Biblia Todo Logo
Bib sou entènèt

- Piblisite -




Titus 2:8 - Bible Ni Thothup

8 Mu welthin ni bfel’ rogon ndabiyag ni nge tay be’ thibngim, nge mang e pi’in yad e to’ogor rom e ra tamra’gad ni fan e dariy ban’en nib kireb nrayag ni ngrogned ni murung’agdad.

Gade chapit la Kopi




Titus 2:8
15 Referans Kwoze  

Ma susun e ngar um pired u fithik’ e pi’in ndar nanged Got ni bfel’ pangimed, ya ngrogned nib kireb e ngongol romed, me Chirofen ni sul Kristus riy miyad nang ni bfel’ e ngongol romed, ma aram miyad yog e sorok ngak Got.


Ya ba’aray e n’en nib m’agan’ Got ngay: ba’adag ni ngam th’abed gulungan e pi’in balyang ndar nanged fan e n’en ni yad be yog, ni ngam th’abed gulungrad ko ngongol ni bfel’ ni gimed be rin’.


Machane ngam rin’ed u fithik’ e sumunguy nge tayfan. Mpired ndariy ban’en ni be methan’med ngay ni ban’en nib kireb ni kam rin’ed, ni fan e nganognimed nga dalib ni aram rogon ni gimed be fol rok Kristus, ma pi’in karogned pangimed ni bfel’ nga dalib e ngar tamra’gad ko thin ni karogned.


En nra machibnag yugu ban’en nde ta’reb rogon ko tin nib riyul’ e thin ni thin rok Somol rodad i Jesus Kristus nge rogon murung’agen ni gadad ma liyor ngak Got


Sana bay be’ u wur ni bay dabi fol ko thin ni kug pi’ed ke yib ngomed u lan e gi babyor ney. Fa’anra bay mi gimed tay fanmediyan rok ngam pired rok u orel, nge mang ir e tamra’.


Ma aram mug ga’ar, “Ba kireb e n’en ni gimed be rin’! Thangri mu folgad rok Got mi gimed rin e n’en ni bfel’. Ma aram e dabi yib e tawey rok e pi to’ogor rodad, ni aram e pi’in gathiyad piyu Israel ni ngar moning niged gadad.


Motoyil ko mang e be yog SOMOL, gimed e pi’in bay madgun romed ma gimed ma fol rok: “Bochan e gimed ba yul’yul’ ngog aramfan ni boch e girdi’ romed e ke dabuymed ni dakriy ban’en ni ba’adag romed. Yad be moning nagmed yad be ga’ar, ‘Mu paged SOMOL nge dag feni ga’ me aywegmed, ya ngug guyed ni kam felfelan’gad.’ Machane yad e bayi m’a’y farad!


Ere kabfel’ u wun’ug ni pi’in ke yim’ figirngirad ma dawor ra pilibthirgad e ngar uned ko mabgol, ngar fakyed e bitir, mu ur ayuweged e tabinaw rorad, ngad guyed rogon ni dabi yib tapgin ni nge yog e pi’in nto’ogor rodad ni gadad ba kireb,


Fulweg rok ngorad e ngongliy e pi to’ogor rok ngar tamra’gad ngorad, ma aram rogon ma urngin e girdi’ ni kar felfelan’gad nga urngin e tin ni bfel’ ban’en nike ngongliy.


Ma nap’an ni nang Jesus nike fulweg fare tamchib ko Motochiyel e thin rok ni bfel’ rogon, me ga’ar Jesus ngak, “I gur e da mmal’af ko gagiyeg rok Got.” Ma aram ma daki ga’aran’ be’ ni ngki fith ban’en ngak Jesus.


Me ga’ar fa en ni tamchib ko Motochiyel ngak Jesus, “Er rogon, tamchib! Mmat’aw e tin ni kamog, ni kemus nri ta’reb e Somol, ni aram Got, ndakuriy reb e Got ngabang, ya kemus nri ta’reb ni ir.


Ma bay ba tamchib ko Motochiyel u rom, nike rung’ag e n’en ni i weliy fa picha’ nge Jesus. Me nang nike fulweg Jesus e n’en ni fith e pi Sadduse ngak ni bfel’ rogon, ma aram me fith ban’en ngak Jesus ni ga’ar, “Bin ngan e motochiyel e ir e th’abi ga’ fan u fithik’ urngin e motochiyel?”


Ma aram me ga’ar Jesus ngorad, “Fa’anra errogon me ere mpi’ed ngak e Emperor nu Roma e tirok’ ban’en, mi gimed pi’ ngak Got e tirok’ Got ban’en.” Me ri yad ngat ngak.


Mu guy rogon e tirodad e girdi’ ngu’ur ngongliyed e maruwel ni bfel’, ya ngar yag niged e tin ndabisiy ni nge yag ngorad ban’en ma ku ra ayuweged boch e girdi’ ngay; ma dab ra pired ni yad be ngongliy e tin ndariyfan.


Swiv nou:

Piblisite


Piblisite