Tang Ko Pitang 1:13 - Bible Ni Thothup

¹³ Adag rog e bfel’ bon dugun ni bod e myrrh nib thig nga daken ngarngoreg.

Tang Ko Pitang 1:13 Referans Kwoze

Efesus 3:17

mi i par Kristus u lanin’med u daken e michan’ romed ngak. Gu be meybil ngak Got ni nge yan lik’ngimed nga fithik’ e t’ufeg nrogon ni nge t’uf Got romed nge girdi’, mi gimed par riy me mang def ngomed,

John 19:39

Mi Nikodemus, ni yan i guy Jesus nneap’ ko som’on e un ngak Josef ngranow, me fek gonap’an ra’ay e pawn e florida, ni aram e myrrh nge aloes ni kan athkuy.

Psalms 45:8

Florida ni myrrh nge aloe e bay ko mad rom; girdi’en e musik e yad be musik nigem u lan tafen e pilung ni kan nunuwnag ko ivory.

Tang Ko Pitang 5:13

Linglingin e bod feni fel’usun bang i milay’ nib sug ko herbs nge spices. Dap’iligun e bod e floras ni giyab, nib monur ko myrrh nib renran.

Tang Ko Pitang 5:5

Ma ku gu fal’eg rogog ni nggu pag nga naun. Ke sug e myrrh u pa’ag, buglipa’ag e ke garda’ ko myrrh, ni ggogoy e man’ ko mab.

Tang Ko Pitang 5:1

Kagub ngalan e milay’ rog, male’ rog, ma athibon an’ug. Gu be kunuy e pi spices rog nge myrrh; gu be kay e honeycomb nge honey rog; ma gu be unum e wayin rog nge milik. Gal fager mu abichgow migimew be garbod nge mada’ ko ngiyal’ ni ka mu chinggow ko adag romew.

Tang Ko Pitang 4:14

nge saffron, calamus, nge cinnamon, ara pi incense ni gubin mit. Myrrh nge aloe e ma tugul u rom nib sug ko tin th’abi fel’ bon e fangur.

Tang Ko Pitang 4:6

Bay gu par u daken e burey ni myrrh, ni burey ko incense, nge taw ko ngiyal’ nike yib nifngin e kadbul ma ke chuw e lumor.

Tang Ko Pitang 3:5

Mmicheged ngog, gimed e ppin nu Jerusalem; mmicheged u daken e deer nib machreg nge gazelle ni dab mmagawon niged e adag romow.

Tang Ko Pitang 2:7

Mmicheged ngog, gimed e ppin nu Jerusalem, mmicheged u daken e deer nib machreg nge gazelle ni dab mmagawon niged e adag romow.

Genesis 43:11

Me ga’ar Israel ni chitamangirad ngorad, “Fa’anra er rogon, me ere nge par riy ni arrogon, ba’aray e n’en ni ngam rin’ed: Mfeked e tin th’abi fel’ ban’en ni bay ko nam rodad ngam ted nga tutuw romed nge mang tow’ath romed ngak governor, ni aram e bochu’uw e florida, nge buchu’uw e honey, nge spices, nge wom’ngin e pistachio nge keal.

Tang Ko Pitang 3:6

Be mang e biney ni be yib u daken e ted ni desert ni bod ba rumog ni ath, nib boni incense nge myrrh ni bfel’ bon, ni fare incense nni chuw’iy ko pi tachuway’?

Tang Ko Pitang 4:16

Nifengin e lel’och, mu od. Nifengin e yimuch, mu tanfengnag e milay’ rog; ma ga sugnag fithik’ e nifeng ko fel’ bon. Mu pag gamareg nge yib ko milay’ rok nge kay e tin thabi fel’ u wom’ngin.