Tang Ko Pitang 2:5 - Bible Ni Thothup

⁵ Mu pi’ e raisin ngog nge sul gelngig nge arfath ni nge pasig nigeg! Ke m’aynag e darngal gelngig.

Tang Ko Pitang 2:5 Referans Kwoze

Tang Ko Pitang 5:8

Mmicheged ngog, gimed e ppin nu Jerusalem, ni fa’anra mu pir’eged e en gamareg, migmed yog ngak ni kug m’ar ni gube yik’ nga chogowen.

Hosea 3:1

Me non SOMOL ngog bayay ni ga’ar, “Mman ngam t’ufeg fare pin nike th’ab e motochiyel ko mabgol be iling. Ma ga t’ufeg ni bod rogon ni ku gu be t’ufeg piyu Israel, ni yugu aray rogon ni kar pi’ed keru’rad ngog ke t’uf rorad yugu boch e got ma kar adaged ni ngu’ur pi’ed e raisin ni maligach ngorad.”

2 Samuel 6:19

Ma aram e ra reb e pumo’on nge reb e ppin nu Israel me pi’ David reb e flowa ngak, nge bang e ufin ni kan urfiy, nge boch e raisin. Mara be’ me sul nga tafen.

Filippi 1:23

Ya kug me’echthal u thilin, ya ri gub adag ni nggu chuw ko biney e tamilang nggu wan ngak Kristus, ni ir e ri kab gel e fel’ riy;

Luke 24:32

Me lungurow, “Gathi da thamiyew rodow ni bod ba nifiy ni be yik’ u ngorongordow ni fa’ani i welthin ngodow u daken e kanawo’ me weliy fan fapi thin nu babyor nib thothup ngodow?”

Tang Ko Pitang 7:8

Bay gu wan u kenggin nga lang, nggu t’ar wom’ngin. Thuthum e bod l’agruw punug i grape u lanin’ug, ma pogofan rom e bod bon e arfath,

Psalms 63:8

I gur e kug chichiiyeg ngom; ma pa’am e be teg nder buch ban’en rog.

1 Kronicles 16:3

me pi’ e ggan ngorad ni yad gubin. Ra reb e pumo’on nge bpin nu Israel me pi’ reb e lof ngak nge bang e ufin ni mo’oruf nge boch e raisin.