Titus 1:6 - Bible Ni Thothup

⁶ en ni ir reb e pi’ilal ko galesiya e dabisiy ni be’ nib yal’uw; ma dabisiy ni ri ta’reb e bpin rok, ma pifak e dabisiy nib mich Kristus u wun’rad ma de kireb thirad ko yanyan ni yad be tay ara reb e darir folgad.

Titus 1:6 Referans Kwoze

1 Timothy 3:12

Be’ ni ngi i ayuweg e galesiya e thangri par ni ta’reb e bpin rok, ma nge yag ni gagiyegnag e bitir rok nge girdi’en e tabinaw rok ni bfel’ rogon.

Titus 1:10

Ya pire’ e girdi’ ni kar togopluwgad ko re thin ney karban niged boch e girdi’ ko tin ndariyfan ni yad be weliy, ni ba ga’ ni pi’in karbad ngodad ni ka yad be fek yalen piyu Israel.

Efesus 5:18

Dab mu balyanggad ko wayin, ya ra kireb nagmed; machane nge sug nagmed fare Kan Nthothup.

Ezekiel 44:22

Dariy reb e prist ni nge le’engiy be’ nike chuw ko pumo’on rok; dabisiy ni nge le’engiy be’ ni bpin nu Israel ni be’ ni denang e pumo’on fa be’ nike yim’ figirngin nib prist.

Levitikus 21:7

Be’ nib prist e dabi le’engiy be’ ni bpin ni ki’i pi’ ir nchuway’, fa be’ ni bpin nike nang e pumo’on, fa be’ ni bpin nike chuw ko mabgol rok; ya fare prist e ba tabgul.

1 Thessalonika 5:14

Gamad be wenig ngomed, pi walagmad ni girdi’en Kristus, ni ngam nonod ngak e pi’in yad bmalmal ndarir ngongliyed ban’en ngar paged e binem e pa’, mi gimed pi’ e athamgil ngak e pi’in yad be rus, mi gimed ayuweg e pi’in yad mme’waer, mu um pired nib gum’an’med rok urngin e girdi’.

Luke 1:5

Ngiyal’ i n’en ni ba’aram ni Herod e pilung u Judea, e immoy ba prist ni Zakariah fithingan, ni ir reb e tirok’ Abiah e prist. Ma fithingan e bpin rok e Elisabeth, ni ku ir be’ ni yib u ba tabinaw ni ba’aram nma yib e prist riy.

Proverbs 28:7

Pi’in pagel nma fol ko motochiyel e ba llowan’, machane pi’in ma m’ag fager ko girdi’ ni dariy ban’en ni bfel’ ngay e yadra k’artamra’ ko gallabthir rorad.

1 Samuel 2:22

Re ngiyal’ i n’em e kari pilibthir Eli, ma ka be rung’ag urngin ban’en ni be ngongliy fa gali pumo’on ni fak ngak piyu Israel, ni mus ngak e ppin ni yad ma maruwel u langan e garog ko fare Tent u p’eowchen SOMOL ni yow be moleg.

1 Samuel 2:11

Ma aram me sul Elkanah nga tafen nga Ramah; me par fachi pagel ni fak u Shiloh, ngi i pigpig ngak SOMOL u tan pa’ Eli ni prist.

Levitikus 21:14

ma gathi be’ ni bpin nike yim’ figirngin fa be’ ni bpin nike chuw ko pumo’on rok ara be’ ni bpin ni i pi’ ir ni chuway’. Thangri le’engiy be’ ni bpin ni dawri nang e pumo’on ni yow nga ta’ab ke girdi’.

Genesis 18:19

Kug mel’eg ni fan e nge ta’chiylen ngak pifak ni pumo’on nge pi’in owchen ni ngu’ur folgad ko tin kugog, ni aram e ngu’ur rin’ed e tin nib mat’aw nge tin nib yal’uw. Ma aram e ra gu rin’ ngak urngin e tin kugog ni bay gu rin’ ngak.”

Malaki 2:15

Gathi Got e taymew ni kam ta’ab dowefgow ma ta’reb lanin’mew? Mangfan ni yodrom nag? Bochan e ngam diyen niged e bitir, ni bitir nriyul’ ni girdi’ rok Got. Ere mu ted u gil’ e n’en nim micheged ngak pi le’engimed ni dabi thil.

1 Timothy 1:9

Machane thangri dab ni pag talin ni pi motochiyel e ni ngongliy ni gathi fan ngak e girdi’ ni bfel’, ya fan ngak e pi’in yad ma th’ab e motochiyel nge pi’in yad ma togopluw ko motochiyel, nge pi’in ndariyfan Got u wun’rad ma yad be ngongliy e tin nib kireb, nge pi’in ndarir liyorgad ngak Got nge pi’in ndariy ban’en nib thothup u wun’rad, nge girdi’ ni kar thanged e pogofan rok e chitamangirad ara chitiningrad, ma fan ngak e pi’in yad ma thang e pogofan ko girdi’,