Tang Ko Pitang 6:10 - Bible Ni Thothup

¹⁰ Mini’ e ray nra changar ma bod ni be puf e woch? Rib pidorang ma ba gal ra’en, ni be maluplup ni gowa yal’ ara pul.

Tang Ko Pitang 6:10 Referans Kwoze

Tang Ko Pitang 6:4

Adag rog, rigab pidorang ni bod fel’ngin yu Jerusalem, ma bfel’usum ni bod fare binaw nu Tirzah, ga bod e pi binaw ni felel’, ni be un e fan rog ngom.

Revelation 12:1

Ma aram me m’ug reb e pow ni ba ga’ u lan e tharmiy, ni be’ ni bpin, ni mad rok e yal’ ma ba’ e pul u tan e rifrif u ay, ma ke te’eliyaw nga ragag nge l’agruw i t’uf.

BABYOR NI JOB 31:26

Dawor gu meybil ko yal’ ni be mat ra’en, ara pul nike yan i fel’ ram’en.

Revelation 22:5

Ma dakuriy e neap’, ma bayi par ndakuriy fan e magal ngorad ara ra’en e yal’, ni bochan e Somol ni Got e bayi mang tamilang ngorad, ma aram e bay ra pired ni kar manged pilung ngu’ur gagiyeggad ndariy n’umngin nap’an.

Revelation 10:1

Ma aram mu ku gguy reb e engel nib gel nike yib u tharmiy nga but’, ni bangi manileng e mad rok, ni ba longob ba ragim nga lolugen; ma owchen e bod lan mit e yal’, ma ay e bod ruw pa’ i nifiy.

Efesus 5:27

ni fan e nge yag ni pi’ e re galesiya nem ngak nrib gamog, ma bmachalbog ma dariy thibngin, ma dariy bochi yang i alit riy ara bang nike mu’dul, ara bang riy nde fel’.

Matthew 17:2

Ma nap’an ni yad be changar ngak me thil ya’an: me galgal owchen ni bod feni galgal mit e yal’, me wechwech e mad rok ni bod ram’en e yal’.

Isaiah 58:8

“Mi gimed fel’ u wan’ug ni bod ram’en e yal’ ni gal nga dakenmed ni kadbul, me papey nge fos e yungi n’en nike maad’ad u dowmed. Ma aram e gubin ngiyal’ ni bay ug par romed ngu’ug ayuwegmed; i gag ni gu bay romed e bay gu mang yoror ngomed.

Tang Ko Pitang 3:6

Be mang e biney ni be yib u daken e ted ni desert ni bod ba rumog ni ath, nib boni incense nge myrrh ni bfel’ bon, ni fare incense nni chuw’iy ko pi tachuway’?

2 Samuel 23:4

e bod e woch ni be puf ni kadbul ndariy e manileng u lanelang, ma bod e yal’ nma yib ram’en nga daken e pan u tomuren e n’uw me galgal.”

Revelation 22:16

“I gag Jesus e kug l’oeg e engel rog ke yib ni nge weliy e pin’ey ngomed e pi’in ni gimed girdi’en e pi galesiya. I gag fa’anem ni owchen e tabinaw rok David; mi gag fare fasuran ni ba ga’ ram’en.”

Revelation 21:23

Ma re binaw nem e dariyfan e yal’ ara pul ni nge gal’ daken, ya ram’en Got e be gal’ daken, ma fare Fak e Saf e ir e magal riy.

Roma 8:37

Danga’, cha’nem ni gadad ba t’uf rok e ir e ke pi’ gelngidad kad gelgad u fithik’ e pin’ey ni gubin!

Matthew 13:43

Ma tirok’ Got e girdi’ e bayi gal rama’erad ni bod e yal’ ko gin ni Chitamangirad e be gagiyegnag. Ere mmotoyilgad ni fa’anra bay telmed!

Malaki 4:2

Machane gimed e pi’in gimed be fol rog e rayib gelngig nma ayuwegey nga dakenmed ni bod ram’en e yal’, me gol nagmed. Ra puf mat’awmed ma gimed ra felfelan’ ni bod rogon pifak e garbaw nni bing e chum rorad ngranod nga wuru’.

Hosea 6:5

Ere kug l’oeg e pi profet rog ngomed ni ngrogned ngomed murung’agen e pufthin nge gechig. N’en ni gu ba’adag ni ngam nanged e mmom ma ba tamilang:

Isaiah 63:1

“Mini’ e cha’nem ni be yib u Bozrah ko binaw nu Edom? Mini’ e cha’nem nike yin’ e mad ni row nrib gamog, ni be yib ni bay gelngin nib gel?” Ir SOMOL ni bay gelngin nira ayuw, nike yib ni nge yog nike gel.

Tang Ko Pitang 8:5

Mini’ e re rugod ney ni be yib u daken e ted i yib, ni yow ba mokol pa’ef e en ni gamaren? U tan fare ke arfath e ug pugem riy, ko gin nni gargel nigem riy.

Proverbs 4:18

Fare pa’ i kanawo’ nma yan e girdi’ nib mat’aw u daken e bod e yal’ ni nge m’ug, ni be ga’ ra’en i yan nge mada’ ko ngiyal’ ni kari rran.

Psalms 14:5

Machane bay ra m’ad ko marus, ya Got e be par rok e pi’in yad be folwok rok.

BABYOR NI JOB 11:17

Yafos rom e bay i ga’ ra’en ko yal’ ni misiw’, ma pi awa nth’abi lumor u lan e yafos ra gal ram’en ni bod ni puf e woch’.

Revelation 1:16

Ma bay medlip i t’uf u lan e ba’ ni mat’aw i pa’, me m’ug ba saydon u l’ugun ni l’agruw raba’ ma mm’uth. Ma owchen e bod owchen e yal’ ni misiw’.

Tang Ko Pitang 1:15

Adag rog, ri gab pidorang; be gal ra’en e adag u lan marwam!