Zefaniah 2:13 - Bible Ni Thothup

¹³ I SOMOL e bayi maruwel nga gelngin nge gathay yu Assyria. Ir e bayi tay fare binaw nu Nineveh ni dakriy be’ riy nike mogothgoth, nike daken e ted ni dakriy e ran riy.

Zefaniah 2:13 Referans Kwoze

Nahum 3:7

Gubin e pi’in yad ra guyem ma yad ra sul riy nga tomur. Bay ra ga’ar gad, ‘Nineveh e dakriy waton u but’! Gur mini’ e ramoy bochu’uw i runguy rok ngak?’ Gur, mini’ e ba’adag ni nge fal’eg lanyan’?’”

Nahum 1:1

Irera’ e thin ni murung’agen yu Nineveh, ni ragon e n’en ni pilyeg e changar rok Nahum nge guy, ni be’ nu Elkosh.

Isaiah 10:16

I SOMOL ni Gubin ma Rayag Rok e nge pi’ e m’ar ni nge gechignag e salthaw rok, ni gowalngin e gowal u dakenrad e be yik’.

Isaiah 10:12

Machane Somol e ga’ar, “Nap’an ni gu ra mu’nag e n’en gu be rin’ ko Burey ni Zion ngu lan yu Jerusalem, ma bay gu gechignag e emperor nu Assyria ni bochan e ufanthin nge tolngan’ rok.”

Nahum 3:15

Demturug ko mang e ga ra rin’, ma yira’ urfiyem nga mum’ fa ni thangem u fithik’ e mael. Bay ni thirif’em u but’ ni gowa woldug ni languy e asamning! Kam yo’orgad ni bod e asamning!

Mikah 5:6

Miyad maruwel ko saydon rorad ngar koled e nam nu Assyria, nge nam rok Nimrod. Ma yad ra ayuwegdad u pa’ yu Assyria u nap’an ni yad ra yib ni ngar koled tafadad.

Isaiah 11:11

Rofen nem, e ra maruwel Somol nga gelngin nge fulweg e girdi’ rok nga tabinaw, ni pi’in nra magachgad u Assyria ngu Egypt, u lan fare nam nu Pathros ngu Sudan, ngu Elam, ngu Babylonia, ngu Hamath, nge pi binaw u charen e day nge pi donguch u lan e day.

Isaiah 10:5

I SOMOL e ga’ar, “Gu tay yu Assyria nib dumow rog ni nggu gechegnag e pi’in ku gu damumuw ngak.

Isaiah 14:26

Irera’ e n’en ku gu leamnag ni fan ko fayleng, ma pa’ag e ka ba k’iy ni nge gechignag e pi nam.”

Isaiah 37:37

Me chuw Sennakerib ni emperor nu Assyria nge salthaw rok u rom miyad sul nga Nineveh.

Jeremiah 49:33

Yu Hazor bayi par nike daken e ted ni dariy n’umngin nap’an, ni go’ jackal e ri i par riy. Dakriy be’ ni ku ra par bingyal’ u rom. I Gag SOMOL e kugog e pi thin ney.”

Jonah 1:2

Ni ga’ar, “Man nga Nineveh, ni fare binaw nib ga’, ngam welthin nib togopluw ngay; gub na’ab nga feni kireb e girdi’ riy.”

Jonah 3:2

“Mu fal’eg rogom ngam man nga Nineveh, ni fare binaw nib ga’ ngamog lungug ko girdi’ riy.”

Zefaniah 1:4

“Bay gu gechignag e girdi’ nu Jerusalem nge gubin e girdi’ nu Judah. Bay gu thang mit e pi’in ke magey nma meybil ngak Baal u rom, ma fapi prist ni ur pigpiggad ngak, ni dar nanged Got, e dakriy be’ ni yad ra yib ngan’.