Roma 9:1 - Bible Ni Thothup

¹ N’en ni gu be yog e ba riyul’; i gag girdi’en Kristus ma dagur ban; ma lanin’ug ni fare Kan Nthothup e be gagiyegnag e ku be micheg ngog ni dagur ban.

Roma 9:1 Referans Kwoze

1 Timothy 2:7

ma ireray fan nnol’igeg ni gag reb e apostel ni tamchib ngak e pi’in gathi yad piyu Israel, ni nggu wereg e thin rok Got ngorad ni murung’agen rogon ni nge mich Got u wun’uy min nang e tin nib riyul’. Gathi ban’en ni gu be ban, ya gu be yog e tin riyul’!

Roma 1:9

Got e manang ni tin ni gu be weliy e ba riyul’ — ni ir fare Got ni gu be pigpig ngak u polo’ i lanin’ug ni bochan e gu be machibnag ngak e girdi’ e Thin Ni Bfel’ ni yib rok ni murung’agen Fak. Got e manang ni gubin ngiyal’ ni gu ma unegmed ko meybil rog

Galatia 1:20

N’en ni kug yoloy e ba riyul’, ni gu be yog ngomed u p’eowchen Got ndagur lifith l’ugunag!

Filippi 1:8

I Got e manang ni gu be yog e tin riyul’ ni fa’anra lungug e ri gimed urngin ni gimed ba t’uf rog ni ta’reb rogon ngarogon ni gimed ba t’uf rok Kristus.

2 Korinth 11:10

Rogon feni riyul’ ni bay Kristus u fithik’ag e nggog nre bugithin ney ni gub felan’ ngay e dariy bang u roy u Greece nrayag ni ngan thang riy.

Roma 8:16

Fare Kan Nthothup rok Got e ir e be micheg nga lanin’dad ni gadad pifak Got.

1 Timothy 1:5

Fan e re bugithin ney ni kugog ngom e bochan e nge yagnag e t’ufeg nma yib ko gum’ircha’ nib machalbog, ma ma yib u lanin’uy ni der yog ngom gur be’ ni kam rin’ ban’en nib kireb, ma ma yib ko bin nib riyul’ i rogon nib mich Kristus u wun’uy.

1 Thessalonika 2:5

Ya ri gimed manang ni gathi gu bad ngomed ni gamad be n’ufmed ngalang ko thin, ara ugogned e thin ni nge dab mu nanged ni gamad be guy rogon ni nggu feked ban’en romed — i Got e manang!

2 Korinth 12:19

Sana gimed be finey ni gamow be yoror romow u p’eowchemed. Danga’! Gamow ra welthin nrogon ni ba’adag Kristus ni nggu welthingow u p’eowchen Got, ma urngin ban’en ni gamow be rin’ e kug rin’ew ni nggu ayuwegew gimed e pi tafager ni gimed ba t’uf romow.

2 Korinth 1:12

Ba’aray e ren’en ni gamad ba felfelan’ ngay: lanin’mad e be micheg ngomad ni ngongol romad u roy u fayleng, ni ba ga’ nrogon e ngongol romad ngomed nrogon feni tamilang nge rogon feni yul’yul’ e thin romad ngomed, e Got e i gagiyegnag me ir e pi’ gelngimad nge yag, ma gathi yib ko gonop rok e girdi’.

1 Timothy 5:21

Ri gu be non ngom u p’eowchen Got, nge Kristus Jesus, nge pi engel nib thothup ni ngam fol ko pi thin ney, ma urngin ban’en ni ga ra ngongliy ma dab mu dabuy daken be’ ara mu fol ngak be’.

2 Korinth 11:31

I Got ni Chitamngin e Somol rodad i Jesus e ngan’ pining e sorok nga fithingan ndariy n’umngin nap’an; ir e manang ndagur lifith l’ugunag.

2 Korinth 1:23

Gu be yog e re bugithin ney u p’eowchen Got — ye ir e manang lanin’ug! Gu duwgiliy ndab ku gub nga Korinth ni fan e nge dab gu kirebnag an’med ko puwan’ ni gu ra tay ngomed.

Roma 2:15

Ya ngongol rorad e be m’ug riy ni tin ni be yog fare Motochiyel ni ngan rin’ e yad manang u lanin’rad. Ya ku errogon lanin’rad ni be dag ni ren’ey e ba riyul’, ni bochan e yu ngiyal’ e ma yog e leam rorad ngorad nib tagan e tin ni kar ngongliyed, ma yu ngiyal’ e ma yog ngorad nib mat’aw e tin ni kar ngongliyed.

Roma 9:2

Rib ga’ e kireban’ ni gu be tay, ma rib ga’ e amith ni bay u lan gum’ircha’eg nder chuw, ni bochan pi girdi’eg ni gamad ta’ab ufin nge ta’ab racha’!