Roma 9:6 - Bible Ni Thothup

⁶ Dagur yog ni tin nike yog Got ni bayi pi’ ngorad e daki pi’; ya gathi urngin e girdi’ nu Israel ni yad e pi’in ke mel’egrad Got ni ngar manged girdi’en.

Roma 9:6 Referans Kwoze

Galatia 6:16

Nge yib e gapas nga laniyan’ e pi’in yad be fol ko re bugithin ney, me runguyrad Got, ni yad nge urngin e girdi’ rok Got!

Roma 3:3

Ma fa’anra bay boch i yad nde yul’yul’? Gur ma aram e dabki yul’yul’ Got?

John 1:47

Ma fa’ani guy Jesus Nathanael ni be yib i yib ngak, me weliy murung’agen Nathanael ni ga’ar, “Cha’ney e riyul’ ni ir be’ u Israel, ni be’ nrib yul’yul’!”

Numbers 23:19

Got e gathi bod e girdi’, nma ban; Gathi ba girdi’ nma thiliyeg laniyan’. Tin nma micheg ni nge rin’ e ma rin’; Ra non ma kem’ay i ngongliy.

Matthew 24:35

Tharmiy nge fayleng e bay chuw, ma thin rog e ri dabi math bi’id.

Isaiah 55:11

Ku aram rogon e thin nma yib u l’ugunag, ndabiyag ni nge dabi rin’ e tin nike m’ay i leamnag rog; ya ra rin’ urngin ban’en ni kug l’oeg ni nge rin’.

2 Timothy 2:13

Ma fa’anra darid yul’yul’gad, me ir e be par nib yul’yul’, ya dabiyag ni nge thiliyeg rogon ni ir Got.”

John 10:35

Gadad manang ni n’en ni be yog e babyor nib thothup e ba riyul’ ndariy n’umngin nap’an; i pining Got e pi got ngak e pi’in ni pi’ e thin rok ngorad.

Roma 9:4

Yad e mel’egrad Got ni ngar manged girdi’en; me tayrad ni kar manged pifak me pi’ e fla’ab rok ngorad; me ngongliy e pi m’ag rok u thilrad nge ir me pi’ fare Motochiyel ngorad; bin riyul’ e pigpig nge meybil ngak Got e yad e bay rorad; ma ke micheg Got ngorad e tin ni bayi pi’ ngorad;

Filippi 3:3

Ya gathi yad e picha’ nike yag e bin riyul’ e maad’ad ko dowef ngorad, ya gadad, ni bochan e gadad ma liyor ngak Got ma gadad ma meybil ngak u daken e Kan Nthothup rok, ma gadad be felfelan’ ko yafos ni yag ngodad u daken Kristus Jesus. Dabi pagan’dad nga yalen e tin yibe ngongliy nga wuru’ i dowdad.