Zekariah 10:5 - Bible Ni Thothup

⁵ Piyu Judah e bay ur gelgad ni bod e pi salthaw ni yad ma yotyot e pi to’ogor rorad u fithik’ e rungdu’ u lan e yupa’ i kanawo’. Bay ra chamgad ni bochan SOMOL ni bay rorad, bay ur gelgad ni mus ngak fa raba’ i salthaw ni yad ba falu’ ni girdi’en e yan u os ma yad ra gel ngorad.

Zekariah 10:5 Referans Kwoze

Haggai 2:22

mug gathay gil’ilungun e pilung mug taleg gelingrad. Bay gu pulpuliy e pi chariot nge pi girdi’en e yan riy; ma bayi yim’ e pi os, ma pi girdi’en e yan u os e bay ra chelgad ngorad ngu’ur thanged e fan rorad.

Zekariah 12:8

Rofen nem e bayi yoror SOMOL rok e pi’in yad ma par u Jerusalem, mus ko pi’in ntha’bi me’waer u fithik’rad ma bay ra gelgad ni bod David ni immoy. Pi’in owchen David e bay ra gafaliyed yad ni bod ba engel rok Got, ma bod Got.

Zekariah 9:13

Bay gu maruwel ngak yu Judah ni bod e gat’ing rok ba salthaw, mu gu maruwel ngak yu Israel ni bod bogi gan e gat’ing. Bay gu maruwel ngak e pumo’on nu Zion ni bod ba saydon, ngar maelgad ngak e pumo’on nu Greece.”

Psalms 20:7

Boch e girdi’ e be pagan’rad ko pi chariot ko mael ni bay rorad, ma boch e be pagan’rad ko os rorad, machane gadad e be pagan’dad nga gelngin SOMOL ni Got rodad.

2 Timothy 4:7

Ya kug athamgiliy e tin nrayag rog ko sagreng, ma kug mil u n’umngin yang ni ngan mil riy, ya par e michan’ rog u gil’.

2 Korinth 10:4

Talin e cham ni gamad be maruwel ngay ko cham ni gamad be tay e gathi talin e cham nu roy u fayleng, ya talin e cham nib yargel ni yib rok Got, ni ir e ngan kirebnag ngay yungi n’en nike fal’eg e mo’onyan’ rogon ke par riy be cham ngodad. Gamad be kirebnag e thin nde riyul’ ni be togopluwnag e girdi’ ngak Got;

Acts 7:22

Ma aram min fil ngak urngin e llowan’ rok yu Egypt, me yan i par ni ir be’ nib sorok ko welthin nge ngongol ni be rin’.

Luke 24:19

Me fith ni ga’ar, “Bogi mang?” Miyow fulweg ngak ni lungurow, “N’en ni kan rin’ ngak Jesus nu Nazareth. Re mo’on nem e ba profet ni bay rogon u wan’ Got nge urngin e girdi’, ya bay gelngin e thin ni i yog nge tin ni i rin’.

Matthew 4:3

Me yib e mo’onyan’ i ga’ar ngak, “Fa’anra Fak Got gur, me ere mu non ko pi malang ney nge ngal’ ni flowa.”

Zekariah 14:13

Rofen nem e bayi balyang nag SOMOL lanin’rad miyad rus ni yad gubin nra bagyad me cheal nge cham ko en nu charen.

Zekariah 14:3

Ma aram e bay yan SOMOL nge cham ko fapi nam ni bod niki i cham ngorad kakrom.

Zekariah 12:4

Rofen nem e bay gu k’aring e morus ngak e pi os rorad, mu gu balyang nag girdi’en e yan u os. Bay gu matanagiy piyu Judah, ma pi os rok e pi to’ogor rorad e bay gu ma’ew nagrad.

Mikah 7:10

Ma aram e bayi guy e pi to’ogor e ren’ey miyad tamra’, ni fapi to’ogor rodad ni ur moning gad ngodad ni be lungurad, “Bu uw fa’anem i SOMOL ni Got romed?” Bay da guyedrad ni kar waergad, ma yibe yot’rad nga but’ ni yad bod e rungdu’ u lan e kanawo’.

Amos 2:15

Girdi’en e gat’ing e yad ra sul nga tomur, ma pi’in yad mmachreg ko mil e dabiyag ni ngar thay gad, ma pumo’on ni bay u daken e os e dabiyag ni ngar milgad.

Ezekiel 38:15

ngam chuw ko gin ga bay riy ko lel’och nib palog, ni ga be gafaliy barba’ i salthaw nib gel gelngin u boch e nam nib yo’or, ni yad gubin ni yad bay u daken e os.

Isaiah 41:12

Pi’in yad ra mael ngom e yira thirifrad u but’.

Isaiah 25:10

I SOMOL e bayi yororiy e Burey ni Zion, machane girdi’ nu Moab e bay notrad nga but’ ni bod rogon e pan ni kanot nga fithik’ i t’ay e gamanman.

Isaiah 10:6

Gu l’oeg yu Assyria ni ngar maelgad ngak e nam ndarir liyorgad ngak Got, ni girdi’ ni yad ma k’aring e damumuw ngog. Gu l’oegrad ni ngar feked u yargel e chugom miyad mororo’ miyad yotyot e girdi’ nga but’ ni bod rogon e rungdu’ u lan e kanawo’.”

Isaiah 8:9

Gimed e pi nam, mu’ulunggad nga ta’bang u fithik’ e marus! Gimed e pi nam nu fayleng ni gimed ba orel, mu telmed! Mu fal’eged rogomed ni ngam marod ko mael, machane ngam rusgad! Mu fal’eged rogomed, machane ngam rusgad!

Psalms 45:3

Pilung ni madangdang, mm’ag e saydon rom nga lukngum; gur e bgilbugwam ma ba sorom.

Psalms 33:16

Ba pilung e der ma gel ko mael ni bochan e ba gel ma ba yo’or e salthaw rok; ba salthaw e der ma gel ni bochan gelngin.

Psalms 18:42

Kug parsiyrad, kar ngal’gad ni ab nra thoyrad e nifeng miyad chuw. Gu be yot’yot’rad ni bod e bar u lan yupa’ i kanawo’.

2 Samuel 22:43

Kug pirdi’iyrad kar pired ni yad bod e fiyath; gu be yit’yit’rad nga but’ ni bod e rungdu’ u daken e kanawo’.

2 Samuel 22:8

Ma aram me durru’ e but’ ngi i rur; me rur lanelang ngi i da’da’, ya ke damumuw Got!

1 Samuel 16:18

Me ga’ar reb e tapigpig rok ngak, “I Jesse, ni be’ ko binaw nu Bethlehem e ba’ ba pagel ni fak nib salap ko musik. Ma ku ir be’ nder ma rus, ma bfel’ ko salthaw, ma be’ nib salap ko welthin, ma ba picho’ay. Mi SOMOL e bay rok.”

Joshua 10:42

Gubin e pilung ntaferad e yu ngin’ey ni go’ gel Joshua ngorad me fekrad nge binaw rorad ni bochan e SOMOL ni Got rok yu Israel e be cham ni pa’ yu Israel.

Joshua 10:14

Dawori yodorom reb e rran nga m’on riy, ara nga tomuren ni bod e re rran nem ni fol SOMOL rok be’ nib mo’on nge un ko mael ni bay u ba’ rok piyu Israel.

Deuteronomy 20:1

“Nap’an ni gimed ra yan ni mael ngak e pi to’ogor romed mi gimed guy e chariot nma girengiy e os, nge os, nge barba’ i salthaw ni yad bayo’or ngomed, ma dab mu rusgad ngorad. Ya SOMOL ni Got romed nike fekmed nga wuru’ yu Egypt e bay romed.

Revelation 19:17

Ma aram mu gguy ba engel nib sak’iy u mit e yal’. Me tolul ni ba ga’ laman ngak urngin e arche’ ni be changeg u fithik’ e nifeng ni be ga’ar, “Mired ngam mu’ulunggad ni fan ko mur ni ba ga’ ni mur rok Got!

2 Timothy 4:17

Machane Somol e par rog nge pi’ gelngig, nge yag ni gu weliy urngin e thin rok Got nge rung’ag urngin e pi’in gathi yad yu Israel; me Somol e ayuwegneg nda kug wan ngalan l’ugun e layon.

Acts 18:24

Be’ u Israel ni Apollos fithingan, nni gargeleg u lan yu Alexandria, e yib nga Efesus, ni ir be’ ni bfel’ l’ugun ko welthin ma ba tamilangan’ ko thin ni bay u lan e babyor nib thothup.

Matthew 28:20

mi gimed fil ngorad rogon ni ngu’ur folgad u gubin e tin kugog ngomed ni ngu’um rin’ed. Ma dab mpaged talin ni gubin ngiyal’ ma gu bay romed, nge yan i mada’ nga tomuren e fayleng.”

Psalms 44:5

u gelngim e gu gelgad riy ko pi to’ogor romad.

Isaiah 41:25

“Kug turguy be’ nib mo’on nma par ko ngek; bay gu gagiyegnag nge yib u lel’och i cham ngomed. Bay i yot’yot’ e pi’in yad ma gagiyeg ni gowa yad e rungdu’, ni bod be’ nma ma’ th’ib ni be yot’yot’ e but’.

Mikah 5:8

Ma ku yad ra bod ba layon ni be gay e ggan ni nge kay u fithik’ e gerger ara gin bay e pan riy nma kay e gamanman. Bay i yan nga fithik’ e saf ngi i og ngorad nge popofrad, ma dariy be’ nra ayuwegrad rok.

2 Kings 9:33

me ga’ar Jehu ngorad, “Mun’ed e re bpin nir nga but’!” Miyad yin’ fare pin nga but’, me wear e racha’ rok ngadow e rungrung nge nga daken e pi os. Me yannag Jehu e pi os nge chariot rok u daken fare ldow,

Isaiah 31:1

Pi’in yad ra yan ko man ayuw nga Egypt e kar riya’gad! Yad be toer nga gelngin yu Egypt, ni os, nge chariot nge salthaw. Ya darir toergad ngak SOMOL, ni fare Got nu Israel nib thothup, ara ra weniggad ngak ni nge ayuwegrad.