Zekariah 10:7 - Bible Ni Thothup

⁷ Girdi’ nu Israel e ra yib gelingrad ni bod e pi salthaw, ni yad ba felfelan’ ni bod e pi’in kar unumed e wayin. Pi’in owcharad e bay i par u wan’rad e re gel ney nra ted. miyad felan’ ni bochan e n’en nike rin’ SOMOL.

Zekariah 10:7 Referans Kwoze

Zekariah 9:15

I SOMOL ni Gubin ma Rayag Rok e bayi yoror rok e girdi’ rok, ma bay ra thirifed e pi to’ogor rorad u but’. Bay ur tolulgad u fithik’ e mael ni gowa girdi’ nike balyang ko rrum, miyad pu’og racha’en e pi to’ogor rorad; ma bayi map’ nge yan ni gowa racha’en ba gamanman ni maligach nni kunuy ngalan baraba’ i ban’en min pu’og nga daken e altar.

1 Peter 1:8

Ba t’uf romed, ni yugu aray rogon ndamur guyed; ma mmich u wun’med, ni yugu aray rogon ndamur guyed e chiney; ma aram fan ni ba ga’ e felfelan’ ni gimed be tay, nib felfelan’ ndabiyag ni ngan weliy ko thin,

Filippi 4:4

Gubin ngiyal’ ni ngu’um felfelan’gad ko ta’ab girdi’ ni kam ted Somol. Ere ngku gog bayay ni nge lungug: mu felfelan’gad!

Acts 2:26

Aram fan ni kug felan’, ma ke sug e thin rog ko felfelan’; mi gag ni yugu aray rogon nra gum’, e bay ug par nike pagan’ug u fithik’ e l’agan’,

John 16:22

Ere ku ireray e n’en ni bay mu rin’ed: chiney e ke kireban’med, machane bay kug guymed bayay, ma bay mfelfelan’gad, ni fa mit nem e felfelan’ ndariy be’ nrayag ni nge fek romed.

Luke 1:47

ke felan’ug ni bochan Got ni Tabiyul rog.

Zekariah 9:17

Uw feni fel’ nge feni fel’usun e re but’ nem ni bayi par! Pi’in ni bfel’ yangren e yad ra gel mar ilalgad ko grain nge grape ni yad be kay.

Zefaniah 3:14

Gimed e girdi’ nu Israel, mu tanggad mi gimed garusnag e felfelan’! Gimed yu Jerusalem, mu felfelan’ gad u polo’ i lanin’med!

Habakkuk 3:18

ma kug ra par ni gub felfelan’ ni bochan e SOMOL ni Got e ir e be ayuwegneg.

Jeremiah 32:39

Bay gu ta’rebnag lanin’rad nge ta’reb rogon ni ngu’ur liyor gad ngog ni gubin ngiyal’, ni fan ngorad nge fan ngak e pi’in ni owcharad.

Isaiah 66:14

Nap’an ni gimed ra guy ni arrogon ma gimed ra felfelan’; ma ra sulweg gelngimed mi gimed gol bayay. Ma aram e gimed ra nang ni Gag SOMOL ni gu be ayweg e pi’in be fol rog, ma gu be dag e damumuw rog ngak e pi to’ogor rog.”

Isaiah 38:19

Pi’in nib fos e yad ma pining e sorok ngom, ni bod ni gu be pininge e sorok ngom e chiney. Pi matam e yad ma yog ngak pifakrad fanam yul’yul’.

Psalms 104:15

nge yib e wayin riy ni nge felfelan’ nagmad, nge gepgep ni olive ni nggu felan’gad ngay, nge flowa ni nge pi’ gelnginmad.

Psalms 102:28

Pifakmad e bay ur pired ni dariy ban’en nra buch rorad, u tan pa’am ma pi’in owcharad e dabi buch ban’en rorad.

Psalms 28:7

SOMOL e ayuw rog ma yoror rog; ma ir e ba pagan’ug ngak. Ma pi’ e ayuw nge felfelan’ ngog; gu ma pining e sorok ngak ko tang ni felfelan’.

Psalms 13:5

Kug toer ko t’ufeg rom ni dabimus; Bay gu felan’, ni bochan e ga ra chuwegeg u pa’rad.

1 Samuel 2:1

Irera’ e meybil rok Hannah: “I SOMOL e ke suguy ngorongoreg ko felfelan’; kari gu felfelan’ ko tin ke rin’. Ku gu minmin ngak e pi to’ogor rog; ku gu felfelan’ ya ke ayuwegneg Got.

Genesis 43:34

Mi ni fek e ggan u tebel rok Josef i yib ngorad, mi Benjamin e lal yay urngin e ggan nni pi’ ngak ko ggan nni pi’ ngorad. Ma aram miyad abich miyad unum e wayin ngar felfelan’gad.

Genesis 18:19

Kug mel’eg ni fan e nge ta’chiylen ngak pifak ni pumo’on nge pi’in owchen ni ngu’ur folgad ko tin kugog, ni aram e ngu’ur rin’ed e tin nib mat’aw nge tin nib yal’uw. Ma aram e ra gu rin’ ngak urngin e tin kugog ni bay gu rin’ ngak.”

Acts 2:39

Ya tow’ath ni micheg Got ni bayi pi’, e gimed e nge yag ngomed nge pifakmed, nge ngak urngin e pi’in yad ba mal’af, ni yad urngin e pi’in be piningrad Somol ni Got rodad ngak.”

Psalms 90:16

Mu pagmad, e pi tapigpig rom, ngu guyed e pi maruwel rom; mu gagiyegnag e pi’in ni owchemad ngar guyed gelngim nib gil.

Psalms 33:21

Ke felan’dad ni bochan SOMOL; ke pagan’dad nga fithingan nib thothup.

Isaiah 54:13

“I gag e bay gu machibnag e girdi’ rom, mu gu pi’ e fel’ rogon nge gapas ngorad.

Ezekiel 37:25

Bay ra pired ko fare nam ni gu pi’ ngak e tapigpig rog i Jakob, ni fare nam ni i par pi chitamangirad ni kakrom riy. Bay ra pired u rom, ma ku er i tay pifakrad nge urngin e pi’in bay yib ni owcherad ni dariy n’umngin nap’an. Ba pilung ni bod e tapigpig rog i David e bay i gagiyeg nagrad ni dariy n’umngin nap’an.

Joel 2:23

’Mu felfelan’gad e girdi’ nu Zion, mu felfelan’ gad ni bochan e tin ke rin’ SOMOL ni Got romed ngomed. Ke pi’ ngomed e n’uw ni bfel’ urngin ko ngiyal’ ndabisiy ni nge yag ngomed, ni bod ni i rin’, ma ke pu’og e n’uw nga but’ u nap’an e garbeb ni fan ngomed, ma ke pi’ e n’uw u ngal’an e yafang nike tabab e gowel ni bod ni i rin’ ko som’on.

Isaiah 25:9

Nap’an nra yodrom, ma gubin e girdi’ ni bayi ga’ar, “Ir e Got rodad! Kad ted e pagan’ rodad nga daken, ma ke aywegdad ni de buch ban’en rodad. I ir e SOMOL! Kad ted e pagan’ rodad nga daken, ma chiney e kad felfelan’gad ma kad ufgad ni bochan e ke ayuwegdad.”

Zekariah 12:8

Rofen nem e bayi yoror SOMOL rok e pi’in yad ma par u Jerusalem, mus ko pi’in ntha’bi me’waer u fithik’rad ma bay ra gelgad ni bod David ni immoy. Pi’in owchen David e bay ra gafaliyed yad ni bod ba engel rok Got, ma bod Got.