Tang Ko Pitang 7:5 - Bible Ni Thothup

⁵ Ba puw owchem ngalang ni bod e burey ni Karmel. Piyan lolgem ni kan l’ang e be gal ra’en ni bod e bin th’abi fel e satin; feni gamog e rayag ni kal nga adin ba pilung.

Tang Ko Pitang 7:5 Referans Kwoze

Isaiah 35:2

Ted ni desert e bayi tang ma be tolulnag e felfelan’; bayi bod feni fel’ ya’an e Burey nu Lebanon, ma ba yong’ol e but’ riy ni bod e ted u Karmel ngu Sharon. Gubin e girdi’ ni bayi guy e muluplup rok SOMOL, nge feni ga’ nge feni gel gelngin.

Tang Ko Pitang 4:1

Adag rog, ri gab pidorang! Be galgal e adag u marwam u fon fagi mad u owchem. Ma piyan lolugem e be churu’ ni bod ba ran’ i kaming ni be og i yib nga pe’ning ko fapi burey nu Gilead.

Revelation 1:14

Ma piyan lolugen e ba wechwech ni bod bunu’en e saf, ara ayis nma mul u lang nga but’, ma lan mit e be gal ram’en ni bod e daramram u ba nifiy;

Kolose 2:19

ma ke tal ndaki chichiiy pa’ ku Kristus, ni ir e llug. I Kristus e be gagiyegnag fare dowef ni polo’, ma ir e be duruw’iy, ma ul ul riy i yan nge m’agan e ul ul riy e ke tay nib chayem nga ta’bang, ma be ilal nrogon ni ba’adag Got ni nge ilal.

Kolose 1:18

I Kristus e llug u downgin, ni aram girdi’en e galesiya; ni ir e be tay e re dowef nem nib fos; ir e bin ni m’on i Fak Got ni Got e faseg ko yam’ ndabki yim’, ni bochan e kemus ni ir e nge par nib m’on u gubin ban’en.

Efesus 1:22

I Got e ke tay urngin ban’en nga tan e rifrif u ay Kristus, ma ke pi’ Jesus ngak e galesiya, ni ir e nge mang Pilung ni ga’ u urngin ban’en.

Matthew 28:20

mi gimed fil ngorad rogon ni ngu’ur folgad u gubin e tin kugog ngomed ni ngu’um rin’ed. Ma dab mpaged talin ni gubin ngiyal’ ma gu bay romed, nge yan i mada’ nga tomuren e fayleng.”

Matthew 18:20

Ya gin nra gak l’agruw fa dalip ni’ ngay u fithingag, e aram e gu bay rorad ko gin’em.

Mikah 7:14

SOMOL, mu par ni ga bod ba tagafaliy e saf u puluwon e tirom e girdi’, ni fapi girdi’ ni gur e kam mel’egrad. Yug aram rogon ni yad be par u ted, ma bay e but’ nib yong’ol ni ba liyegrad. Mu pagrad ngranod ra abich gad nga Bashan nggu Gilead nib yong’ol, ni bod ni ur rin’ed kakrom.

Tang Ko Pitang 5:11

Lolgen e bod e bin th’abi fel’ e gol; ma piyen lolugen e ba m’ingm’ing’, ni ba galunglung ni gowa ba arche’ ni gapluw.

Tang Ko Pitang 1:17

cedar e bay i mang ren e naun rodow, ma gek’iy ni cypress e nge mang tenjo riy.

Psalms 87:2

kab t’uf rok e binaw nu Jerusalem ko pi binaw ni bay u Israel.

Psalms 68:24

A Got, yigo’ kan guy fare thelap rom nike sul ko mael nike gel, ni aram fare thelap rok Got, ni pilung rog, ni be yan ngalan tagil’ nib thothup.

Genesis 32:26

Me ga’ar fare mo’on, “Mpageg nggu wan, ya ke yib e tamilang.” Machane me ga’ar Jakob, “Fa’anra dab mu fal’eg wa’athag, ma dab gu pagem ngam man.”

Proverbs 5:19

ma ba pidorang nib sumnguy fel’ngin ni bod e deer. Ngam par ni gab felfelan’ nga fel’ngin; mu pag nge longbiyem e t’ufeg rok.

Numbers 21:26

Heshbon e tafen e pilung ko Amorite ni aram Sihon ni Pilung, ni fa’ani cham ko fabin ni immoy e pilung u Moab nge kol urngin e binaw rok ni ga’ngin ni yan nge mda ko Lul’ nu Arnon.

Tang Ko Pitang 4:4

Blel’ugnam e bod e wulyang ku David, nib pulpulo’ ma ba pach, ni bay bikiy i churwa’ ni be gafgaf riy ni bod rogon bbiyu’ yang i shield.