Tang Ko Pitang 6:2 - Bible Ni Thothup

² En ni gamareg e ke yan ko milay’ rok, ko gin ma tugul e gek’iy ni balsam riy. Be durwi’iy e gamanman rok u milay’ ma be kunuy e flores ni giyab.

Tang Ko Pitang 6:2 Referans Kwoze

Tang Ko Pitang 5:13

Linglingin e bod feni fel’usun bang i milay’ nib sug ko herbs nge spices. Dap’iligun e bod e floras ni giyab, nib monur ko myrrh nib renran.

Revelation 7:17

ya fare Fak e Saf ni bay u lulukngun i tagil’ e ir e bay i gafaliyrad ni bod e en nma gafaliy e saf, me pow’iyrad ko fapi alublub ni bay e ran ko yafos riy; ma bay n’ag Got e lu’ u owcherad.”

John 17:24

“Chitamag! Kam pi’rad ngog, ma gub adag ni ngar pired rog ko gin ni gu bay riy, nge yag nra guyed e fla’ab rog, ni fare fla’ab ni mpi’ ngog; ya dawor ni sunumeg e fayleng, ma gu be par ni gub t’uf rom.

John 14:3

Ma nap’an ni gu ra yan gu ngongliy tagil’med, ma bay gu sul nggu fekmed, ni aram e bay um pired ko gin ni gu bay riy.

Matthew 28:20

mi gimed fil ngorad rogon ni ngu’ur folgad u gubin e tin kugog ngomed ni ngu’um rin’ed. Ma dab mpaged talin ni gubin ngiyal’ ma gu bay romed, nge yan i mada’ nga tomuren e fayleng.”

Matthew 18:20

Ya gin nra gak l’agruw fa dalip ni’ ngay u fithingag, e aram e gu bay rorad ko gin’em.

Zefaniah 3:17

Fare SOMOL ni Got romed e be par romed; ni gelngin e be gel nagmed. Bayi felfelan’ SOMOL ngomed, ma fithik’ e t’ufeg rok e bayi pi’ reb e yafos nib be’ech ngomed. Bayi tang ma be felfelan’ ngomed,

Ezekiel 34:23

Bay gu pi’ ngorad ba pilung ni bod e tapigpig rog i David nge par ni go’ ir e ngi i gafaliyrad, ma bay i ayuwegrad.

Isaiah 61:11

I SOMOL ni Th’abi Tolang e bayi ayuweg e girdi’ rok ni bod feni muduwgil nma tugul e awoch nge ga’. Ma urngin e nam ni bayi pining e sorok ngak.

Isaiah 58:11

Ma gubin ngiyal’ ni bay ug pow’iymed, me felan’med ko pin’en ni bfel’ ni bay gu pi’ ngomed. Mu gu taymed ni gimed ba gel ma dariy e liliy romed. Gimed ra bod ba milay’ ni pire’ e ran riy, ma bod ba alublub nder ma m’ay e ran riy.

Isaiah 57:1

Girdi’ nib mat’aw e ra yim’, ma dariy be’ ni manang fan ara i lem nag. Machane yad ra yim’ ma dakuriy ban’en ni ra buch rorad.

Isaiah 40:11

Bay i ayuweg fa ran’ i saf rok ni bod rogon be’ nma gafaliy e saf; bayi kunuy fapi fak e saf nga ta’bang, ngi i fekrad nike dibeyrad; bayi pow’iy e pi chitiningrad nib saf’og.

Tang Ko Pitang 6:11

Ku gub nga p’ening u fithik’ e gek’iy ni keal ni ngguy e gek’iy ni kafni for u loway, mug guy yuwan e grape ni kafni sum nge mak’uf ko pomegranate.

Tang Ko Pitang 4:12

Athibon an’ug, ma male’ rog, e ba milay’ nib ling, ba milay’ ni ka ni rungrunguy, ba alublub ni go’ gag ngay;

Tang Ko Pitang 2:16

Adag rog e ba milfan ngog, ma bmilfag ngak. Ma durwi’iy e gamanman rok u fithik’ e floras ni giyab,

Tang Ko Pitang 4:5

Thuthum e bod e gazelle, ni gowa l’agruw i deer ni athlog ni yow be kay e pan u fithik’ e floras ko giyab.

Tang Ko Pitang 4:16

Nifengin e lel’och, mu od. Nifengin e yimuch, mu tanfengnag e milay’ rog; ma ga sugnag fithik’ e nifeng ko fel’ bon. Mu pag gamareg nge yib ko milay’ rok nge kay e tin thabi fel’ u wom’ngin.

Tang Ko Pitang 5:1

Kagub ngalan e milay’ rog, male’ rog, ma athibon an’ug. Gu be kunuy e pi spices rog nge myrrh; gu be kay e honeycomb nge honey rog; ma gu be unum e wayin rog nge milik. Gal fager mu abichgow migimew be garbod nge mada’ ko ngiyal’ ni ka mu chinggow ko adag romew.