Roma 8:32 - Bible Ni Thothup

³² Mus ngak Fak me pi’ ni fan ngodad ni gadad gubin nde yag ni nge tel! Ke pi’ Fak ngodad — ere gathi ku ra pi’ urngin ban’en ngodad ndariy puluwon?

Roma 8:32 Referans Kwoze

John 3:16

Ya Got e rib t’uf e girdi’ nu fayleng rok, ma aram me pi’ Fak ni kari maagirag rok nge yib, ni fan e nge urngin e pi’in ni michan’rad ngak e aram e dab kurm’ad, ya keyag e yafos ndariy n’umngin nap’an ngorad.

Roma 8:28

Urngin e pi’in ke piningrad Got ko tin be leamnag ni pi’in nib t’uf Got rorad, e gadad manang nma ayuwegrad Got nge pingeg urngin ban’en nge fel’ ngorad.

Psalms 84:11

I SOMOL e ir e yoror rodad, me ir ba pilung nib maluplup, ir e ma tow’ath nagdad ko runguy nge tayfan. Der ma siyeg ban’en ni bfel’ ni nge pi’ ngak e pi’in yad be rin’ e n’en nib mat’aw.

1 John 4:10

Ba’aray rogon ni gadad ba t’uf rok Got: gathi ud pired nib t’uf Got rodad, ya ud pired ni gadad ba t’uf rok me l’oeg Fak nge yib, nu daken Fak e nge n’ag Got fan e denen rodad riy.

2 Korinth 5:21

Kristus e dariy e denen ni ngongliy, machane me fek Got e denen rodad nge tay nga daken, ni fan e ngad ta’ab girdi’gad ngak nge yag nda mat’awgad ni bod rogon Got.

1 Korinth 2:12

Ma gadad e gathi leam nu roy u fayleng e ir e ke yag ngodad; ya fare Kan ni Thothup ni Got e l’oeg e ir e ke yag ngodad, ni fan e nge yag nda nanged urngin e tin ke pi’ Got ngodad.

Roma 6:23

Ya denen e ma pi’ puluwoy — ni yam’; machane tow’ath rok Got ngodad ndariy puluwon e yafos ndariy n’umngin nap’an nra pi’ u daken e ta’ab girdi’ ni kad ted e Somol rodad i Jesus Kristus.

Roma 4:25

Nni pi’ ni ngem’ ni bochan e denen rodad, mi ni faseg ko yam’ ni fan e nge ta’dad ni kad mat’awgad ngak Got.

Isaiah 53:10

Be ga’ar SOMOL, “I gag e gu turguy ni nge gafgow; yam’ ni tay e ba maligach ni fan e nggu n’ag fan e denen ko girdi’. Ere bayi guy e pi’in owchen; bayi par nib n’uw nap’an, ma tin kem’ay i leamnag rog e bayi yan i aw nga rogon u daken.

Matthew 3:17

Me non ba lam u tharmiy ni ga’ar, “Ireray Fakag nib t’uf rog ni kari felan’ug ngak.”

Revelation 21:7

En nra gel nde pag ir ko kireb e ba’aray e n’en gu ra pi’ ngak: gu ra mang Got rok, ma gu ra fakay.

Genesis 22:12

Me ga’ar fare engel, “Dab mu maad’ad ngak e chi pagel nir ara mrin’ ban’en ngak. Kug nang e chiney nib magan’um ngay ni ngam fol rok Got, ya fakam ni kari maagirag rom e da mu tel rok.”

2 Korinth 4:15

Urngin e pin’ey ma gimed e fan ngomed; ma bay i yo’or e girdi’ i yan ni be taw e ayuw rok Got ngorad ni bochan e be runguyrad, ma bo’or e meybil ni bay ra pi’ed ni yad be pining e magaer ngak Got, ni aram e yad be tayfan.

Roma 11:21

Ya fa’anra ke chuweg Got e tin rri papa’ngin e re ke gek’iy nem ni er piyu Israel, ma gimed be finey ndabiyag ni nge chuwegmed?

Matthew 7:11

Yugu ireyer fanmed kireb, ma gimed manang rogon ni ngam pi’ed e tin ni bfel’ ban’en ngak pifakmed. Ere Chitamangimed ni bay u tharmiy e rira pi’ e tin ni bfel’ ban’en ngak e pi’in yad ra ning ngak!

2 Korinth 6:10

kan kirebnag an’mad, ma gubin ngiyal’ nib felan’mad; gowa ri gamad ba gafgow, machane bo’or e girdi’ ni kug fal’eged rogorad; gowa dariy ban’en romad, machane riyul’ ni urngin ban’en ni bay romad.