Zekariah 1:12 - Bible Ni Thothup

¹² Ma aram me ga’ar fare engel, “SOMOL ni Gubin ma Rayag Rok, kam par ni gab damumuw ngak yu Jerusalem nge pi binaw nu Judah nike gaman medlip i ragag e duw e chiney. Fin wi’in e ra taw ngay ma fin mu dag ngorad e runguy rom?”

Zekariah 1:12 Referans Kwoze

Zekariah 7:5

Ni be ga’ar, “Mog ko girdi’ ko fare nam nge pi prist ni nap’an ni urpaged e abich ma yad be mawaw u lan e pi pul ni lal nge medlip u nap’an re medlip i ragag e duw ney, ma gathi gag e ur tedfag riy.

Daniel 9:2

Bin som’on e duw ni mang pilung, e gag Daniel e ug be’eg fapi babyor nib thothup ngu’ug leamnag fa medlip i ragag e duw ni bayi par yu Jerusalem nike mogothgoth, ni bod rogon ni weliy SOMOL ngak Jeremiah ni profet.

Jeremiah 29:10

“I ga’ar SOMOL, ‘Nap’an nra thumur medlip i ragag e duw u Babylon, ma bay gu dag e runguy rog ngomed nggu tay u gil’ e n’en ni gu micheg ni nggu fulwegmed nga tafenmed.

Psalms 102:13

Bay mu sak’iy nge kireban’um ngak yu Zion; ke taw nga nap’an ni ngan runguy; irera’ ngal’an nike taw ngay.

Psalms 74:10

A Got, bu uw n’umngin nap’an ni ngi i minmin e pi to’ogor romad ngom? Ngu’ur dariy fanaged fithingam ni manemus?

Revelation 6:10

Miyad tolul ni ba ga’ lamrad ni be lungurad, “Somol ni Gubin ma Rayag Rok, ni gab thothup ma gab yul’yul’! Uw n’umngin nap’an mfini mpufthinnag e girdi’ nu fayleng ma ga gechig nagrad ni bochan e ra thanged e fan romad?”

Zekariah 1:8

Gguy be’ ni be yan u daken ba os nib row. Yib i tal nga fithik’ yuke gek’iy ni myrtle u lan e loway, mu tomur rok e bay boch e os riy nib row, nge boch nib wupwupnun’, nge wechwech.

2 Kronicles 36:21

Ma aram e n’en keyog SOMOL u daken Jeremiah ni profet nra buch e yib i m’ug nib riyul’: “Fare binaw e ngan n’ag ni dakriy be’ riy ni medlip i ragag e duw, ni fan ko toffan ko Sabbath nda ku ni fol riy.”

Hebrews 7:25

Ere chiney nge gubin ngiyal’ e rayag rok ni nge thapeg ngak Got e pi’in yad ra yib ngak Got u daken, ni bochan e bay i par nib fos ni dariy n’umngin nap’an, ngi i wenignagrad ngak Got.

Isaiah 63:9

u gubin e gafgow rorad. Gathi ba engel ya SOMOL ni ir e ayuwegrad. I ayuwegrad ni bochan e ri yad ba t’uf rok ma be runguyrad. Kab kakrom i yib ni i ayuwegrad ni gubin ngiyal’,

Psalms 69:5

Got, denen rog e de mith u p’eowchem; ga manang fanag balyang!

Jeremiah 12:4

Uw n’umngin nap’an ni nge par e but’ romad nike fengfeng, nge pan nike maroroy u gubin yang e flang romad? Gamanman nge arche’ e be yim’ ni bochan e kireb ko girdi’ romad, ni pi girdi’ ni be ga’ar, ‘Got e darguy ko mang e gadad be rin’.’”

Jeremiah 15:17

Da ug un ngak e girdi’ ko minmin nge mur ni yad be tay ni yad be felfelan’, ni bochan e maruwel ni mpi’ ngog mu gu par rog ni gu be damumuw.

Jeremiah 30:18

Be ga’ar SOMOL, “Bay gu fulweg e girdi’ rog ko fare but’ rorad me yib e marnguy rog nga daken gubin e tabnaw; Jerusalem e bay ku ni ubung bayay, ma naun ko pilung riy e bay ku ni toy.

Daniel 12:6

Bagayow e ga’ar ngak fare mo’on nike yin’ e mad nib wech nib sak’iy nib kan boch nga p’ebugul e lul’, “Uw n’umngin nap’an me yan i mus e pin’ey ni yibe ngat ngay?”

Habakkuk 1:2

A SOMOL, uw n’umngin nap’an ni thingar gu ning e ayuw mfin mu rung’ag lungug, ngam chuwegmad u fithik’ e gafgow ni yibe tay ngomad?

Psalms 79:5

SOMOL, ga ra par ni gab damumuw ngomad ni dariy n’umngin nap’an? Ra par e damumuw rom ni be yik’ ni bod ba nifiy ni dabital?

Eklesiastes 3:3

nge ngal’an ni ngan thang e pogofan nge ngal’an ni ngan gol nigey; nge ngal’an ni ngan buthug nge ngal’an ni ngan toy.

Isaiah 47:6

Kug damumuw ko girdi’ rog; kug ta’rad ni gowa gathi ku yad e girdi’ rog: Kug tayrad nga tan gelngim, ma da mu dag e runguy ngorad’; ni mus ko tin ke pilibthir ma ga be gafgow nagrad.