Zefaniah 3:16 - Bible Ni Thothup

¹⁶ Arme nge taw ko fa ngiyal’ ni bay ra ga’ar gad ngak yu Jerusalem, “Binaw nu Zion, dab mu rus! Dab mu pag pa’am nge ul nga but’!

Zefaniah 3:16 Referans Kwoze

Hebrews 12:12

Mpuged pa’med nib m’ay gelngin ngalang, mi gimed gelnag bugun aymed nib me’waer!

Galatia 6:9

Ere dabi chalbadad i ngongliy e ngongol ni bfel’; ya fa’anra dab da paged gadad, ma bay nap’an ni bayi taw ngay ma gadad t’ar wom’ngin.

Revelation 2:3

Gab gumaen’, ma ke yo’or e gafgow ni keb ngom kam gafgow riy ni bochag, ma dawor mpagem.

Efesus 3:13

Ere gu be wenig ngomed ni dabi mulan’med ya gu be gafgow ni fan ngomed; ni urngin ni gimed e nge yib fan ngomed.

Isaiah 44:2

I gag SOMOL e gu sunumiymed; ngiyal’ ni gimed bay u mayal ma gu be ayuwegmed. Dab mu rusgad; ya gimed e tapigpig rog, gu mel’egmed ni gimed ba t’uf rog.

Isaiah 41:10

Dab mu tamdag, ya gu bay rom. I Gag e Got rom, dariy ban’en ni nga mu rus ngay. Bay gu gel nigem mu gu ayuwegnem; bay gu yoror rom mu gu ayuwegnem nga pa’ag nib gel.

Isaiah 40:9

Jerusalem, mman nga daken e burey nib tolang; mu weliy e re thin ney ni bfel’! Zion, mu tolul ni ba ga’ lamam; mu weliy e re thin ney ni bfel’! Mu non ni ba ga’ lamam, ma dab mu rus. Mog ngak e pi binaw nu Judah ni fare Got rorad e be yib!

John 12:12

Me yan i reb e rran riy ma fapi girdi’ ni aram urngirad ni pire’ ni pire’ ni karbad ko fare madnom ni Paluk’af e rrung’aged ni be yib Jesus i yib nga Jerusalem.

Zekariah 8:15

Machane chiney e kug turguy ni nggu fal’eg wa’athan e girdi’ nu Jerusalem ngu Judah. Ere dab mrusgad.

Isaiah 54:4

Dab mu rus, ya dab kun darifan nigem bayay; dab kun tamra’ nigem. Bay mu pag talin e yul’yul’ ni da um tay ngak e pumo’on rom ko ngiyal’ ni kagab rugod, ma ku er i tay e kireban’ rom nib gel ko ngiyal’ ni yim’ figirngim.

BABYOR NI JOB 4:3

Ka mu fonownag bo’or e girdi’ ma kam pi’ gelngin pa’ e pi’in ndariy gelngin pa’rad.

2 Korinth 4:1

Got e ke runguydad ke pi’ e re maruwel ney ngodad, aram fan nder mulan’dad.

Isaiah 25:9

Nap’an nra yodrom, ma gubin e girdi’ ni bayi ga’ar, “Ir e Got rodad! Kad ted e pagan’ rodad nga daken, ma ke aywegdad ni de buch ban’en rodad. I ir e SOMOL! Kad ted e pagan’ rodad nga daken, ma chiney e kad felfelan’gad ma kad ufgad ni bochan e ke ayuwegdad.”

Joel 2:21

’Pi flang, dab mu rusgad, machane ngam felfelan’ gad me fel’ lanin’med, ni bochan e kari pire’ ban’en nike ayuwegmed SOMOL riy.

Zekariah 8:13

Gimed e girdi’ nu Judah ngu Israel! Kakrom e pi girdi’ nu bang e mang ba yaba’ ngorad ni bayi n’en me ga’ar bagyad ngak bagyad, ‘Mang e yigi aw fare riya’ ni aw nga daken yu Judah ngu Israel ngom!’ Machane bay gu aywegmed, ma aram e fa pi girdi’ nu bang e bay u roged ngorad ni ngar ga’ar gad, ‘Mang e yigi yag ngom e pi tow’ath ni yag ngak yu Judah ngu Israel!’ Ere nge pagan’med ma dab mrusgad.”