Zekariah 10:2 - Bible Ni Thothup

² Girdi’ e ma fith lanyan’ e pi liyos nge pi tamanbay, machane fulweg ni yad ma pi’ e go’ ban ni dariy fan. Bochiyad e ma weliy fan e lik’ay, ma kemus ni yad ma olobochiyem; ya ayuw ni yad ma pi’ e dariy fel’ngin. Ere girdi’ e be goroy i yan ni bod e saf nike malog. Kar oloboch gad ni bochan e dariy be’ ni be gafaliyrad.

Zekariah 10:2 Referans Kwoze

Matthew 9:36

Ma fa’ani guy e pi girdi’ nem ni aram urngirad, me taganan’ ngorad, ya kar pired nike magafan’rad ndar nanged e n’en ni ngar rin’ed, ya yad bod e saf nde moy rorad e en nma gafaliyrad.

Habakkuk 2:18

Mang e yira fanay ba liyos ngay? Ya kemus ni ban’en ni pa’ e girdi’ e ni ngongliy ngay, ma dabiyag rok ni nge weliy ngom e tin riyul’. Mang e n’en ni bfel’ nrayag ni rin’ ngak e en ni toy nra pagan’ ngay, ni ba got ni mus ko numon ma dabiyag rok!

Hosea 3:4

Fan e ren’ey e bayi par e girdi’ nu Israel nib n’uw nap’an ndariy e pilung rorad ara pi’in ni nga urogned e thin rorad, ma dariy e gamanman ni maligach ni yad be pi’ ngak Got, ma dariy e malang nib thothup ni kan suweg, ma dariy e liyos ara fon ban’en ni yima bey ngay.

Ezekiel 34:5

Bochan e da i moy rorad e en nma gafaliyrad miyad wear, me yib e gamanman ni malboch ngi i li’rad ma be longuyrad.

Jeremiah 27:9

Dab mu motoyilgad ngak e profet ara be’ ni be yog ni manang ko mang e bay nga m’on, ni demturug ko lik’ay ara ngan pining e thagith ko yam’ fa pig. Yad urngin ni bay rogned ngomed ni dab mu folgad ko n’en ni be yog e pilung nu Babylon.

Genesis 31:19

U m’on ni chuw Rachel u nap’an ndemo’ Laban u tabnaw rok ya ke yan ni nge thethab buni’en e saf rok, me iring Rachel fapi liyos ni thothupen e tabnaw rok Laban.

Ezekiel 34:8

Rogon feni riyul’ ni Gag fare Got ni gu be par ni gub fos e aram rogon feni rriyul’ ni bfel’ ni ngam motoyilgad ngog, ya saf rog e ke og e gamanman ni malboch ngorad yad be li’rad ma yad be longuyrad, ya dariy be’ ni be gafaliyrad. Ya pi tagafaliy e saf rog e dar guyed rogon ni ngar gayed e saf. Kar pired ni yad e yad be ayuweged yad, ma darir ayuweged e saf.

Mikah 2:12

“Machane gimed gubin e pi’in bay mmagey gad ko girdi’ nu Israel e bay gu kunuymed nga ta’bang. Bay gu fulwegmed nga ta’bang ni bod e saf, ma bod bang i flang nib sug ko saf, nam romed e bay ki sug e girdi’ riy bayay.”

Ezekiel 21:29

Pin’en ni be pig owchemed ngu’um guyed e go’ bogi ban’en, nge fapi yi’iy ni gimed be yog e go’ ban. Gimed ba kireb ma ba kireb e leam romed, ma fare rran romed e nge anog, ni fare rran ni tomuren e gechig romed. Fare gi saydon e nge aw nga belel’ugunmed.

Ezekiel 21:21

Fare pilung nu Babylon e sak’iy nga charen fa gin’en ni pow ko madar ko fa gal pa’ i kanawo’. Me rurug gan e gating rok; me fith lanyan’ e pi liyos rok; me fal’eg i yaliy adin ba gamanman ni maligach, ni nge nang e re pa’ i kanawo’ ni nge yan riy.

Lamentations 2:14

Pi profet rom e go’ thin ni malfith e yad be yog ngom; Yad be ban nigem ko machib ni yad be tay ni dariy e ngiyal’ ni ngam guy e kireb rom. Yad be gagiyeg nigem ngam leamnag nde t’uf ni ngam pi’ ker’um ko denen rom.

Jeremiah 51:23

gu thang owchen e pi tagafal saf nge yu ran’ i gamanman rorad, nge pi girdi’en e milay’ nge pi os rorad nma gi’ e but’, gu pirdi’iy e pi tagagiyeg nge pi tolang ko salthaw.”

Jeremiah 50:17

I SOMOL e be ga’ar, “Girdi’ nu Israel e yad bod e saf, ni lol’oeg e layon ngar wagageygad. Som’on e fare pilung nu Assyria e cham ngorad, me migid ma Nebukadnezzar ni Pilung nu Babylon e guchiy e yil rorad.

Jeremiah 37:19

Mang e ke rin’ fapi profet rom ni fa’ani lungurad ngom e pilung nu Babylon e dabi cham ngom ara re nam ney?

Jeremiah 29:8

I Gag SOMOL, ni fare Got rok yu Israel, e gu be gineangmed ni dab mu paged gimed nge ban nagmed e pi profet ni yad ma par u fithik’med ara pi’in yad ma yi’iynag e tin bayib. Dab mu telmed ko lik’ay rorad.

Jeremiah 28:15

Ma aram mu gog ngak Hananiah e ran’ey, miki lungug, “Hananiah, motoyil! I SOMOL e de l’oegem, ma ka mu bannag e pi girdi’ ney ke mich u wan’rad e n’en nib ban.

Jeremiah 23:17

Yad be yog ngak e girdi’ ni pi’in ka ra dabuyed ni ngar motoyilgad ngog, ni yad ra par ni bfel’ rogonrad ni dabi buch ban’en rorad. Ma ku yad be yog ngak urngin e pi’in gel lanin’rad ni riya’ e dabi chuchugur nra aw ngorad.”

Jeremiah 14:22

Dariy reb fapi liyos ko pi nam nrayag ni nge gagiyegnag nge aw e n’uw; lanelang ni go’ ir rok, e dabyag ni nge gagiyegnag nge aw e n’uw. SOMOL, ni Got romad, ku gu pired ni gur e ke l’agan’mad ngom, ya gur e ga be rin’ e pin’ey.

Jeremiah 14:13

Ma aram me lungug, “SOMOL ni Th’abi Tolang, ga manang ni be weliy e pi profet ngak e girdi’ ni dabki yib e mael ara uyongol, ya ke lungurad kamog ni kemus ni gapas e bayi par u daken e nam romad.”

Jeremiah 10:8

Yad gubin ni yad ba pinat ma yad bbalyang. Mang e yad ra fil rok e liyos ni ren?

Jeremiah 8:11

Yad be ngongol ni gowa maad’ad nike tay e girdi’ rog e kemus ni magur dowrad. Yad be ga’ar, ‘Gubin ban’en ni kabfel’ rogon’, ma bin riyul’ e dakriy ban’en ni kabfel’.

Jeremiah 6:14

Yad be ngongol ni gowa maad’ad nike tay e girdi’ rog e kemus ni magur u dowrad. Yad be ga’ar, ‘Gubin ban’en ni bfel’ rogon,’ ni yug aram rogon ni dariy ban’en ni kabfel’ rogon.

Isaiah 46:5

Be ga’ar SOMOL, “I mini’ e gimed ra susun nigeg ngak? Gur bay be’ ngabang ni bod gag?”

Isaiah 44:9

Urngin e girdi’ ni yad be ngongliy e liyos nma meybil yugu boch e girdi’ ngay e mm’ay farad, ma pi got nrib t’uf rorad e dariy farad. Pi’in yad be meybil ngak e pi got nem e yad mmalmit ma de tamilangan’rad, ma bay ra tamra’gad.

BABYOR NI JOB 21:34

Me gimed! Gimed be guy rogon ni ngam fal’eged lanin’ug ko thin ni dariy gam’ingin! Gubin e fulweg ni gimed be pi’ e go’ ban!

BABYOR NI JOB 13:4

Gimed be upunguy fanamed minan’ ko mululufith l’ugun romed’; gimed bod e togta ni dabiyag ni nge golnag be’.

1 Kings 22:17

Me fulweg Mikayah ni ga’ar, “Kug guy e girdi’ nu Israel ni kar weargad u daken e yungi ted, ni yad bod bogi saf ndariy be’ ni be gafaliyrad. Mi SOMOL e ke ga’ar, ‘Pi girdi’ ney e dariy be’ ni nge yog e thin rorad; ere ngar sulod nga taferad u fithik’ e gapas.’”

Judges 18:14

Ma aram e fa lal i pumo’on nranod ra damit niged fare gi binaw nib liyeg yu Laish e lungurad ngak e pi’in yad, “Gimed manang, nu roy u lan reb e pi naun ney e bay ba liyos riy ni yima meybil ngay ni kan ing ko silber? Ma kubay yug boch e liyos ni yima meybil ngay nge ba efod. Ere mang e gimed be leamnag ni ngad rin’ed?”

Numbers 27:17

me yog ngorad e n’en ni ngu’ur rin’ed u fithik’ e mael, ya nge dabi par e tirom e girdi’ ni bod e saf ndariy be’ ni be gafaliyrad.”

Mark 6:34

Ma nap’an ni chuw Jesus u bowoch nge yan nga daken e binaw, me guy e girdi’ ni pire’ ni pire’, me ri taganan’ ngorad, ya yad bod e saf nde moy e en nma gafaliyrad rorad. Ma aram me tabab i machibnag bo’or ban’en ngorad.

Jeremiah 23:32

Mu telmed ko tin be yog SOMOL, be ga’ar! Gu ba togopluw ngak e pi profet ni yad be weliy e lik’ay rorad ni go’ ban. Yad ma weliy e pi lik’ay rorad nem ngar waliyed e girdi’ rog nga wuru’ e kanawo’ ko sasalap l’ugun ni yad be weliy ni yad ba uf ngay. Gathi gag e gol’oegrad ara gog ngorad ni ngranod, ma dariy bochu’uw i ayuw ni yad be tay ngak e girdi’. I Gag SOMOL e kugog e pi thin ney.”

Zekariah 11:17

Re tagafal saf nem ndariy rogon ngabang e ke riya’! Ken’ag fa ran’ i saf rok. Mael e bayi thirif gelngin u but’. Bayi yaf pa’ me ma’ew e ba’ ni mat’aw i lanmit.”

Deuteronomy 13:2

ni fan e nge waliymed ngam ted fan mi gimed pigpig ngak bogi kan ndawor mu ted fan biid, ku manga ra yib i m’ug ni riyul’ e tin ke micheg ngomed,

Isaiah 41:29

Urngin e pi got nem e dariy farad; dariy ban’en nrayag ni ngar rin’ed, pi liyos rorad e yad bme’waer ma dariy gelngirad!”

Isaiah 44:25

Gu be gagiyegnag e pi tamanbay yad be non non ngabang, ma gu be ngochngochan’nag e pi’in yad ma yaliy e t’uf. Thin ko pi llowan’ e gu be dalibnag, be m’ug ni gonop rorad e bbalyang.

Jeremiah 27:10

Yad be ban nagmed ni bay ra suruyed gimed ngan chuwegmed ko nam romed. Bay gu tulufmed nga wuru’ e nam romed ngan thang owchemed.

Jeremiah 27:14

Dab mmotoyilgad ko pi profet ni yad ra yog ngomed ni dab mu paged gimed nga tan pa’. Ya yad be ban nagmed.