Roma 9:5 - Bible Ni Thothup

⁵ yad owchen e pi chitamangidad nu Israel, mi Kristus ni ngal’ nib girdi’ e bmu’un ko re racha’ nem. I Got ni ir e be gagiyegnag urngin ban’en e nganog e sorok ngak ndariy n’umngin nap’an! Amen.

Roma 9:5 Referans Kwoze

Roma 1:25

Kar thiliyeged e tin riyul’ ni murung’agen Got ko tin nde riyul’; yad be tayfan ma yad be meybil ma yad be pigpig ko tin ni sunumeg Got ma darir rin’ed ngak e Cha’ ni ir e sunumeg urngin ban’en, ni ir e nganog e sorok ngak ndariy n’umngin nap’an! Amen.

1 John 5:20

Gadad manang ni en ni Fak Got e ke yib ma ke tamilangnag an’dad ni ngad nanged fa bin riyul’ e Got. Gadad bay u fithik’ e bin riyul’ e Got — u fithik’ Fak ni Jesus Kristus. Ir e bin riyul’ e Got, ma ir e yafos ndariy n’umngin nap’an.

John 10:30

Chitamag nge gag e gamow ba ta’reb.”

1 Timothy 3:16

Rib muduwgil ni yira ngat ko n’en nib riyul’ ni ir e ke michan’dad ngay: I yib i m’ug nike bod ya’an e girdi’, ma Kan Nthothup e dag nib mat’aw, ma pi engel e ra guyed. Ma kan machibnag murung’agen ko pi nam i yan, me michan’ e girdi’ nu fayleng ngak, min fek nga tharmiy.

Roma 1:3

Re thin nem e murung’agen Fak, ni aram e Somol rodad i Jesus Kristus; ma rogon ni ngal’ nib girdi’, e ni gargelnag ko ganong rok David;

Revelation 1:18

I gag fa’anem ni gu be par ni gub fos! I gag e gum’, machane mu sap, kug fos ndab ku gum’ bayay. I gag e bay e yam’ u pa’ag nge gin ni bay e pi’in ni karm’ad riy.

Isaiah 11:1

Pi’in owchen David ni uranod nga luwan nguur pilunggad e yad bod ba ke gek’iy ni kan toy; machane rogon ba noef ni thay ko ley nike magey u fithik’ e but’, e aram rogon ba pilung ni bay yib u fithik’ e pi’in owchen David.

Revelation 22:16

“I gag Jesus e kug l’oeg e engel rog ke yib ni nge weliy e pin’ey ngomed e pi’in ni gimed girdi’en e pi galesiya. I gag fa’anem ni owchen e tabinaw rok David; mi gag fare fasuran ni ba ga’ ram’en.”

2 Korinth 11:31

I Got ni Chitamngin e Somol rodad i Jesus e ngan’ pining e sorok nga fithingan ndariy n’umngin nap’an; ir e manang ndagur lifith l’ugunag.

Roma 11:28

Ni bochan e ra n’iged fare Thin Ni Bfel’, ma aram miyad mang to’ogor rok Got ni fan ngomed e pi’in gathi gimed piyu Israel. Machane yad e mel’egrad Got, ere yad e pi tafager rok ni bochan e pi chitamangirad.

Roma 10:12

Re bugithin ney e ke uneg urngin e girdi’ ngay, ya dariy ban’en nib thil rok piyu Israel nge pi’in gathi yad piyu Israel; i Got e ta’ab Somol rorad ni yad gubin, ma ri ma tow’athnag urngin e pi’in yad ma pining fithingan.

Mikah 5:2

Be ga’ar SOMOL, “Bethlehem Efrathah, i gur reb fapi binaw nth’abi achig u lan yu Judah. Machane be’ u wur e bay gu fek nggu tay ni nge gagiyegnag yu Israel, ni be’ ni bay e tha’ ko tabnaw rok i yan nga tomur ko tin kakrom e rran.”

Isaiah 7:14

I SOMOL e bayi pi’ ba pow ngomed. Be’ ni bpin ni ka ba rugod nike diyen. Bayi gargel ni bochi pagel ma bayi tunguy fithingan ni Immanuel.

Psalms 106:48

Ke sorok SOMOL, ni Got nu Israel; ngad pininged e sorok ngak e chiney i yan ndariy n’umngin nap’an! Nge gubin e girdi’ ma nge lungurad, “Amen!” Ngan pining e sorok ngak SOMOL!

Psalms 103:19

I SOMOL e ke fal’eg tagil’ nga tharmiy; i ir e pilung ko gubin.

Psalms 72:19

Fithingan nib gilbuguwan e ngu’un pining e sorok ngay ndariy n’umngin nap’an! Maluplup rok e mang e yigi suguy e fayleng. Amen! Amen!

Psalms 45:6

Fare lung nike pi’ Got ngom e ra par ni manechibog ko pichibog. Bmat’aw rogon ni ga ma gagiyegnag e girdi’ rom;

Psalms 41:13

Ngan pining e sorok ngak SOMOL, ni fare Got rok yu Israel! Ngan pining e sorok ngak e chiney i yan ngaram ndariy n’umngin nap’an! Amen! Amen!

Revelation 22:20

En ni ir e ke weliy e pin’ey ni urngin e ke ga’ar, “Riyul’! Dabki n’uw nap’an mu gub!” Nge par riy ni bod ni kamog. Moy, Somol Jesus!

2 Timothy 2:8

Mu leamnag Jesus Kristus, ni Got e ke faseg ko yam’, ni Jesus Kristus e ir be’ ni owchen David, ni bod ni bay murung’agen ko fare Thin Ni Bfel’ ni ir e gu be machibnag.

1 Timothy 6:15

Bay yib i m’ug ko ngiyal’ ni bay duwgiliy Got ni nge m’ug riy, ni ir e ba fla’ab, ma kemus ni ir e be gagiyegnag urngin ban’en, me ir e Pilung ko pi pilung nge Somol ko pi somol,

1 Korinth 14:16

Fa’anra mpining e magaer ngak Got u ban’en nthin nda nnang fan e ga be yog, mra di’in me yog be’ e “Amen”, ni be’ ni bay ko fare mu’ulung? Ya dabiyag ni nge nang fan e n’en ni ga be yog.

Matthew 28:20

mi gimed fil ngorad rogon ni ngu’ur folgad u gubin e tin kugog ngomed ni ngu’um rin’ed. Ma dab mpaged talin ni gubin ngiyal’ ma gu bay romed, nge yan i mada’ nga tomuren e fayleng.”

Psalms 89:52

Ngu’un pining e sorok ngak SOMOL ni dariy n’umngin nap’an! Amen! Amen!

1 Kronicles 16:36

Ngu’un pining e sorok ngak SOMOL ni fare Got nu Israel! Ngu’un pining e sorok ngak e chiney i yan ngaram ndariy n’umngin nap’an! Ma aram me ga’ar e girdi’ ni gubin, “Amen,” ke sorok SOMOL.

1 Kings 1:36

Me ga’ar Benayah, “Bay nrin’ ni bod ni kamog. Mang e yigi tay SOMOL ni Got rom nge par ni er rogon.

Revelation 5:14

Ma fa aningeg i n’em ni yad ba fos e ra fulweged ni lungurad, “Amen!” Me paraw fapi pi’ilal nga but’ ngar siro’gad ngak.

Acts 20:28

Mu ayuweged gimed nge fare ulung i saf ni fare Kan Nthothup e ke taymed ni ngu’um ayuweged. Gimed e ngam pired ko galesiya rok Got ni bod e pi’in nma ayuweg e saf, ya girdi’en e galesiya rok Got e rmanged girdi’en Got u daken e yam’ ni tay Fak.

Matthew 6:13

Dab mfekmad i yan ko sikeng nib mo’maw’, machane ngam ayuwegmad rok Fa’anem nib Kireb.’

Jeremiah 28:6

“Rib manigil, gu be athpeg ni gomang e rin’ SOMOL ni aray rogon! Ri gu be athpeg ni gomang e yigi riyul’nag e n’en ni kam yi’iynag nge fulweg u Babylon gubin e machaf ko Tempel nge gubin e girdi’ ni ka ni fekrad ngaram ni kalbus.

Deuteronomy 10:15

Machane feni t’uf e pi chitamangimed rok SOMOL, ma aram me mel’egmed u fithik’ gubin e girdi’, ke par riy ni aram rogon ni gimed e girdi’ rok.

Genesis 49:10

Fare sog ko pilung e dabi chuw rok Judah, ma ku dabi chuw fa lay i ren ni fen e gagiyeg u thilin e rifrif u ay; nge mada’ ko ngiyal’ ni bay yib e en ir e fen, ma bay i fol e girdi’ rok.

Genesis 12:3

Gu ra fal’eg wa’athan e pi’in yad ra fal’eg wa’atham, ma gu ra bucheg wa’athan e pi’in yad ra yibilayem ni nge kireb wa’atham. Urngin e nam nu fayleng e bay i fel’ wa’athrad ni bocham.”

Acts 3:13

Fare Got rok Abraham, nge Isak, nge Jakob, ni ir e Got rok e pi chitamangidad e ke tayfan e tapigpig rok i Jesus. Gimed e mpi’ed nga pa’ e pi’in yad be yog e thin, mi gimed yog u p’eowchen Pilate ni dabumed Jesus, ni mus ko fa ngiyal’nem ni duwgiliy Pilate ni nge pag Jesus.

Hebrews 7:24

Machane Jesus e bay i par nib fos ndariy n’umngin nap’an, ma maruwel rok ko prist e daki af rok ngak be’.

Luke 20:44

David e pining ‘Somol’ ngak. Ere ra di’in me yan i aw ni fare Messiah e ir owchen David?”