Ruth 1:12 - Bible Ni Thothup

¹² Mu sulow nga tabnaw romew; ya kug pilibthir ndabkiyag ni gu un nga reb e mabgol. Ma gomang e fa’an mang e ku rayag, mu gu mabgol e nep’ ney nggu fakay e pagel,

Ruth 1:12 Referans Kwoze

Genesis 17:17

Me ragbug Abraham me yip’ owchen nga but’, machane me minmin ya fa’ani leamnag me ga’ar u wan’, “Gur ku rayag ni nge fakay be’ nib mo’on nike gaman 100 e duw yangren bbitir? Gur ku rayag ni nge gargeleg Sarah bbitir ni aram rogon nike mereb i ragag e duw yangren?”

1 Timothy 5:9

Dab mu uneg fithingan be’ nga babyoren fithingan e pi’in ke yim’ figirngirad ni fa’anra dawori pag nel’ i ragag e duw yangren. Ma ku errogon ndabisiy nta’ab yay nike mabgol,

Genesis 38:11

Aram me ga’ar Judah ngak Tamar ni le’engin fak, “Mu sul nga tafen e chitmam ngam par ni gab muchugbil nge taw ko ngiyal’ nike ilal Shelah ni fakag.” Keyog ni ara’ rogon ni bochan e ke rusnag nri kun thang e fan rok Shelah, ni bod rogon fa gal pumo’on ni walagen, ma aram me sul Tamar nga tafen.

Ruth 1:11

Me fulweg Naomi ni ga’ar, “Gal fakag, thingar mu sulow. Mang ni gimew ba’adag ni ngam’unew ngog? Gimew be finey ni ku rayag ni nggu diyennag l’agruw e pagel bayay ngam figirngiyew?

Ruth 1:13

ma gur gimew ra sonnag row ngar ilal gow? Ra aram rogon mi gimew ra par ndab mu figirngiyew be’? Gal fakag, dangay, gimew manang ni ban’en ni dabyag. I SOMOL e ke togopluw ngog, ma ke kireban’ug ngomew.”