Titus 2:13 - Bible Ni Thothup

¹³ ma gadad be sonnag fare Rran ni bfel’ ni ir e ke l’agan’dad ngay, ni aram e Rofen ni bay yib i m’ug e fla’ab rok e Got rodad riy ni ir e th’abi tolang ni er Jesus Kristus ni ir e ma thapegdad ngak Got.

Titus 2:13 Referans Kwoze

2 Timothy 4:8

Me ere chiney e be son nigeg puluwog ko gel ni kug tay, ni aram fare te’eliyaw ko mat’aw ni ir e bayi pi’ fare Tapufthin nib mat’aw i Somol ngog e Chirofen nem — ni gathi go’ gag, ya bayi pi’ ngak urngin e pi’in nib t’uf Somol rorad ma yad be sonnag ni nge yib i m’ug.

1 Korinth 1:7

ma urngin e tow’ath nma pi’ Got e go’ ke pi’ ngomed, ma gimed be sonnag e Somol rodad i Jesus Kristus ni nge yib i m’ug.

Matthew 16:27

Ya en ni Fak e Girdi’ e bay yib ni yad e pi engel rok ni be galgal ram’en ni bod e Chitamngin, me pi’ puluwon urngin e girdi’ nra be’ ma rogon puluwon ko tin ni rin’.

Titus 1:2

ni murung’agen e yafos ndariy n’umngin nap’an ni ir e nge l’agan’uy ngay. I Got nder ma ban e turguy e re yafos ney ndariy n’umngin nap’an ni nge pi’ ngodad ko ngiyal’ ndawori sunumeg e fayleng riy,

Mark 14:62

Me fulweg Jesus ni ga’ar, “I gag; ma gimed gubin ni bay mu guyed e en ni Fak e Girdi’ nike par nga but’ u ba’ ni mat’aw rok fa’anem ni Gubin ma Rayag Rok ni be yib u lanelang i yib nga but’ ni yow e manileng!”

Hebrews 9:28

Ere aram rogon ni Kristus e ku ni pi’ ni maligach nri ta’ab yay ni nge chuweg e denen rok bo’or e girdi’. Ma bayi yib i m’ug ko yay ni nge man e l’agruw yay ngay, ni gathi fan ko denen, machane bochan e nge thapeg ngak Got e pi’in yad be sonnag.

2 Peter 3:18

Machane Somol rodad i Jesus Kristus ni ir e ke thapegdad ngak Got e ngi i ayuwegmed ngu’um mon’oggad i yan ma gimed be nang i yan; ni ir e ngu’un tayfan e chiney i yan ngam’on ndariy n’umngin nap’an! Amen.

2 Korinth 4:4

Der mich u wun’rad ni bochan e fare kan nib kireb nu roy u fayleng e ke tay lanin’rad u fithik’ e lumor. Ya ke ta’rad ndab ra guyed ram’en fare tamilang ni be mat nga dakenrad, ni fare tamilang ni be yib ko fare Thin Ni Bfel’ ni murung’agen e fla’ab rok Kristus, ni Kristus ni ir e ri ta’reb rogorow Got.

Roma 15:13

I Got ni ir e ma pi’ e pagan’ e nge suguymed ko felfelan’ nge gapas u daken e michan’ romed ngak, nge yag ni i ilal e pagan’ romed ngak u gelngin fare Kan Nthothup.

Roma 5:5

Re pagan’ ney e dabi m’ing lanin’dad riy, ya Got e ke pu’og e t’ufeg rok nga fithik’ i lanin’dad u daken fare Kan Nthothup, ni ir e tow’ath rok Got ngodad.

2 Peter 1:1

Re babyor ney e yib rok Simon Peter, ni ir reb e tapigpig me ir reb e apostel rok Jesus Kristus — Ngak e pi’in nu daken e mat’aw rok Got rodad nge Jesus Kristus ni ir e ma thapeg e girdi’ ngak Got e ke yag riy ngorad e michan’ nta’reb rogon feni ga’ fan ko biromad e michan’:

1 Peter 1:7

Fan e pi gafgow ney e nge micheg nriyul’ nib mich Got u wun’med. Mus ko gol ni ban’en nrayag ni ngan kirebnag ma yima sikengnag ko nifiy; ere ku errogon e michan’ romed ngak Got, ni ban’en ni kab tolang puluwon ko gol, e ku errogon nthingar ni sikengnag, ni fan e nge yag ni par. Ma aram e ranog e sorok ngomed, me yag e fla’ab ngomed min tay famed ko fare Rran nra yib i m’ug Jesus Kristus riy.

1 Peter 1:3

Ngad pininged e magaer ngak Got ni ir e Chitamngin e Somol rodad i Jesus Kristus! Ya bochan e ri be runguydad me pi’ e yafos nib be’ech ngodad ni fan e faseg Jesus Kristus ko yam’. Ireray fan ni kad nanged ni tin ke l’agan’dad ngay e bay yib i m’ug nib riyul’,

2 Timothy 4:1

Ri gu be ta’chiylen ngom u p’eowchen Got nge Kristus Jesus ni ir e bayi pufthinnag urngin e girdi’, ni pi’in kayad bfos nge pi’in karm’ad: ere bochan e wub rok nge gagiyeg rok ma aram fan ni gu be ta’chiylen ngom

2 Korinth 4:6

Fare Got ni ir e yog ni ga’ar, “Nge m’ug e tamilang u fithik’ e lumor!” e ku ireram e re Got ni ir e ke tamilangnag an’mad kug nanged e fla’ab rok ni be gal ram’en u owchen Kristus.

Acts 24:15

Ma ta’reb rogon e l’agan’ ni gu be tay ngak Got ko l’agan’ ni be tay e pi cha’ney ngak, ni aram e be l’agan’mad ngak Got ni bayi faseg urngin e girdi’ ko yam’, ni tin ni bfel’ nge tin nib kireb.

Mark 8:38

Ere fa’anra tamra’ be’ ni bochag nge n’en ni gu be fil ngak e girdi’ ko ngiyal’ney ndakir mich Got u wan’ e girdi’ ma yad be rin’ urngin mit e kireb, e ku ra tamra’ e en ni Fak e Girdi’ ngak ko ngiyal’ nra yib riy ni yad e pi engel rok Got ni be galgal ram’en ni bod e Chitamngin.”

Revelation 1:7

Mu sapgad, bay yib ngodad u daken e manileng! Ma gubin e girdi’ ni bay ra guyed, nib mu’un e pi’in nra kurfed p’eyon ngay. Ma urngin girdi’en e pi nam nu roy u fayleng e bay ra yorgad ni ba ga’ lamrad ni bochan. Rib muduwgil ni aray rogon! Amen.

Titus 3:4

Ma fa’ani m’ug e runguy nge t’ufeg rok Got ni ir e ma thapegdad ngak Got,

Kolose 3:4

Bin riyul’ e yafos romed e aram Kristus, ma ngiyal’ ni bay sul riy nge yib i m’ug, e ku er rogomed ni bay mu uned ngak ngambad mm’uggad u ta’bang mi gimed un ko fla’ab rok!

Kolose 1:23

Thingar um pired ni gimed ba yul’yul’ ma gimed bmuduwgil ko n’en nike michan’med ngay, ma dab mpaged gimed nge maruwaran’med ko n’en ke lagan’med ngay, ni yag ngomed ko ngiyal’ ni mu rung’aged fare Thin Ni Bfel’. I gag Paul e gu mang reb e tapigpig ni bochan e re Thin Ni Bfel’ ney — nre Thin Ni Bfel’ ney ni kan machibnag ngak urngin e girdi’ u fayleng.

Isaiah 25:9

Nap’an nra yodrom, ma gubin e girdi’ ni bayi ga’ar, “Ir e Got rodad! Kad ted e pagan’ rodad nga daken, ma ke aywegdad ni de buch ban’en rodad. I ir e SOMOL! Kad ted e pagan’ rodad nga daken, ma chiney e kad felfelan’gad ma kad ufgad ni bochan e ke ayuwegdad.”

1 John 4:14

Ma kad guyed ma ka dogned ngak yugu boch e girdi’ ni en ni Chitamangiy e l’oeg Fak nge yib ni ir e en ni nge thapeg e girdi’ nu fayleng ngak Got.

Kolose 1:5

Ngiyal’ ni som’on ni yib e thin rok Got nib riyul’ ngomed, ni ir fare Thin Ni Bfel’, ma mu rung’aged e n’en ni be yog nra pi’ ni ir e nge lagan’uy ngay. Ere rogon nib mich Kristus u wun’med nge rogon nib t’uf Got nge girdi’ romed e yib ko n’en nike lagan’med ngay, ni ir e be cha’riy Got u tharmiy ni fan ngomed.

Matthew 26:64

Me fulweg Jesus ngak ni ga’ar, “Bod rogon ni kamog. Machane nggog ngomed ni gimed gubin ni nge lungug: chiney i yan ngam’on e bay mu guyed e en ni Fak e Girdi’ nike par nga but’ u ba’ ni mat’aw rok fa’anem ni Gubin ma Rayag Rok, ni be yib u lang nga but’ ni bay u daken e manileng!”

Matthew 25:31

“Ngiyal’ nra yib e en ni Fak e Girdi’ riy nike pilung, nike un urngin e pi engel ngak, e bayi par nga tagil’ nib pilung,

2 Thessalonika 2:16

Somol rodad i Jesus Kristus nge Got ni ir e Chitamangidad, ni gamad ba t’uf rok e ir e ke runguydad ke ayuwegdad, ya ke pi’ e m’uthan’ ngodad nge reb e pagan’ nib muduwgil ni bay i par ndariy n’umngin nap’an,

2 Thessalonika 2:8

Ma aram e bay m’ug Fa’anem nib Kireb, mi Somol Jesus e bayi pag athon l’ugun ngak nge li’ ngem’ me kirebnag nga ram’en nib galgal ko ngiyal’ nra yib riy.

Kolose 1:27

Ya ba’aray rogon ni leamnag Got: i leamnag ni nge nang e girdi’ rok e tin immoy nda nnang, ni fare n’en nrib fel’ ni bay rok ni fan ngak girdi’en urngin e nam. Ere ren’em ni immoy nda nnang e ba’aray: Kristus e bay u fithik’med, ni fan e ren’ey e aram e gimed ra un ngak Got ko fla’ab.

Roma 8:18

Gu be tafinaynag ni gafgow ni gadad be tay e chiney e dabi chuchugur ni nge ta’reb rogon ko fla’ab ni dawor da guyed ma be son nagdad.

1 Timothy 1:1

Re babyor ney e yib rok Paul ni ir reb e apostel rok Kristus Jesus. I Got ni ir e ma runguydad nge thapegdad ngak nge Kristus Jesus, ni ir e ke l’agan’dad ngak e ra turguyew ni nge mang reb e apostel —

2 Timothy 1:2

Ngak fakag i Timothy nib t’uf rog ni be lungug: I Got ni Chitamangiy nge Kristus Jesus ni Somol rodad e ngu’ur ayuwegew gur ma yow be runguyem ma yow be pi’ e gapas nga lanin’um.

Titus 1:4

Gu be yol ngak Titus, ni en nriyul’ ni fakag u fithik’ e michan’ romow ngak Kristus ni be lungug: I Got ni Chitamangiy nge Kristus Jesus ni ir e ma thapegey ngak Got e ngu’ur ayuwegew gur ma yow be pi’ e gapas nga lanin’um.

Jude 1:21

um pired ni gimed bt’uf rok Got, ma gimed be sonnag e Somol rodad i Jesus Kristus ni nge pi’ e yafos ndariy n’umngin nap’an ngomed ni bochan e be runguymed.