Tang Ko Pitang 2:8 - Bible Ni Thothup

⁸ Kug rung’ag laman e en ni gamareg. Nike yib ni be mil u daken e pi burey, ni kemus macharngin ni be th’ab e pi ted i yib ngog.

Tang Ko Pitang 2:8 Referans Kwoze

John 10:27

Saf rog e yad ma rung’ag lungug, ma gum nangrad, ma yad ma lekeg.

Revelation 3:20

Mmotoyil! Kug sak’iy nga langan e mab gu be tugtuguy; ma fa’anra rung’ag be’ lungug me bing e mab, mra gub ngalan e naun rok nggu un ngak ko abich, me un ngog ko abich.

John 3:29

Re mo’on ni nge mabgol e aram e cha’ nib mil suwon ngak e re pin ni nge le’ay; ma re mo’on ni fager rok fare mo’on ni ir e nge mabgol e ba sak’iy u to’oben ni be motoyil, mra rung’ag laman fare mo’on ni nge mabgol me felfelan’. Ireray rogon e felfelan’ rog nike yan i aw ngarogon.

Isaiah 52:7

Rib falan’uy ni ngan guy ba tamal’og ni be yib u daken e pi burey i yib, nike fek e thin ni bfel’ i yib, ni murung’agen e gapas! Nge yib i yog nib ga’ laman ni kan gel me ga’ar ngak Zion, “Got rom e ir e pilung!”

Tang Ko Pitang 2:17

nge taw ko ngiyal’ nike yib nifngen e kadbul ma ke chuw e lumor. Mu sul to’, ni bod ba gazelle, ma bod rogon ba fak e deer u daken e burey nu Bether.

Acts 14:10

me non ni ba ga’ laman ni ga’ar, “Mu sak’iy ngalang!” Me og fare mo’on ngalang ngi i yanyan.

Acts 3:8

me og ngalang nge sak’iy mi i yanyan; me un ngorow ngranod ngalan e Tempel ni be yan ma be og ngalang ma be pining e magaer ngak Got.

Jeremiah 48:27

Moab, ka gamnang rogon ni um moningnag e girdi’ nu Israel. U mog e thin ni kireb ngorad ni gowa bogi mororo’?

Isaiah 44:23

Lan e lang, mu tolulnag e felfelan’! Yungi n’en nib to’ar u fayleng, mu tolulgad. Pi burey nge urngin kaen e gek’iy ko yungi gerger, mu garus niged e felfelan’! I SOMOL e ke biyuliy e girdi’ rok nu Israel, ni aram e ke dag feni gel nge feni sorok.

Isaiah 35:6

Pi mugutgut e bay ra oggad ngalang ngu’ur churu’gad, ma pi’in ndabiyag ni ngar nonod e bay ur tolul niged e felfelan’. Ma bay i yan yu pa’ i lul’ u daken e ted ni desert;

Tang Ko Pitang 5:2

Ngiyal’ ni gu be mol, ma ba od lanin’ug. Mug lik’ay ni be tugtuguy gamareg e mab. Mu pageg to’ nggub nga naun’, gur fiti lanin’ug ma dove rog. Ke garda’ lolgeg ko wa’ngachol, ma ke monur piyan lolgeg ko garayuw.

2 Samuel 6:16

Ma nap’an nni fek fare Kahol ko M’ag i yib ngalan binaw u Jerusalem, me changar Mikal u winda, ni be’ ni ppin ni fak Saul, me guy David ni Pilung ni be churu’ ma be og ngalang u fithik’ fare churu’ ni fan ngak Got, me ri dabuy.

Luke 6:23

Ra ni yodoro’ nagmed, ma ngari mu felfelan’gad, ngam oggad ngalang ko felfelan’, ya bay labgen ni ba ga’ ni fanmed ni kan tay u tharmiy. Ya pi chitamangirad e ku er e n’en ni ur rin’ed ngak e pi profet.

Tang Ko Pitang 4:16

Nifengin e lel’och, mu od. Nifengin e yimuch, mu tanfengnag e milay’ rog; ma ga sugnag fithik’ e nifeng ko fel’ bon. Mu pag gamareg nge yib ko milay’ rok nge kay e tin thabi fel’ u wom’ngin.