Ere chiney e gu be yog ni dabki par riy ni aram rogon! Bay gu tay fan e pi’in yad be tay fag, ma bay gu darifannag e pi’in yad bfananikeg.

Daniel 9:26

Ma bayi m’ay e ngiyal’nem ni Got e ke turguy ma bay ni thang e pogofan rok fa en ni turguy Got ni nge gagiyeg, ndariy ban’en nike bucheg. Re binaw nem nge fare Tempel ni bay riy e bay yib e salthaw rok ba pilung nib gel gelngin ngar buthuged. Ma tomur riy e yib ni bod e lul’ ni sugubur nge yib e ran riy i tharey e binaw nib tomgin nike fek e mael nge mogothgoth i yib ni Got e ke tiriggiliy.

Ezekiel 24:21

ni nggu pi’ e re thin ney ngomed yu Israel: Kam ufanthin gad nga feni gel fare Tempel. Gimed ba’adag ni ngu’um yaliyed ma gimed be sul ngay, machane SOMOL e bayi m’aynag fan. Ma pi a romed nib bitir ko tabnaw, ni pi’in ni kar magach gad u Jerusalem e bay ni thang e fan rorad u tan e mael.

Psalms 50:2

Be mat ram’en Got u Zion, fare binaw ndariy thibngin ngaf ni fel’usun.

Numbers 14:34

Aningeg i ragag e duw ni bay i aw e gechig ngomed ni bochan e denen romed, ra reb e duw ma puluwon reb fa aningeg i ragag i rran ni um lekged e re nam nem. Ma aram e bay mu nanged e tin nra yib ngak e en nra pi’ keru’ ngog!