Zekariah 10:11 - Bible Ni Thothup

¹¹ Nap’an ni yad ra th’ab dayin e gafgow rorad, ma Gag SOMOL, e bay gu toy e pi n’ew, me mlik’ lan e lul’ ni Nile nib to’ar. Yu Assyria ni yad ba tolngan’ e bay i sobut’anrad, ma yu Egypt nib gel gelingrad e bay i m’ay gelingrad.

Zekariah 10:11 Referans Kwoze

Ezekiel 30:13

I SOMOL ni Th’abi Tolang e be ga’ar, “Bay gu kirebnag e pi liyos nge pi got ni de rriyul’ u lan yu Memfis. Ma bayi par ni dakriy be’ ni nge gagiyegnag yu Egypt, mu gu k’aring e marus ngak urngin e girdi’ riy.

Isaiah 43:2

Ga ra yan u fithik’ e ran nib to’ar ma gu bay rom; gafgow ni bay i yib ngom e dabiyag ni nge gel ngom. Ga ra yan u fithik’ e nifiy ma dab mu gak’; ma pin’en nib mo’maw’ ni bay i yib ngom e dariy ban’en nra rin’ ngom.

Revelation 16:12

Me pu’og fa bin nel’ e engel e ba’ rok e plet nga daken fare lul’ ni ba ga’ ni Eufrates fithingan. Me mlik’ fare lul’ nge mang kanawo’ ngak e pi pilung ni ngarbad u lan e ngek.

Zefaniah 2:13

I SOMOL e bayi maruwel nga gelngin nge gathay yu Assyria. Ir e bayi tay fare binaw nu Nineveh ni dakriy be’ riy nike mogothgoth, nike daken e ted ni dakriy e ran riy.

Isaiah 51:10

Ku gur e mu mliknag e regur ma ga ngongliy e kanawo’ nge th’ab e day nga barba’, pi’in mu aywegrad e yag nra thapgad nga barba’.

Isaiah 14:25

Bay gu thang mit yu Assyria u daken e but’ nu Israel nggu yot’yot’rad nga but’ u daken e pi burey rog. Bay gu chuweg e pi girdi’eg u tanggin gilban piyu Assyria ngu tanggin e pi tomal ni immoy u porad.

Psalms 114:5

Day, mang e buch mag mil? Me gur Lul’ ni Jordan, mang ni mu sul nga tomur?

Psalms 114:3

I changar fare day ni Red Sea me mil; me sul fare Lul’ nu Jordan nga tomur.

Ezra 6:22

Medlip e rran nra madnom niged u fithik’ e felfelan’ fare Madnom ko Flowa Ndariy e Is Riy. Ba ga’ e felfelan’ nra ted ni bochan e ke pingeg SOMOL laniyan’ fare pilung nu Assyria ke runguyrad ke ayuwegrad kar toyed e tempel rok fare Got nu Israel bayay.

2 Kings 2:14

Me toy fare wuru’ e mad rok Elijah nga daken e ran me ga’ar, “Bu uw SOMOL ni fare Got rok Elijah?” Ma nap’an ni yodorom nge mu’ me ki’ bayay e ran, me yan nga barba’.

2 Kings 2:8

Me fek Elijah wuru’ e mad rok nge bachiy me toy nga daken e ran; me ki’ e ran u lan e lul’, mi yow yan nga baraba’ e lul’ u daken e but’ nib mlik’.

Isaiah 51:9

SOMOL, mu’ od ngam aywegmad! Mu maruwel nga gelngim ngam aywegmad; mu maruwel ngay ni bod ni mu rin’ kakrom. I gur faram e mu theth’ab fare gamanman nu maday ni Rahab nge yochyang.

Genesis 8:1

Machane depag Got tilin Noah nge urngin e gamanman ni malboch nge gamanman nib mongmor ni bay rok Noah u lan fare barkow; ma aram me pi’ e nifeng nge thow u daken e fayleng, me sul fare ran i yan nga but’.

Isaiah 19:16

Bayi taw nga bangiyal’ ni girdi’ nu Egypt e bay ra dugowgad ni bod e ppin. Bay ra durru’gad ko marus u nap’an ni yad ra guy SOMOL ni Gubin ma Rayag Rok nike k’iyag pa’ ni nge gechig nagrad.

Isaiah 44:27

Bbugithin e gog me mlik’ e rigur.