Titus 2:5 - Bible Ni Thothup

⁵ ma nge yag nra t’ared lanin’rad ko tin nde mat’aw ma ngar pired ni yad bmachalbog, ma ngar ngongliyed e maruwel ni bfel’ u tabinaw rorad, ma yad be fol ko thin rok figirngirad, nge dabiyag ni yog be’ nib kireb e thin ni yib rok Got.

Titus 2:5 Referans Kwoze

Kolose 3:18

Pi’in ni ppin, mu folgad ko thin rok pi figirngimed, ya ireray e n’en ni ngam rin’ed nrogon nma rin’ girdi’en Kristus.

1 Timothy 5:10

ma bfel’ murung’agen ko ngongol rok ni ba’aray rogon: i ir be’ ni bpin ni chuguliy pifak ni bfel’ rogon, ma i ayuweg e milekag ni karbad nga tafen, ma i luknag e rifrif u ay e pi’in girdi’en Got ni karbad nga tafen, ma i ayuweg e pi’in ni kar gafgowgad, ma i tiyan’ nga urngin mit e ngongol ni bfel’.

Genesis 3:16

Me ga’ar ngak fare pin, “Bay gu yo’ornag e gafgow rom ko ngiyal’ ni kam diyen, mu gu gelnag e amith ngom ko ngiyal’ ni ngam gargel. Machane bay kum par ni ka ga be yim’ ni bochan e pumo’on rom, ma bayi par ni ir e suwon gur.”

Efesus 5:33

Machane ku be yip’ famed: urngin e pumo’on e thangri t’uf rok leengin ni gowa ir, ma urngin e ppin ni thangri tayfan figirngin.

Acts 9:36

Ma bay be’ ni bpin u Joppa ni Tabitha fithingan, ni be’ nib mich Jesus u wan’. (Mi Dorkas fithingan ko thin ni Greek, ni fan e re ngachal nem e ba gamanman ni dir.) Ma par ni tin ni bfel’ e be rin’ ma be ayuweg e pi’in gafgow.

1 Timothy 6:1

Urngin e pi’in yad e sib e thingar rtafinay niged ni bay rogon ni ngar ted fan e pi masta rorad, ni fan e nge yan i aw ndabiyag ni nge yog be’ bbugithin nib kireb nga fithingan Got nge tin ni gadad be machibnag.

Proverbs 7:11

Re pin nem e der tamdag ma der tamra’, yugu ma yanyan u kanawo’. (

1 Korinth 14:34

e pi’in ni ppin e ngar pired ni kar th’abed gulungrad u lan e mu’ulung ko galesiya i yan; ndab ra welthingad; ni bod rogon ni be yog e Motochiyel rok piyu Israel, ma dab ra gagiyeg niged e mu’ulung rok girdi’en e galesiya.

1 Korinth 11:3

Machane gub adag ni ngam nanged fan ni Kristus e ir e lolugen urngin e pumo’on, ma pumo’on e ir lolugen leengin, mi Got e lolugen Kristus.

Roma 2:24

Ya be ga’ar e babyor nib thothup, “Pi’in gathi yad piyu Israel e yad be yog e thin nib kireb nga fithingan Got ni bochan e ngongol romed piyu Israel.”

Acts 9:39

Ma aram me yib i fal’eg Peter rogon nge mu’ me un ngorow ngranod. Ma fa’ani taw mi ni fek i yan ko fare senggil ni bay ko thal ni lang fare naun. Ma urngin fapi ppin nike yim’ figirngirad nra mu’ulunggad ngak ni kar cholngobiyed, ni yad be yor ma yad be dag ngak yu wu i kenggin e mad nge yu wu i wuru’ e mad ni ngongliy Dorkas ko ngiyal’ ni ba’aram ni kabfos.

Psalms 74:10

A Got, bu uw n’umngin nap’an ni ngi i minmin e pi to’ogor romad ngom? Ngu’ur dariy fanaged fithingam ni manemus?

2 Samuel 12:14

Machane bochan e kam darifannag SOMOL ko tin ni kam rin’, ma aram e nge yim’ fare tir ni fakam.”

Genesis 18:9

Ma aram miyad fith ni lungrad “Bu uw Sarah ni le’engim?” Me ga’ar, “Bay u rom u lan e tent.”

Roma 14:16

Dab mpaged e tin gimed be finey ni bfel’ nge kireb murung’agen.

Titus 2:4

ngak e pi’in nrugod nge yag ni t’uf figirngirad nge pifakrad rorad,