Ruth 2:3 - Bible Ni Thothup

³ Ma aram me yan Ruth nga daken e milay’ ngi i lek keru’ e pi’in yad be maruwel, ni aram e be kunuy wom’ngin e barley ni kan pag u but’. Me yan i puluw nga bangi milay’ ni fen Boaz.

Ruth 2:3 Referans Kwoze

2 Thessalonika 3:12

Gamad be non ngak e pi girdi’ ney ma gamad be ning chiylen ngorad u fithingan Somol ni Jesus Kristus: nthingar ra maruwelgad ma dab ku ur magawon niged e girdi’, nge yag e salpiy ngorad ni fan ko par rorad.

Luke 10:31

Ma bay ba prist ni be yan nga pe’ning u daken e re pa’ i kanawo’ nem; ma fa’ani guy fare mo’on me liyeg rok u baraba’ e kanawo’ nge yan.

Matthew 10:29

Rayag ni ngan chuw’iy l’agruw chi arche’ ni sparrow nga ba salpiy nrow; machane dariy ta’a bagayad nra mul nga but’ nde nang e Chitamangimed.

2 Kings 8:5

Nap’an ni be weliy Gehazi ngak fare pilung rogon nike faseg Elisa be’ ko yam’, me yib fare pin ni nge wenignag e tirok’ ngak fare pilung. Me ga’ar Gehazi ngak fare pilung, “Gur e en ni pilung, irera’ fare pin ma ba’aray fare pagel ni fak ni faseg Elisa ko yam’!”

Ruth 2:2

Me ga’ar Ruth ngak Naomi, “Mu pageg nggu wan nga milay’ nggu kunuy wom’ngin e barley nike pag girdi’en e maruwel ndar feked. Gu manang nra gu pir’eg reb e mo’on nra pageg nggu maruwel rok.” Me fulweg Naomi ni ga’ar, “Fakag, mman.”

Ruth 2:4

Me taw Boaz ni aram e ke yib u Bethlehem. Me ga’ar ngak fapi girdi’en e maruwel, “I SOMOL e ngi i par romed!” Miyad fulweg ni lungurad, “I SOMOL e nge ayuwegnem!”

2 Samuel 1:6

Me fulweg ni ga’ar, “Gu bay u daken e burey ni Gilboa, mu gguy Saul nike rugoy taban e sarey rok nga fithik’ e but’ ke duwgil ngay, ma aram e ke yib e pi chariot rok e to’ogor nge ku er i tay e girdi’ nike af nga daken e os ni yad be chugur i yib ngak.

2 Samuel 20:1

Ma yigi buch ni immoy be’ u Gilgal nde fel’ ngonglen ni Sheba fithingan ni be’ nib pumo’on ni fak Bikri, ni yib ko fare ganong rok Benjamin. Me thoy Sheba e yabul me tolul ni ga’ar, “Ngan dariyfannag David! Dab da leked! Pi pumo’on nu Israel, mmarod ngad sulod nga tafedad!”