Tang Ko Pitang 5:16 - Bible Ni Thothup

¹⁶ Rib athib l’ugun ni yira kiss nag; gubin ban’en ni rarogon ma kagum’ ni bochan. Ppin nu Jerusalem, irera’ rogon e en gamareg.

Tang Ko Pitang 5:16 Referans Kwoze

Psalms 45:2

Gur e th’abi picho’ay u fithik’ e pumo’on; ma ri ga ba salap ko welthin. Gubin ngiyal’ ni be tow’ath nigem Got.

Tang Ko Pitang 7:9

ma langam e bod e bin th’abi fel’ e wayin. Ere mu pag e wayin nge map’ nib puluw ko en gamareg, nge map’ nga daken dap’ilugun nge nguwalen.

James 4:4

Gimed e pi’in nda myul’yul’gad ngak Got! Da mu nanged ni fa’anra mfagergad ko fayleng ma aram e kam manged to’ogor rok Got? Cha’ nra finey ni nge mang fager rok e fayleng e aram e ke tay ir ni ir e to’ogor rok Got.

James 2:23

Me yib i m’ug nib riyul’ fa gin’en ni bay u lan e babyor nib thothup ni be ga’ar, “I Abraham e i par nib mich Got u wan’, ma bochan e michan’ rok ngak Got me matha’eg Got ngak nike mang be’ nib mat’aw.” Me pining Got Abraham ni ga’ar “Abraham ni fager rog.”

Filippi 3:8

Ni gathi kemus ni pin’em; ya urngin ban’en ma kug matha’eg ngay ni kari yan i aw ni lus ni bochan e bin ni kab ga’ fan e nggu nang Kristus Jesus ni ir e Somol rog. Bochan Kristus ma aram fan ni kug n’ag urngin ban’en; ya kug finey ni go’ chabung, ni fan e nge yag Kristus ngog,

Galatia 2:20

ere gathi ka gag e gu be par ni gub fos, yi Kristus e ir e be par nib fos u fithik’ag. Ma re pangin ni gu be par riy e chiney e kug par riy ni bochan e ke michan’ug ngak e en ni Fak Got, ni ir e gub t’uf rok ma ke pi’ e pogofan rok ni fan ngog.

Hosea 3:1

Me non SOMOL ngog bayay ni ga’ar, “Mman ngam t’ufeg fare pin nike th’ab e motochiyel ko mabgol be iling. Ma ga t’ufeg ni bod rogon ni ku gu be t’ufeg piyu Israel, ni yugu aray rogon ni kar pi’ed keru’rad ngog ke t’uf rorad yugu boch e got ma kar adaged ni ngu’ur pi’ed e raisin ni maligach ngorad.”

Jeremiah 15:16

Mu non ngog, mu gu rung’ag urngin bug e thin ni mog. SOMOL ni Got ni Gubin ma Rayag Rok, i gur e mmil suwog ngom, ere thin rom e be fal’eg lanin’ug ma be pi’ e felfelan’ ngog.

Jeremiah 3:20

Machane ri bod be’ ni bpin ni de yul’yul’ ko mabgol rok, aram rogon gur ni dam yul’yul’ ngog. I Gag, SOMOL, e gu be non.”

Tang Ko Pitang 6:3

En ni adag rog e ba milfan ngog, ma ba milfag ngak; be durwi’iy e gamanman rok u fithik’ e giyab.

Tang Ko Pitang 2:16

Adag rog e ba milfan ngog, ma bmilfag ngak. Ma durwi’iy e gamanman rok u fithik’ e floras ni giyab,

Tang Ko Pitang 2:3

Bod rogon bake arfath u fithik’ e gek’iy u loway, aram rogon e an gamow ni yira ta’rebnag ko pi pumo’on. Adagen an’ug ni ngu par nga taglul’en, ma wom’ngin e ba athibthib u langag.

Tang Ko Pitang 2:1

I gag e kemus ni gu ba floras u ma’pan u Sharon, ni floras ni giyab nu loway.

Tang Ko Pitang 1:16

Gamareg to’, ri gab picho’ay; ni ri gama felfelan’ nigeg! Pan ni galunglung e nge mang tagil’dow;

Tang Ko Pitang 1:2

Dep’ilugnam e ke tharayeg ko kiss; adag rom e kabfel’ ko wayin.

Psalms 148:13

Yad urngin ni ngar pininged e sorok nga fithingan SOMOL. Fithingan e ir e th’abi ga’ u fithik’ urngin e ngachal; ma feni sorok e ba tolang ko fayleng nge tharmiy!

Psalms 119:103

Rib athib lamen e thin rom ni ku gu ri’; kab athib ko honey!

Psalms 89:6

SOMOL, dariy be’ u tharmiy ni bod gur; dariy reb e pi chon e tharmiy ni ta’reb rogon ngom.

Psalms 19:10

Ya motochiyel rok e kabfel’ u wun’ug ko gol, ni mus ko tin th’abi fel’ e gol kab athibthib ko honey, ni honey ndawor ni athkuy ban’en ngay.

2 Samuel 1:23

“Saul nge Jonathan e ri yow bfel’ ma yow ba t’uf; u ranow u ta’bang ko biney e tamilang, ma ku ra m’ow u ta’bang. Yow ba machreg ko arche’ ni eagle, ma yow ba gel ko layon!

Tang Ko Pitang 1:5

Pi’in ppin nu Jerusalem, gu ba lumor machane gub pidorang, ni gub lumor ni bod e pi tent u daken e ted u Kedar, machane fel’ngig e bod e kateng ko naun rok Solomon ni tafen e pilung.

Tang Ko Pitang 4:3

Dap’il’ugnam e bod bang i mad nrow; ma kabfel’ boch ya’an ni ga ra non. Be galgal ra’en linglingim u fon fare gi mad u owchem.